2 Corinthians 11:23 - Patamuna New Testament Revised

²³ Christ yapyoto yamùk ken na' mùkyamlo? Itayaupasak kappon kasa uselupayaik, tùse wakùiwa nen apyoto Iulà! Sa'man peiwa nen we'wotokomasak màlà, patikichi tau wessak tukkeiwa itekkwa. Uyippoppàssak màlà tukke itekkwa. Molopai weli'nàtok piyau mei pùla wessak màlà echipalà'ne.

2 Corinthians 11:23 ပူးပေါင်းရင်းမြစ်များ

Yeunossak kon Wotokoyi 14:19

Màlà tùpo tùulon kon Jew yamùk uyàpùppù Antioch Pisidia pon poi molopai Iconium poi; molopai tok uya tukkan kon kappon yamùk lattàppù tùwinàkài'nokon, Paul wànàppù tok uya tàk ke molopai tok uya iwolokappù màlà pata poi iwelichak pe tekamaik.

Yeunossak kon Wotokoyi 20:23

Tùttuyaik neken Wakù Akkwalù uya yekamasak kulu man upàk tamù'nawàlà pata yamùk yau patikichi uya molopai wettalumattàntok uya umàmuku.

Yeunossak kon Wotokoyi 21:11

Iyàpùppù ina piyak molopai Paul pokùlùyi mokkappù ya, tùtta molopai temyatù tawon yaulomùppù ya ike. Molopai: “Suwa nùkayan Wakù Akkwalù: ‘Sàlà pokùlù yesak yaulonpàtù màlà sàlà kasa Jew yamùk Jerusalem pon kon uya, molopai tok uya itùlù màlà Jew yamùk pen yemyak,’ ” teppù ya.

Yeunossak kon Wotokoyi 25:14

Molo tachinpeiwa tùwechi kon yau, Festus uya Paul yekale yekamappù kin pàk. “Kàyik molo man talà yachisak lùppù Felix nùnàmàppù.

Yeunossak kon Wotokoyi 27:1

Italy pona ina utàtoppe ikussak yau, tok uya Paul molopai tùulon kon yachisak kon tùlùppù Julius yemyak, soicha yamùk yepulu, Caesar soichayi tonpa.

Yeunossak kon Wotokoyi 28:16

Ina welepansak Rome pona yau, Paul wemattoppe tùyiwalà ikupùppù màlà, tennài soicha pokonpe.

Yeunossak kon Wotokoyi 28:30

Asa'là kilichimochi Paul uko'mamùppù màlà pata yau tùne'mappù tùwemattoppe itau tau, molopai tamù'nawolon kon tense iyàssak kon yanùmùppù ya molo.

Yeunossak kon Wotokoyi 9:16

Molopai Iulà uya nàlà yekama màlà ipàk tamù'nawolon iwettalumattàtok uponaloppe,” teppù.

Romans 8:36

Katù Maimu uya, “ Apàkànsau ina àsà weli'nàtok ne'nài yau man wei kaichalà, ina kupù man kalinilu yamùk iwànà woton kon kasa,” te kasa. {Psa 44.5}

1 Corinthians 15:10

Tùse wakù pe Katù wettok winà wessai'nùppe wechi sàlà nai'nùk, molopai wakù pe iwettok wechippù yà'là woton pe pùla là pen màlà. Ànù'là yeunossak kon yentai lùiwa sa'man pe we'wotokomasak man, Iulà pen tùse, tùse wakù pe Katù wettok upàk we'wotokoma nai'nùk.

1 Corinthians 3:5

Ànùk ken uchi mùkkàlà Apollos? Molopai ànùk ken mùkkàlà Paul? Katù yapyoto ton neken nen mùkyamlo, ene'nàippù kon iwinàkàik ailon te kon pa. Itepulu nùtùlùssan mùkyamlo iponalà iwotokoyi.

1 Corinthians 4:1

Màlàpàk uchi, ina yene kappon yamùk uya màlà Christ yapyoto ton pe, molopai Katù nùwotokoyittàssan, tùttusen pen ailon yenpoikannan pe ikussak kon pe.

1 Corinthians 4:11

Sàlà wei tepose ina iwan pe man molopai ina ne'nakklipayan. Pon poipà yau ina man. Ina ippoppàssak man. Ipatassek pùla ina man.

1 Corinthians 4:9

Masapùla Katù uya ina, yeunossak kon nonkasak màlà àkàmlàk, kappon yamùk tùsak tok welittoppe nai'nùk kasa. Tamù'nawolon kon nene pe ina kussak màlà wekkuli'mantok yak, inchelù yamùk molopai kappon yamùk là nene pe.

2 Corinthians 10:7

Eyemloto kon po nai'nùk yentàk kon! Ànù'là Christ ponaloppe tùuchittusen wechi yau, tàwà nùsenumenka tu'mai Christ ponaloppe ina wechi pàk tùkasa làma.

2 Corinthians 11:5

Tùse mùkyamlo “wakù ton yeunossak kon” ma'le uchittu pùla man.

2 Corinthians 3:6

Masapùla mùkkàlà uchi mùkkàlà ina ku'nàippù meluntà pe emennak ikupù tùuya tetok Katù uya ponaloppe ina we'wotokomatoppe, imenukasak lùppù law winàpaino pen, tùse Akkwalù winàpaino. Imenukasak lùppù màlà weli'nàtok ne'nài, tùse Akkwalù mùkkàlà wema'nàtok ke lepanài.

2 Corinthians 4:11

Ina wemattok yau, weli'nàtok yak tùtùsan pe ina wechi màlà tàwàlà Jesus pàkànsau, iwemattok usentoppe tùukàtasen ina pun yau.

2 Corinthians 6:9

Tùttusan pe, tùse ànùk pen kasa ina wechippù, iwelikù kasa, tùse ina wemapù. Ippoppàssappe, walà tùse iwàsak pùla.

Galatians 6:17

Uselupa wenukapù pe, ànù'là uwanittàpatak, masapùla uyesak pattàpàssak yàlùppù man upolo Jesus ponaloppe wechi yekamanài pe.

Ephesians 3:1

Sàlà kasa iwechi pàk Iulà Paul, wechi nai'nùk yachisak pe, amyamlo Jew yamùk pen pàkànsau.

Ephesians 4:1

Eyekamappoyatàu uchi Iulà, Iulà yachichak nai'nùk masapùla Itepulu Jesus ponaloppe we'wotokoma pàk. Àkà'ma kon tùuya yau Katù nùkupùppù yawàlà we'nàtoppe, pàkàlà ayakkwalù kon yemakkwatàk kon.

Ephesians 6:20

Sàlà wotoko kuttoppe uya uyeunossak nai'nùk molopai màlà pàkànsau sàlà patikichi tau wechi. Àpùlematàk kon meluntà pe tùusenalippaik pùla uselupatoppe Wakù Itekale yekama uya yau.

Philippians 1:13

Màlàpàk tamù'nawolon kon itepulu yelasu ton molopai tamù'nawolon kon talonkonnà Christ yapyoto pe wechi pàk patikichi tau wechi ittuyan.

Philippians 2:17

Ailon tetok auya Itepulu yau molopai ewe'wotokomatok màlà lepantok walai Katù pona. Msolopai umùnù wekkwamù sàlà lepantok pona. Sàlà wekkupù yau utauchinpa màlà, molopai tamù'nawàlà àpokonpe' nokon utauchinpa.

Colossians 1:24

Molopai sàlà pe utauchinpayaik wettalumattàsak àpàkànsau'nokon pàk. Sàlà yamùk wettalumattàtok yanùmù uya nai'nùk uyesak yau, Christ wettalumattà yenuka'nùpù pe sochi ponaloppe. Sochi mùkyamlo Christ pùkkù.

Colossians 1:29

Sàlà wekkuttoppe tùwe'wotokomasen Iulà sa'man pe, eke meluntà Christ nùtùlù yapulà pe, ne'wotokomayai'nùk uyau.

1 Thessalonians 3:2

Ina uya Timothy yeunokoppù apyakù'nokon, ina tonpa molopai Katù poitolù molopai Wakù Christ yekale yekamanài. Ina neunottai emeluntàlùttàtok kon pe ya molopai ailon tetok auya'nokon pùikattàtoppe ya,

1 Timothy 4:6

Sàlà yamùk usenupantok iwinà yekamasak auya ailon tawonnan pàk yau, wakù pe Jesus yapyoto pe tùwessen pe ewechi màlà, ailon itekale yau yemokkasak pe molopai wakù enupantok yawàlà iwessak pe.

2 Timothy 1:16

Tàwà Itepulu Jesus usentupantok yenpoikai Onesiphorus yùwùk tawon kon pàk, masapùla umeluntàpasak ya pàk echipalà. Iwekuli'mappù pen yachichak pe wechi pàk,

2 Timothy 1:8

Kekkuli'mai uchi, yekama pàk Kùyepulu Jesus ponaloppe; wapùla upàk kekkuli'mai yachisappe wechi iponaloppe wenai. Tùse làkku, ewettalumattàtok yanùnkà Wakù Itekale ponaloppe, Katù uya elepa meluntà ke kaichalà.

2 Timothy 2:9

Molopai sàlà itekale yekama uya pàk wettalumattà nai'nùk, uyewattàsak nàlà kappon wànài yaulonsak kasa. Tùse Katù Maimu yewattàsak pùla man,

2 Timothy 3:11

Umottùnpatok, wettalumattàtok, yà'là yekkwa ton nà wekkupùppù uwinàkàik Antioch po, Iconium po, molopai Lystra po, àsà ton kulu wettalumattàntok pàlikappù uya! Tùse Itepulu uya upùikattàppù tamù'nawàlà màlà yamùk yapai.

Philemon 1:9

Tùse làkku uchi'nùnmantok ukussan apawanattàtoppe uya. Sàlà tùkussaik amoko pe echi'ma Paul pe echii'ma, Christ Jesus ponaloppe tùuselupasen pe echii'ma molopai sàlà pe ipàkànsau yachichak pe echii'ma.

Hebrews 10:34

Patikichi tawon kon pàk eusentupappù kon molopai itesak pe ewettok kon mokkasak ewinàpai'nokon yau, ipàlikappù auya'nokon tùutauchinpaik. Masapùla tàwàlàlà tùuko'mansen wakù ton lùiwa yesappe ewechi kon ittu auya'nokon pàk.