2 Corinthians 11:20 - Patamuna New Testament Revised

²⁰ Ànù'là apyoto pe àku'nài'nokon pàlikannan amyamlo, wapùla mùkkàlà eyeka'nonkanài'nokon yà'làlà kupù kon pa, wapùla yà'làlà itesak pe ewettok kon mokanài, wapùla tùtalumayi pe eyennài nokon, wapùla eyenpata kon ippo'nài.

2 Corinthians 11:20 ပူးပေါင်းရင်းမြစ်များ

Mark 12:40

Itayappù iwelichak lùppù yùwùk mokkan nan mùkyamlo, kusan pe tùwàpùlemassan wakù pe tùwechi kon pe tukaik. Tok uya màlà eke kulu wettalumattàntok yepolo,” teppù Jesus uya.

Luke 6:29

Ànù'là uya àwànà eyenpata yai yau, tàwà ilatoi yai nàlà àwànài. Ànù'là uya ayassan kon yalà yau, tàwà àpon kon yepoino nàlà yalài.

1 Corinthians 4:11

Sàlà wei tepose ina iwan pe man molopai ina ne'nakklipayan. Pon poipà yau ina man. Ina ippoppàssak man. Ipatassek pùla ina man.

2 Corinthians 1:24

Ailon tetok auya'nokon ipàk woton yekamaiche eyepulu kon pe ina wechi pen sàlà. Autauchinpatok kon ponaloppe làkku ina we'wotokoma sàlà àpokonpe'nokon, meluntà pe ewechi kon ailon tetok yau pàk.

2 Corinthians 10:5

Usàulàmantok kon molopai tamù'nawolon uselupantok Katù ittutok wakà'nài mattanù'nài nan ina. Tamù'nawàlà usenumenkantok yachinài nan ina, Christ maimu yawàlà iwettoppe.

2 Corinthians 11:3

Usenalippayaik àkài uya Eve yennakappù kaseipe ennakantok tùuya ke kasa làma, tamù'nawàlà ailon molopai esuken ewettùtok kon Christ yemyak winàpai eusenumenkatok kon lattà yeselùkek iwechi pàk.

2 Corinthians 12:16

Esenumenkatàk kon, yà'làlà moka uya pùn ewinàpai'nokon. Tùse tùulon uya là, “Paul wechippù enakanài pe molopai enkuttànài kasei pe tùwettok ke,” te.

Galatians 2:4

Sàlà kasa iwechippù màlà masapùla tùulon kon ina tonpa yamùk pe tukaik tùusenakassan uyàpùppù màlà ina kùlottak tùwanmùla Christ Jesus yau ina wemapù yense amak yai, molopai apyoto pe ina kusse.

Galatians 4:25

Hagar mùkkàlà Sinai Tùpù Arabia pon yekamanài molopai nàlà Jerusalem sàlà pe nai'nùk. Masapùla appyoto pe man tùmunkà yamùk pokonpe.

Galatians 4:3

Màlà kasa làma we'nàppà'nokon. Sàlà wolù yeselu yapàikketù yappyoto pe.

Galatians 4:9

Tùse sàlà pe Katù mùttuyatàik, wapùla, màlà yentak Katù eyittuyatàu, yà'là pe ken uchi iwechi pàk ennappopai ewechi kon màlà attu'mùnon molopai italumayichan eselu yamùk yak? Itappyoto pe tu'ma ka' eppai messatàu miyalà lùppù lù?

Galatians 5:1

Imokkasappe we'nàtoppe sàlà Christ uya kùmokkasakù'nokon. Meluntà pe à'mùssakkatàk kon molopai apyoto pe tu'ma we'nàtok yak kettùtàu.

Galatians 5:10

Tùttuyaik Itepulu yau tùulon usenumenkantok yanùmù auya'nokon pùla iwechi, molopai mùkkàlà utaimelunpantok yak àtùyatài'nùk talumattà màlà, ànùk pe là iwechi yau.

Galatians 6:12

Mùkyamlo teselu kon polopon yentoppe enenpoikapainai'nannùk wechi màlà Jew yamùk yattàtok yeselu yawàlà ayattàtok kon pe eyeka'nonkaiche'nokon. Sàlà kupù tok uya màlà Christ pulusukù pàkànsau tùttalumattà kon tukaik.

Philippians 3:19

Tok utà màlà mattantok yak. Masapùla eke pe ata'lettàpai tok wettok màlà tok katùyi. Tùwekuli'matok kon yek làkku pàk tùutapulàsan mùkyamlo. Molopai sàlà non pon neken yà'là yamùk là, pàk tùusenumenkasan.

1 Thessalonians 2:5

Mùttuyatàik nàlà nen wakù ton nà mayin ke kappon yapulà pe tukaik là ina usennaka pùn Katù wechi màlà ina yekamanài pe molopai ina yennài pe tùuseka'nonkaik là ina wettok wapu woton pùla iwechi.