2 Corinthians 11:2 - Patamuna New Testament Revised

² Ukùlùmàlunyaik ewenai'nokon Katù kùlùmàlu kasa làma. Masapùla esukenan ema'non kàyik nappàtùppù pen kasa ewechi kon pàk molopai àyàwà'nùpù kon uya tewin itayappù Christ piyak teppù uya ipàk lùppù pe ewechi kon.

2 Corinthians 11:2 ပူးပေါင်းရင်းမြစ်များ

John 3:29

Tùwemali'masen umoine ponalok mùkkàlà ema'non. Umoine wechi yakon wechi màlà ipyau yeta pàk, molopai itauchinpa tùwechi yakon maimu yeta tùuya yau. Màlàpàk utauchinpayaik eke pe tùwemali'masen wechi yakon utauchinpa kasa.

Romans 7:4

Màlà kasa nàlà iwechi màlà àpàkù'nokon, utonpa yamùk. Ewelichak nàlà màlà Law winàpai, masapùla Christ yesak pùkù pe ewechi kon pàk. Molopai nen uchi sàlà pe iponaloppe ewechi kon màlà, mùkkàlà iwuluukasak lùppù weli'nàtok yapai ponaloppe wema'nàtok kon pe tapulàsen pe Katù ponaloppe.

1 Corinthians 4:15

Masapùla 10,000 pe lànen eyenupannan Christ pàk yesappe ewechi kon, tùse tukke àkàipùnù kon wechi pen. Masapùla àkàipùnù kon pe wenasak màlà itekale winà.

2 Corinthians 4:14

Masapùla ina nùttuyan mùkkàlà, Itepulu Jesus wuluukanàippù weli'nàtok yapai uya nàlà ina wuluuka pe Jesus pokonpe, molopai ina nepù ya tamùkke àpokonpe'nokon temloto pona.

Galatians 4:11

Usenalippayaik, yà'là woton pe pùla àpàkù'nokon we'wotokomasak yeselùkek iwechipàk.

Philippians 1:8

Katù mùkkàlà ittunài wa te uya wechi ailon pe, eke pe kulu tamù'nawàlà à'nùnmatok kon uya tùuyàssen Christ Jesus winàpai te uya yau.

Colossians 1:28

Màlàpàk Christ yekamannan ina tamù'nawolon kon kappon yamùk pàk. Tamù'nawolon kon yekamaponnan ina molopai tok yenupannan, tamù'nawolon pukkek ke, tamù'nawolon kon nettoppe Katù yemloto pona wakù pe tamùnawàlà ipùkkù pe neken pùla Christ kasa kulu nen uchi.

1 Thessalonians 2:11

Mùttuyatàik wakù pe ina wechippù tamù'nawàlà àpàkù'nokon papai wechi wakù pe tùmunkà yamùk pàk kasa.

Revelation 14:4

Pùsamlo mùkyamlo kàyik yamùk esuken iwekkusak kon, ulichan yamùk là pokonpe iwessak kon pen. Tok uya Kalinilu Mule wenaima màlà i'nailàlà iità yau, tok ye'masak wechippù màlà kappon yamùk kùlottapai molopai wapiya tùtùsen Katù molopai nen uchi Kalinilu Mule yemyak pe tok wechippù.