2 Corinthians 11:12 - Patamuna New Testament Revised

¹² Tùkussai'nùk kupù pàk lùppù wechi màlà, mùkyamlo tùulon kon “yeunossak kon” nuttà toppe uya, tùwe'wotokomatok kon pàk ina kaichalà lùppù tùwechi kon kasa tok utapulàtok winàpai.

2 Corinthians 11:12 ပူးပေါင်းရင်းမြစ်များ

Matthew 26:16

Màlà motapai nen uchi Judas wechippù Jesus yeimippotok tùuya yattai yeneiche.

1 Corinthians 5:6

Ikasa pùla iwechi màlà autapulà kon yau. Ittuichi auya'nokon pùla nai malalon lùkwà yapuluwetanùtok ike we'wotokomasek tamù'nawàlà pùlomù yau.

1 Corinthians 9:12

Molopai ewinàpai'nokon tùwepùikattàtok kon yeponnan pe tùulon kon wechi, wechi ikasa yau, màlà yentai palà ken na' yeponnan yeppe pùla ina wechi màlà? Tùse sàlà kussak ina uya pùla man. Tùse làkku ina uya tamù'nawolon yà'làlà pàlikasak man Christ yekale wakkàtù ina uya tukaik.

2 Corinthians 1:17

Sàlà kupù pàk wekkupù yau, usennaka pe na' mekamatantàu? Unkupù kupù uya yau na' iku'nài Iulà kappon kasa, “Ewaik, ewaik,” molopai “Kane, kane,” tetoppe uya màlà yattai lùppù?

2 Corinthians 10:17

Tùse, “Tàwà ànù'là atapulàpaino Itepulu nùkupùppù yapulài.”

2 Corinthians 11:18

Tùpàkù'nokon tukkan kon utapulà wolù yeselu yau pe iwechi yau, Iulà nàlà utapulà màlà.

2 Corinthians 11:9

Apyau'nokon wechi yattai molopai yà'làlà iche wechi yau ayaimelunpa kon uya pùn. Masapùla ailon tawonnan Macedonia pon kon uya tamù'nawolon iche wettok nepùppù màlà upyak. Pena iwechippù kasa ewanawà iwechi màlà, ayaimelunpa kon uya pen.

2 Corinthians 5:12

Tùpàkù'nokon tu'ma tùuselupaiche ina wechi pen sàlà àpàkù'nokon. Tùse làkku ina wechi elepaiche'nokon ina yapulà kon pa molopai mùkyamlo kappon usentok pàk tùutapulàsan molopai iteselu yau nai'nùk pen pàk ekamapopà'nàinan yeiku kon pa.

Galatians 1:7

Itekale pen kulu màlà. Tùse tùulon kon kappon yamùk utaimelunpantok yak àtùyatàu molopai Christ yekale mùyakanmaiche tok man.

1 Timothy 5:14

Màlàpàk ema'nomichi itayappù iwelichak kon wemali'ma iche wechi màlà, tùumunkàtatok kon pe, tùwùk molopai tùmunkà yamùk mainanpa toppe tùuya, kùyeyaton kon uselupatok àli pe kùpàk yattai pùla.