2 Corinthians 11:11 - Patamuna New Testament Revised

¹¹ Yà'là pe ken uchi iwechi pàk wa te uya sàlà? À'nùnma kon uya pùla ka' iwechi pàk lù? Katù nùttuyan à'nùnma kon uya.

2 Corinthians 11:11 ပူးပေါင်းရင်းမြစ်များ

John 21:17

Jesus uya Peter pàk icholùwano itekkwa pe, “Simon, John mumu, à'nùn pe na' kùkussan?” teppù. Peter upokoitappù masapùla Jesus uya tùpàk icholùwano itekkwa pe, “À'nùn pe kulu na' kùkussan?” te pàk. Molopai Peter uya ipàk, “Uyepulu, tamù'nawolon mùttuyaik, mùttuyaik u'nùn pe àkupù uya,” teppù. Jesus uya ipàk, “Uyùkùn non kalinilu yamùk mewetùik,” teppù.

Yeunossak kon Wotokoyi 15:8

Molopai Katù, kappon yamùk yewan ittunài uya, tok yanùnsak tùuya yenpoikappù, Wakù Akkwalù ke tok tùlepase, ikupùppù tùuya kùpàkù'nokon kasa làma.

Romans 1:9

Katù uya yekama màlà wa ukayai'nùk wechi ailon pe, mùkkàlà iponaloppe we'wotokomatok tamù'nawàlà uyewan ke Imu yekale yekama pàk. Eyittu kon uya tàwàlàlà wàpùlema yattai'ne.

2 Corinthians 11:10

Ailon pe Christ wechi pàk ailon yekama uya sàlà ànù'là Achaia yawolon kon pata yamùk yawon kon uya sàlà pàk utapulàtok yau uyeleutanùpù pen màlà.

2 Corinthians 11:31

Katù, Itepulu Jesus Kàipùnù mùkkàlà tapulàsen pe nai'nùk tàwàlàlà, nùttuyan kasei pe pùla wechi.

2 Corinthians 12:15

Utauchinpa kulu nen màlà tamù'nawolon itesak pe wettok yapulà uya àponalok kon pe pak molopai uyapulà uya pàk nàlà àpùikattàtok kon pe uya. Malalà neken ken na' u'nùnma auya'nokon màlà à'nùnma kon uya eke pe pàk?

2 Corinthians 2:17

Tukkan kon tùulon kon kappon yamùk walai non pen ina mùkyamlo Katù Maimu yapulànnan temamin molopai iche tùwettok kon yepotok tùuya'nokon iwinà pe neken, tùse Katù uya ina yeunossak pàk, tùuselupasan ina ailon pe itemlotopo, Christ yapyoto pe.

2 Corinthians 7:3

Sàlà te uya nai'nùk atalumattà kon pe pùla. Masapùla wa teppù uya wapiya kasa, ina pùnùn pe kulu messatàik màlàpàk tamùkke tàwàlà we'nà'nokon man wema'nà'nokon yau wapùla weli'nà'nokon yau.

Hebrews 4:13

Yà'làlà wechi yonansappe pen màlà Katù winàpai, tamù'nawolon inkonekappù yau. Tamù'nawolon wechi màlà ayupo itenu yau. Molopai tamù'nawolon ikussak lùppù yekama màlà ipàk ailon pe.

Revelation 2:23

Imunkà yamùk tùkka uya nàlà màlà, màlàyau nen uchi tamù'nawolon sochi yamùk uya Iulà pe iwechi ittu màlà, kappon yamùk yewan molopai tok usenumenkatok ittunài pe. Tamù'nawàlà amyamlo ye'ma uya màlà ànkupùppù yawàlà tewinpàk.