2 Corinthians 11:10 - Patamuna New Testament Revised

¹⁰ Ailon pe Christ wechi pàk ailon yekama uya sàlà ànù'là Achaia yawolon kon pata yamùk yawon kon uya sàlà pàk utapulàtok yau uyeleutanùpù pen màlà.

2 Corinthians 11:10 ပူးပေါင်းရင်းမြစ်များ

Yeunossak kon Wotokoyi 18:12

Gallio kussak Roman yepulu pe Achaia po yau, Jew yamùk wepilipùppù molopai Paul yachippù tok uya molopai yalàppù tok uya eke ton yemloto pona.

Yeunossak kon Wotokoyi 18:27

Apollos wechippù itàpai Achaia pona. Màlàpàk ailon tawonnan Ephesus pon kon uya kaleta menuka pàk ipùikattàppù, Achaia pon kon ailon tawonnan piyak, tok pawanattà pe yanùntoppe tok uya. Tùwelepansak yau wakù pe Katù wettok yai ailon tawonnan pe iwenasak kon pùikattàppù ya eke pe.

Romans 1:9

Katù uya yekama màlà wa ukayai'nùk wechi ailon pe, mùkkàlà iponaloppe we'wotokomatok tamù'nawàlà uyewan ke Imu yekale yekama pàk. Eyittu kon uya tàwàlàlà wàpùlema yattai'ne.

Romans 16:5

“Wakù pe na' messatàu?” te uya nàlà sochi pàk tùwepilichan tok yùwùk tak pàk. “Wakù pe na' mesan?” te uya sàlà Epaenetus uwechiyakon kulu pàk, wapiyalok kappon ailon tawon Christ pàk, Asia yawon pata yau.

Romans 9:1

Wa ukayai'nùk màlà ailon. Kùlaik ponalok Iulà molopai kasei pe wechi pùla man. Wakù Akkwalù uya nàlà i'napailà usenumenkatok ittu nai'nùk kasei pe pùla wechi.

1 Corinthians 16:15

Mùttuyataik Stephanas molopai itùwùk tawon kon wechi wapiyalok kon iwepùikattàsak kon pe Christ yau Achaia po. Molopai tok wettùsak màlà tùyiwalà'nokon Katù ponalok kon kappon yamùk ponaloppe tùwe'wotokomatok kon yak.

2 Corinthians 1:1

Sàlà màlà kaleta Paul winàpaino, Christ Jesus neunokoppù Katù yeselu yawà nùmenukappù, molopai kùtonpa kon Timothy winàpaino. Katù sochiyi Corinth pon piyak, molopai tamù'nawolon kon Katù ponalok kon kappon yamùk Achaia yawolon kon piyak inmenukappù.

2 Corinthians 1:23

Katù tekamappoyaik uyekamanài pe, uyewan ittunài mùkkàlà. Usentuppa àpàkù'nokon pàk “Corinth pona utà pen” teppù uya.

2 Corinthians 10:15

Màlàpàk ina utapulà tùulon kon nùkupùppù wotoko pàk pùla man. Tùse làkku enpen ina man ailon tetok auya'nokon wekatù pàk, molopai eke peiwa ina wotokoyi wettoppe àkklottau'nokon.

2 Corinthians 11:12

Tùkussai'nùk kupù pàk lùppù wechi màlà, mùkyamlo tùulon kon “yeunossak kon” nuttà toppe uya, tùwe'wotokomatok kon pàk ina kaichalà lùppù tùwechi kon kasa tok utapulàtok winàpai.

2 Corinthians 11:31

Katù, Itepulu Jesus Kàipùnù mùkkàlà tapulàsen pe nai'nùk tàwàlàlà, nùttuyan kasei pe pùla wechi.

2 Corinthians 12:19

Tamù'nawolon sàlà te uya ikasa ina wechi yenpoika toppe pe là yekama auya'nokon. Kane, màlà kasa pùla man. Ina tùuselupasan Christ wettok ina uselupa iche kasa, Katù yemloto po. Ina tonpa yamùk, tamù'nawolon ina nùkupù màlà tùwekkussen àpùikatàtok kon pe.

2 Corinthians 9:2

Tùttuyaik alikyeppe ewechi kon pùikappe ewettok kon pàk. Molopai ayapulàsak kon uya man Macedonia pon kon pàk. Tok pàk yekamappù uya, nùtàtainùk kilichimochi yau amyamlo Achaia pon kon weppyattàppù ewe'lepa kon pàk molopai alikyeppe ewettok kon uya tukkan kon tok tonpa yamùk yewan yapàssak man.

Galatians 1:20

Sàlà tùmenukayai'nùk màlà ailon. Katù yemloto po kasei pe wechi pen màlà.

Galatians 2:20

Upukapàtùppù màlà Christ pokonpe nulà wechi tukaik, tùse Christ nemassan uyau. Sàlà esak yau wema'nàtok yau wemassaik ailon tetok uya Katù Mumu pàk yau, mùkkàlà u'nùnmanàippù molopai iwettùsak lùppù uponaloppe.

1 Thessalonians 2:10

Amyamlo mùkyamlo ina yennài nan nùssan molopai Katù nàlà mùkkàlà ina yennài, ina yeselu molopai ina welaikatok wechi wakù pe esuken molopai ikasa, amyamlo ailon tawonnan winàkàik molopai yà'là là iwalai pen woton pùla nettai.

1 Thessalonians 2:5

Mùttuyatàik nàlà nen wakù ton nà mayin ke kappon yapulà pe tukaik là ina usennaka pùn Katù wechi màlà ina yekamanài pe molopai ina yennài pe tùuseka'nonkaik là ina wettok wapu woton pùla iwechi.

1 Timothy 2:7

Màlàpàk uchi sàlà uyeunossak kappon yamùk Jew yamùk pen yenupanài pe molopai ailon yekale yekamase. Ailon pe uselupa sàlà, kasei pe wechi pen!