2 Corinthians 10:8 - Patamuna New Testament Revised
8 Masapùla wekuli'ma pùla man, Itepulu uya ina lepatok apàikkek pàk lànen utapulàsak tùse. Sàlà apàikkek wechippù màlà ayamùtok kon ina uya pe, ayalakkatok kon pe ina uya pùla.
Ailon tetok auya'nokon ipàk woton yekamaiche eyepulu kon pe ina wechi pen sàlà. Autauchinpatok kon ponaloppe làkku ina we'wotokoma sàlà àpokonpe'nokon, meluntà pe ewechi kon ailon tetok yau pàk.
Ina ulapayi yamùk ina wepanta'matok ike màlà wolù yawon kon walai pen. Tùse meluntà Katù wepanta'matok ike, eyaton uso'namù patassek sa'man mattanù'nai pe iwechi.
Tamù'nawolon sàlà te uya ikasa ina wechi yenpoika toppe pe là yekama auya'nokon. Kane, màlà kasa pùla man. Ina tùuselupasan Christ wettok ina uselupa iche kasa, Katù yemloto po. Ina tonpa yamùk, tamù'nawolon ina nùkupù màlà tùwekkussen àpùikatàtok kon pe.
Màlà pàkànsau sàlà yamùk menuka uya sàlà apyau'nokon pùla echiima, miyalà uyàssak yau àsà pe usàulàma tukaik. Itepulu yapàikketù intùlùppù upyak anapulàpai wessaik meluntà pe ama tok kon pe uya, atalumattàtok kon pe pùla.