2 Corinthians 10:4 - Patamuna New Testament Revised

⁴ Ina ulapayi yamùk ina wepanta'matok ike màlà wolù yawon kon walai pen. Tùse meluntà Katù wepanta'matok ike, eyaton uso'namù patassek sa'man mattanù'nai pe iwechi.

2 Corinthians 10:4 ပူးပေါင်းရင်းမြစ်များ

Yeunossak kon Wotokoyi 7:22

Yenupappù màlà tamù'nawolon Egypt pon kon usenupatok kon yamùk pàk, molopai eke kàyik pe iwenappù, tùmaimu yau molopai teselu yau.

Romans 13:12

Ewalupà wenukassak lùiwa nen uchi man, wei welepansak lùiwa man. Ewalupà ponalok yà'làlà kupù pàk we'nàtok nokon yeleutanùppai'nokon man. Wepanta'mantok ike weinai yanùnpai'nokon man.

Romans 6:13

Màlà tùse pùla àpùkkù kon kùsapulàtàu àli ponaloppe, àli pàkànsau yapulàtoppe. Tùse làkku Katù yemyak ettùtàk kon, kappon yamùk inesak kon weli'nàtok yapai wema'nàtok yak kasa molopai tamù'nawàlà ettùtàk kon itemyak wakù iwalai ponaloppe ayapulàtoppe.

1 Corinthians 2:5

Ailon tetok auya'nokon wechi kappon pukketù yau pe iwechi tukaik, tùse Katù meluntàlù yau làkku.

1 Corinthians 9:7

Ànùk ken soicha tùyiwalà tùuse'masen? Ànùk ken umà pànnài molopai màlà yawon na'nài pen? Ànùk ken kalinilu mainanpanài molopai imanatù yeuku inchinài pen?

2 Corinthians 10:8

Masapùla wekuli'ma pùla man, Itepulu uya ina lepatok apàikkek pàk lànen utapulàsak tùse. Sàlà apàikkek wechippù màlà ayamùtok kon ina uya pe, ayalakkatok kon pe ina uya pùla.

2 Corinthians 13:10

Màlà pàkànsau sàlà yamùk menuka uya sàlà apyau'nokon pùla echiima, miyalà uyàssak yau àsà pe usàulàma tukaik. Itepulu yapàikketù intùlùppù upyak anapulàpai wessaik meluntà pe ama tok kon pe uya, atalumattàtok kon pe pùla.

2 Corinthians 3:5

Masapùla yà'làlà pùla man ina yau ina kupù woton sàlà wotoko ku'nài pe tùmeluntàlù ke ina wettoppe. Meluntà itesak pe ina nai'nùk màlà tùuyàssen Katù winàpai.

2 Corinthians 4:7

Tùse sàlà mamin Katù winàpaino yesappe ina man àinà yau, tamù'nawolon meluntà yentaino meluntà wechi Katù ponaloppe yenpoikanài pe, molopai ina ponaloppe pùla iwechi.

2 Corinthians 6:7

ailon pe uselupantok yau, molopai Katù yapàikketù yau. Wakù pe we'nàtok yau wepanta'mantok ike yesappe kamik pen mùyak yau, molopai kamik mùyak yau iwapu.

1 Thessalonians 5:8

Tùse weinai nokon nen kùmyamlo molopai tùttuik, ikasa usenumenkantok yesappe tùwessan yek kùmyamlo. Ailon tetok molopai uchi'nùnmantok yapulàpai'nokon uchi kùplopo kon wapu pe, molopai kùppai kon wapu pe wepùikattàntok pàk enpen we'nàtok kon itùpai'nokon.

1 Timothy 1:18

Umu Timothy, sàlà enupantok tùlù uya sàlà eyemyak. Katù Maimu uya Wakù Akkwalù yai yekamappù àpàk tùuselupa yau lùppù yawàlà iwechi màlà. Tàwà màlà mayin ewepanta'matok ike pe nechii, wakù ponaloppe ewepanta'ma yawà,

2 Timothy 2:3

Ewettalumattàtok yanùnkà ina pokonpe, ailon Christ Jesus ponaloppe soicha kasa.

Hebrews 11:30

Ailon tetok winà màlà Jericho wekupili wekkawai'mappù, 7 pe kaichalà wei Israel yamùk utàpàtù iwoi tùpo.