2 Corinthians 10:18 - Patamuna New Testament Revised

¹⁸ Masapùla kappon yanùnnsak kulu màlà Itepulu uselupa wakù pe ipàk yau, tùpàk wakù pe ichelupa yau pùla.

2 Corinthians 10:18 ပူးပေါင်းရင်းမြစ်များ

Luke 16:15

Jesus uya tok pàk, “Amyamlo mùkyamlo ikasa tùwekkussan kappon yamùk yenu yau, tùse Katù mùkkàlà eyewan kon ittunài. Masapùla wakù pe kulu kappon nùttu màlà àli Katù yewanma.

John 12:43

Masapùla Katù uya apulàntok yentai kappon yamùk uya tapulàtok kon ku'nàinan mùkyamlo tù'nùn kon pe.

Yeunossak kon Wotokoyi 2:22

“Sàlà umaimu yetatàk kon, kappon yamùk Israel pon kon! Jesus, Nazareth pon kàyik, usenpoikappù màlà àpyakù'nokon Katù winà, eke iwotokoyi yamùk tensan pen molopai tùttusan yekkwa pen winà, enumenkanài winà, molopai yà'làlà yentok ipàkàlà pe tùwekkussan winà, màlà Katù nùkupùppù Jesus yai. Amyamlo nùttuyai'nùk kasa.

Romans 14:18

Màlàpàk ànù'là Christ ponaloppe tùwe'wotokomasen sàlà kasa uya Katù yauchinpa màlà molopai kappon uya wakù mùkkàlà te màlà ipàk.

Romans 16:10

“Wakù pe na' messan?”te uya Apelles pàk, ailon pe iwettok Jesus pàk ittusak lùppù. “Wakù pe na' messatàu?” ukayaik Aristobulus tonpa yamùk, itùwuùk tau nai'nannùk pàk.

1 Corinthians 11:19

Wakù pe iwechi màla, tùpatalà àkklottau'nokon ewettok kon uya màlà ànùk wechi kulu là ikasa Katù yenu yau yentoppe yenpoika.

1 Corinthians 4:5

Màlàpàk yà'làlà kùkkottùmatàu iwalai iweyu wapiya, Itepulu uyàpu imàmuttàk. Ewalupàttau yonansappe tùwessen nepù ya màlà akkwa yak molopai kappon yamùk usenumenkatok tok yewan yawon yenpoika ya màlà. Màlà yattai Katù winàpaino apulàntok yepolo tok uya màlà tewin pà'ne.

2 Corinthians 10:12

Ina wechi meluntà pe tukaik là mùyamlo tùulon kon kàyik yamùk kasa eke pe pen màlà, mùkyamlo wakù pe kulu tùwechi kon yekamanài nan. Tùusensan neken mùkyamlo tùulon kon tùwalai'nokon pokonpe molopai tùuchittusan teselu kon winà. Pukek ton pen mùkyamlo sàlà kupù pàk!

2 Corinthians 13:7

Ina nàpùlemayan Katù pàk àli kupù auya'nokon tukaik. Iwalai kupù auya'nokon wakù pe ina we'wotokomasak yekama toppe neken auya'nokon iche pùla ina man. Tùse iwalai kupù auya'nokon iche ina man ina uya ikupù pùla kasa là iwessak tùse.

2 Corinthians 3:1

Sàlà na' nùsetayan ina utapulà tu'ma tùpàkù'nokon kasa làmà? Tùulon kon kappon yamùk kasa ka' ina uya apulàntok kaletayi iche kulu ina nai apyakù'nokon lù wapùla apyapai'nokon?

2 Corinthians 5:12

Tùpàkù'nokon tu'ma tùuselupaiche ina wechi pen sàlà àpàkù'nokon. Tùse làkku ina wechi elepaiche'nokon ina yapulà kon pa molopai mùkyamlo kappon usentok pàk tùutapulàsan molopai iteselu yau nai'nùk pen pàk ekamapopà'nàinan yeiku kon pa.

2 Corinthians 6:4

Tùse làkku tamù'nawolon ina nùkupù yau Katù yapyoto ton pe ina wechi yenpoikannan ina, talumattàntok yau, sa'man ton yau, molopai utaimelunpantok pàlikatok yau.

2 Timothy 2:15

Tamù'nawolon ànùttu ikukkà tamù'nawàlà auchinpantok Katù yenu yau yepolo pa, tùwe'wotokomasen tùwekuli'masen pen tùwotokoyi pàk kasa, mùkkàlà ailon Katù Maimu pàk enupanài ikasa kulu.

1 Peter 1:7

Sàlà màlà meluntà pe ailon tetok auya'nokon wechi ittunài. Kolù, tùumattasen pe lànen nai'nùk màlà ittusak lùppù apok ke; màlàpàk uchi ailon tetok auya'nokon, wakù kolù yentai nai'nùk, ittu nàlà màlà meluntà pe iwettoppe. Màlàyau apulàntok wakù pe itekale we'nàtok molopai namantok yepolo auya'nokon màlà màlà Wei yattai Jesus Christ usenpoikasak yau.