2 Corinthians 10:1 - Patamuna New Testament Revised

¹ Tùusentuppaik molopai wakù pe Christ wettok winà, apawanattàyatàu Iulà. Iulà Paul “àssà'mùn” apyau'nokon wechi yau, tùse “meluntà” apyau'nokon pùla wechi yau.

2 Corinthians 10:1 ပူးပေါင်းရင်းမြစ်များ

Matthew 11:29

Uyapyoto pe ettàk kon, molopai uwinàpai esenupatàk kon. Masapùla tùusentupasen Iulà molopai àssà'mùn Iulà uyeselu yau. Molopai ayakkwalù kon wàlàkkattok yepolo auya'nokon màlà.

Matthew 21:5

“Pata Zion yawon pàk yekamakà. Ekinù nùyàssan apyak, tenpan mùkkàlà molopai tonki po nùyàssan, tonki mule po,” {ZEC 9.9} tawon.

Yeunossak kon Wotokoyi 8:32

Màlà Katù Maimu inene wechippù màlà sà kasa, “Iwàtoppe yasak kalinilu kasa iwechippù, kalinilu mule kasa eppana tùwessen tùppok yattà tùse iwechippù. Ichelupappù pen.

Romans 10:20

Molopai Isaiah uya tùwe'namaik pùlà, “Uyiwannan pen uya uyepoloppù màlà. Uyekamapponnan pen piyak usenpoikappù màlà, ” {Isa 65.1}

Romans 12:1

Màlàpàk utonpa yamùk, Katù usentuppatok kùpàkù'nokon pàkàlà, apawanattàyatàu Iulà, Katù yemyak nulà, nulànan tùttusen Katù yemyak kasa ettùtàk kon iwotokoyi yak esuken molopai yauchinpanài yeppe. Sàlà uchi màlà ailon kulu namantok molopai yapulàtok àntùlù kon.

Romans 15:15

Tùse sàlà kaleta yau we'namatok pùla kulu weppàssaik màlà yamùk pàk eyenu yapontà kon uya pàk. We'nama pùla weppàssaik masapùla Katù uya ulepasak wakù pe we'nàtok ke pàk.

1 Corinthians 2:3

Màlàpàk uyàssak apyakù'nokon yau, attu'mùla wechippù molopai upplànài'nùmùppù kulu wettalipa ke.

1 Corinthians 4:10

Christ pàkànsau pakko ton pe ina kupù nai'nùk, tùse pukkek ton pe ewechi kon màlà Christ yau. Attu'mùnon ina molopai teya'nomasan tùse meluntà ton amyamlo. Tùnamasan amyamlo, molopai ina tùnamasan pen.

1 Corinthians 4:21

Yà'là kupù uya làkku ken iche messatàu? Eyippottok kon uya nepù uya ka' màlà uyàpù yau lù wapùla à'nùnmatok kon uya molopai wakù pe yakkwalù?

2 Corinthians 10:10

Tùulon kon uya, “Paul kaletayi màlà àsà molopai meluntà, tùse kùpyau'nokon iwechi kappon pe yau, atu'mùn mùkkàlà molopai imaimu màlà yà'là pen!” te.

2 Corinthians 10:2

Apawanattà kon uya, apyakù'nokon uyàssak yau meluntà pe wechi pe uyittu auya'nokon tukaik, mùkyamlo sàlà wolù yeselu yamùk yau ina welaika pe ittunnan pàk wettok woton kasa.

2 Corinthians 10:7

Eyemloto kon po nai'nùk yentàk kon! Ànù'là Christ ponaloppe tùuchittusen wechi yau, tàwà nùsenumenka tu'mai Christ ponaloppe ina wechi pàk tùkasa làma.

2 Corinthians 11:21

Wekkuli'mayaik attu'mùla ina wessak yekama uya sàlà yau pàk! Tùse yà'làlà pàk ànù'là utapulà pe iwechi yau. Utapulàtok nàlà lànen tùse uselupa sàlà pakko kasa.

2 Corinthians 11:30

Utapulà pe iwechi yau, utapulà màlà màlà yamùk atu'mùla wechi yenpoikannan pàk.

2 Corinthians 12:5

Màlàpàk utapulà sàlà pùsàlà kàyik pàk, tùse uyiwalà utapulà pen màlà, tùse uyattu'mùnù pàk neken.

2 Corinthians 3:12

Màlàpàk enpen tùwettok kon yesappe tùwechi kon pàk, ina usenalipa pùla iwechi màlà.

2 Corinthians 5:20

Màlàpàk uchi Christ ponaloppe tùuselupa kon pàk ina man, Katù uya apawanattà kon ina yai kasa. Christ pàkànsau apawanatà kon ina uya sàlà, tàwà Katù amyakanmatàu tùwechiyakonnon pe!

2 Corinthians 6:1

Tamùkke Katù pokonpe tùwe'wotokoma kon yawàlà ina apawanattàyatàu. Wakù pe we'nàtok Katù winàpaino yanùmù auya'nokon yà'là woton pe pùla là tukaik.

2 Corinthians 7:4

Enpen kulu wessaik àpàkù'nokon, kùyauchinpayatàik. Tamù'nawolon ina talumattàtok yau meluntà pe ina man. Wanùssak man utauchinpantok ke.

Galatians 4:13

Mùttuyatàik e'neppe wechi pàk itekale yekamappù uya àpàkù'nokon wapiya.

Galatians 5:2

Yetatàk kon, Iulà Paul nekamayan àpàkù'nokon: ayattàtok kon pe ewekkupù kon Jew yamùk yattàtok yeselu yawàlà yau, Iwoton pe pùla Christ wechi màlà àpona.

Ephesians 3:1

Sàlà kasa iwechi pàk Iulà Paul, wechi nai'nùk yachisak pe, amyamlo Jew yamùk pen pàkànsau.

Ephesians 4:1

Eyekamappoyatàu uchi Iulà, Iulà yachichak nai'nùk masapùla Itepulu Jesus ponaloppe we'wotokoma pàk. Àkà'ma kon tùuya yau Katù nùkupùppù yawàlà we'nàtoppe, pàkàlà ayakkwalù kon yemakkwatàk kon.

Philippians 4:5

Wakù pe, àsà pe pùla mettàik tamù'nawolon kon pàk, Itepulu uyàpù màlà sàlà pe'nelà.

Colossians 1:23

Tùse ailon tetok auya'nokon wechi meluntà pe molopai i'nak kulu ikala iche we'nà man. Enpen ewettok kon ananùmùppù kon wakù itekale enetappù kon kan uchi kù'nonkatàu tà. Sàlà Wakù Itekale yekamappù màlà sàlà non pon kon tamù'nawolon kon kappon yamùk pàk. Molopai Iulà, Paul, wenappù màlà sàlà Wakù Itekale yapyoto pe.

2 Thessalonians 3:17

Iulà, Paul, Uyemyatù ke, sàlà menukayan: “Wakù pe na' messatàu?” tetok. Sàlà kasaichi tamù'nawolon kaleta menukanài Iulà; uyesek ipona.

Philemon 1:19

Sàlà menuka uya sàlà uyemyatù ke: Iulà, Paul, uya eye'ma màlà. Uwomasak auya man àmàlà, ewemattok ke, màlà pàk là eyenu yappontà uya pen salà .

Philemon 1:9

Tùse làkku uchi'nùnmantok ukussan apawanattàtoppe uya. Sàlà tùkussaik amoko pe echi'ma Paul pe echii'ma, Christ Jesus ponaloppe tùuselupasen pe echii'ma molopai sàlà pe ipàkànsau yachichak pe echii'ma.

1 Peter 2:11

Apawanattàyatàu Iulà, utonpa yamùk, kakklan yamùk echii'ma sàlà non po, àli ànkuppai we'nàtok yemyak kettùtàu, màlà tùwepanta'ma pàk nai'nùk tàwàlà ayakkwalù kon winàkàik.

Revelation 1:9

Iulà mùkkàlà John, àtonpa kon, molopai Jesus ponalok Iulà àpokon pan kon, wettalumattàntok yau molopai pàlikantok yau itepulu pe iwettok yau. Pata lùkkwà tuna iwoino Patmos po wechippù màlà masapùla Katù Maimu molopai ailon Jesus nenpoikappù yekamasak uya pàk.