1 Timothy 6:5 - Patamuna New Testament Revised

⁵ Molopai mùkyamlo usàulàma echipalà uya tok usenumenkatok mattanùssak màlà, molopai ailon pùnon mùkyamlo. Tukke mamin yesappe wenantok iwinà pe sàlà enupantok maimu yawàlà we'nà wechi pe yekama tok uya màlà.

1 Timothy 6:5 ပူးပေါင်းရင်းမြစ်များ

Matthew 12:33

“Wakù meluntà yei yesappe ewechi kon màlà wakù itepelu yepolo kon pa. Italumayippù yei yesappe ewechi kon yau àli itepelu yepolo auya'nokon màlà, masapùla yei màlà tùttusen itepelu winà.

Matthew 21:13

Molopai tok pàk, “Katù Maimu yau iwe'menukasak man, ‘Uyùwùk yesatù màlà wàpùlemantok yùwùk pe teppù,’ tukaik. {Isa 56.7} Tùse amatton uso'nantok itappe imasak auya'nokon man!” teppù ya.

Matthew 23:13

“Àsà pe kulu iwechi màlà àpona'nokon, Law pàk enupannan molopai Pharisee yamùk! Tùusennakasan amyamlo! Kappon yamùk wakkà'nàinan, itepulu pe we'nàtok epùn po mùlatta takkose. Màlà yak amyamlo utà pen màlà molopai tùulon kon utàtoppe tok kupù auya'nokon pùla man.

1 Corinthians 11:16

Anù'là wechi sàlà pàk e'naikapai yau, sàlà kasa neken màlà tamù'nawàlà Katù sochiyi yamùk tau màlà yamùk wekkupù, tùpatalon eselu woton pùla iwechi màlà.

2 Thessalonians 3:6

Itepulu Jesus Christ yesek yau meluntà pe eyelupayatàu ina, ina tonpa yamùk, mùkyamlo emya'neppe nai'nan nùk kùtonpa yamùk kùlottau kettàu, eyenupatok kon ina uya yawàlà pùla nai'nannùk kùlottau.

1 Timothy 1:6

Tùulon kon welattàsak man sàlà yamùk winàpai molopai tok utassak man pakko pe uselupantok yak.

1 Timothy 3:3

Tùwetùnsen pe pùla, wapùla àsà pe tùwessen pe pùla, tùse yà'làlà pàlikanài pe molopai echitonpa pe, pùlayatta pùnùnmanài pe pùla.

1 Timothy 3:8

Sochi tau pùikattànnan wechi màlà wakù pe iwemattok molopai ailon pe, tùusentaikaik eke pe kulu tùwuku inchinài pe pùla wapùla pùlayatta pàk tùuseka'nonkasen pe pùla.

1 Timothy 4:7

Kappon yamùk mùkyamlo italumayiichan, ailon ton pen nà panton yekamannan, tùse màlà yamùk uya enupantok yawàlà kechii, Katù uya neken enupantok yawàlà ewechi pa esenupakà.

1 Timothy 4:8

Ànù'là yenupa aitunpe utàntok pe wapùla wenkalunàtok màlà wakù molopai tepeppù kenan, tùse akkwalù yenupatok Katù wettok iche kasa màlà wakùiwa tamù'nawolon yau, masapùla wema'nàtok sàlà pe molopai ewanawolok yau tàwàlàlà wema'nàtok ke lepan tùuya tesak ya pàk.

1 Timothy 6:6

Ewaik, Katù ya'là we'nà màlà kappon manài eke pe, itesak pe we'nàtok pàk tenki tawon pe we'nà yau.

2 Timothy 3:5

polopon neken Katù yapulàtok yeselu kupù tok uya màlà, tùse iwalai kulu imeluntàlù nulunpa tok uya màlà. Pùsamlo kappon yamùk winàpai ekkà.

2 Timothy 3:8

Walawotichi yamùk Jannes molopai Jambres tawonnan uya Moses wakkàtùppù kasa, pùsamlo uya ailon wakkàtù màlà, àli pe tùusenumenka kon winà molopai ailon te tùuya'nokon ailon pen pàk winà.

Titus 1:11

Tok uselupa yeleutanùpù pe là nen iwechi màlà, masapùla kappon yamùk yaimelunpayan tok, tok munkà pokonpe màlà enupantok tùuya'nokon yekama tùuya'nokon ke, màlà kappon yenupatok yek pen ke, àli pàkànsau pùlayatta yepotoppe tùuya'nokon.

2 Peter 2:15

Tok uya tossalon asanta nànsak màlà molopai tok utassak; tok uya asanta Balaam, Beor mumu, nanùmùppù lùppù yanùnsak màlà. Pùlayata iwakùli mùkkàlà àli kupù tùuya winà inepolo,

2 Peter 2:3

Tùulon yemamin iche tùwettok kon yau pùsamlo ailon pen pàk enupannan uya ayapulà kon màlà pùlayatta yepotoppe tùuya'nokon enkuttànài panton yekama tùuya'nokon winà. Tùse pena yawà tok yeselu pàkàlà tok talumattàtok wekonekakassak wechippù màlà molopai tok mattanù'nài we'nùnsak pùla iwechi!

Jude 1:11

Talumattàntok wechi màlà tok po! Masapùla tok utàsak Cain utàppù yawàlà lùppù yawà pàk; tok wettùsak man iwalai pen yak pùlayatta pàkànsau, Balaam wechippù kasa; molopai tok mattanùssak man mayin yawàlà pùla we'nàtok pàkàlà Korah wechippù kasa.

Revelation 18:13

Molopai yei pippà yamùk cinnamon molopai spice itesek ye'ma pùla iwechi uya tok kalanpa, molopai tùpottàsen appoi'nan, myrrh, frankincense, wain, molopai kaiwan palu, molopai eke'ne yasukasak pùlomù, molopai paali walai, paka yamùk molopai kalinilu yamùk, kawale yamùk molopai kanau yamùk, apyoto yamùk molopai là kappon yamùk yakkwalù ye'ma pùla.

Revelation 18:3

Masapùla tamù'nawolon kon kappon yamùk pata yamùk non pon yawolon kon uya àli italumayippù pe iwettok yeuku inchippù màlà. Meluntà, àli pe eppai iwettok tesak ke yeuku. Non pon kon kin yamùk uya àli kussak man ipokonpe itayappù pe pùla echii'ma. Molopai kàyik yamùk mamin chilanmannan molopai ye'mannan non pon kon wenasak man eke pe mamin yesappe, tùuseka'nonkaik àli kuttok ya winàpai,” tukaik.