1 Timothy 6:20 - Patamuna New Testament Revised

²⁰ Timothy, màlà itùsak lùppù eyemyak ikukkà wakù pe. Katù pùnon uselupatok yà'là pen nà kùsetai, wakù kasa nùsetayai'nùk tùse iwalai pen enupantok.

1 Timothy 6:20 ပူးပေါင်းရင်းမြစ်များ

Yeunossak kon Wotokoyi 16:1

Paul utàppù màlà miya Derbe molopai Lystra pona. Jesus ya'lon wemapùppù màlà molo itesek Timothy. Ichan ailon tawon nàlà Jesus pàk wechippù Jew pe, tùse ikàipùnù wechippù Greek pe.

Yeunossak kon Wotokoyi 17:18

Mùkyamlo Epicurean yamùk molopai Stoic yamùk enupan nan yeippàtùppù ya nàlà màlà. Tùulon kon uya, “Yà'là teiche ken uchi pùsàlà ittunài pen wechi màlà?” teppù. Tùulon kon uya tu'ma, “Katù yamùk tùulon pata yawon kon pàk ichelupa kasa man,” teppù. Tok uya wa teppù màlà masapùla Paul uselupa Jesus pàk molopai iwe'wuluukappù weli'nàtok yapai pàk, pàk.

Yeunossak kon Wotokoyi 17:21

Masapùla tamù'nawolon kon kappon yamùk Athens pon kon molopai kaklan yamùk molo tùwemassan mùkyamlo àko'manpai man yà'làlà emennak yekama pàk molopai yeta pàk nàlà.

Romans 1:22

Pukkek pe tiuchittusan tùse pakko ton.

Romans 3:2

Tukke yà'là là yawàlà! Wapiya kulu, Katù maimu tùlùppù màlà Jew yamùk yemyak.

1 Corinthians 2:6

Walà tùse, ina uselupa, pukkeppe we'nà yekale pàk ichemokkasak kon kùlottau. Tuse, sàlà wolù winàpaino pukkek pàk pùla wapùla sàlà wolù yepulu ton pàk pùla. Pùsamlo mùkyamlo yà'là pùla nenayai'nannùk.

1 Corinthians 3:19

Masapùla pukkeppe sàlà wolù nùttu màlà yà'làlà pen Katù yenu yau. Iwe'menukasak, “Katù mùkkàlà, pukkek yachinài ittu tùuya pe tukaik iwettok yau,” tawon kasa. {Job 5.13}

Colossians 2:18

Kappon yamùk là, wakù pe tukaik molopai àssà'mùla pe tukaik tùusennakasan molopai inchelù yamùk pàk tùwàpùlemasan tese'mu kon yok tùwenase eyennakatakù'nokon. Molopai alapumatakù'nokon e'mantok winàpai. We'neppà'nà walai yene tùuya'nokon pàk tùuselupasan mùkyamlo tùutapulà kon pe. Pùsamlo yekkwa ton ikasa pùla messatàik kùkkatak àpàkù'nokon. Ittutok ya pùnon mùkyamlo, pakko pe tùuselupasan masapùla kappon pe tok usenumenka pàk.

Colossians 2:8

Elanneppeichi ettàk kon! Molopai ailon tetok auya'nokon kù'mattatak, kappon pukketù là yà'là pen molopai ennakantok tok uya penalok kon uya enupantok winà, molopai kawon kon akkwalù yamùk yeselu winàpaino là winà. Tùse Christ uya làkku enupantok yetatàk kon.

2 Thessalonians 1:4

Màlà kasaichi iwechipàk ayapulà kon pe ina tùuselupasan àpàkù'nokon Katù sochiyi yamùk tau, ailon tetok auya'nokon yau tamù'nawolon nà ewettalumattàtok kon yau molopai màlà yamùk yawà mùtàyatài'nùk pàlika pàk ewechi kon pàk.

2 Thessalonians 2:15

Màlàpàk uchi ina tonpa yamùk ailon pe kulu ettàk kon, eyenupappù kon yawàlà, ina uya apanamappù kon tùnta kon yai, wapùla kaleta ina nùmenukappù yau là.

1 Timothy 1:11

Màlàichi màlà enupantok yeposak itekale yau, uyemyak intùlùppù yekamatoppe uya, Wakù kulu Itekale Eke Katù winàpaino.

1 Timothy 1:2

Timothy, ailon tetok yau umu kulu kasa tùwessen piyak unmenukappù. Katù Kùkàipùnù molopai Jesus Christ Kùyepulu uya elepatoppe wakù pe we'nàtok ke, usentupantok ke, molopai echitonpa pe we'nàtok ke wàpùlemayaik.

1 Timothy 1:4

Ailon pen panton yamùk molopai tukkan tùtamo kon yesek yamùk pàkànsau tùusàulàmatok kon nonkatoppe tok uya yekamakà, masapùla sàlà uya neken usàulàmantok nepù màlà. Katù wotokoyi ailon tetok yau tùkussen kupù yentai.

1 Timothy 1:6

Tùulon kon welattàsak man sàlà yamùk winàpai molopai tok utassak man pakko pe uselupantok yak.

1 Timothy 1:9

Sàlà ittutàk kon: Law wekkussak màlà wakù ton nà kappon yamùk ponaloppe pùla. Tùse Law yawolon kon pen ponaloppe, àli ku'nài nan, Katù yapulànnan pen, molopai àsà pe tùwessan ponaloppe, Katù pùnon, kappon yamùk tùkàipùnù kon wapùla tùsan kon wànnan ponaloppe, molopai kappon yamùk tùkkannan ponaloppe.

1 Timothy 4:7

Kappon yamùk mùkyamlo italumayiichan, ailon ton pen nà panton yekamannan, tùse màlà yamùk uya enupantok yawàlà kechii, Katù uya neken enupantok yawàlà ewechi pa esenupakà.

1 Timothy 6:11

Tùse àmàlà mùkkàlà, Katù ponalok kàyik, sàlà yekkwa ton winàpai ekkà. E'wotokomakà sàlà yamùk yepolo pa molopai ikasa, wakù pe, Katù yauchinpanài pe ewechi pa, ailon te toppe, àtonpa tù'nùnmaik, yà'làlà pàlika pa, molopai ten pe alomùla ewechi pa.

1 Timothy 6:14

Sàlà enupantok maimu yawàlà ekkà, molopai esuken ekkà molopai yà'làlà iwalai pen pùla, Kùyepulu Jesus Christ Weyu usenpoika ponalà.

2 Timothy 2:1

Àmàlà, umu, meluntà pe ekkà wakù lepantok yau kùponalok pe nai'nùk Christ Jesus yau.

2 Timothy 2:16

Àli pe molopai pakko pe uselupantok winàpai ekkukkà, kappon yamùk yenpenài neken màlà mei lùiwa Katù winàpai.

Titus 1:14

molopai Jew yamùk pantomù ailon pen kupù pàk tok wechi tukaik molopai kappon yamùk uya enupantok mùkyamlo kappon yamùk ailon nulunpannannùsan nekamappù pàk ailon te tukaik.

Titus 1:4

Kaleta tùmenukayaik Titus piyak, umu kasa kulu unkupù ailon tetok ipùkkù pe we'nà nai'nùk yau: Tàwà Katù Kùkàipùnù kon molopai Christ Jesus kùpùikattànàippù elepai wakù pe we'nàtok molopai echitonpa pe we'nàtok tùwinàpaino ke.

Titus 1:9

Wakù Itekale pàk meluntà pe tùwemassen pe, ailon tetok ipàk pe enupantok uya panamantok yawàlà. Sàlà kasa tùulon kon meluntàtanpù ya màlà ailon enupantok ke, molopai nàlà iwalai pen yekama ya mùkyamlo ailon yeya'noma yai'nannùk pàk.

Titus 3:9

Tùse pakko pe wesseippà'nàtok usàulàman pe winàpai mechiik, kaleta, penalok kon yesek wenai we'naikantok winàpai, wepanta'mantok Law pàkàlà winàpai. Sàlà yamùk màlà yà'là pen tapulàsen pen italumayippù.

Revelation 3:3

Ittukàichi eyenupappù lùppù molopai enetappù lùppù, imaimu yawàlà ekkà, amakuyi winàpai elattàkà. Aupaka pùla ewechi yau, amak kasa uyàpù màlà apyak, molopai yà'là yattai là uyàpù ittu auya pen.