1 Timothy 6:16 - Patamuna New Testament Revised

¹⁶ Mùkkàlà neken tewinan tàwàlàlà tùwemassen. Tùwemassen mùkkàlà akkwa ànù'là nepolo itenpatau pen. Ànù'là uya yensak pùla iwechi màlà, molopai ànù'là uya yene pen màlà. Tàwà mùkkàlà ponaloppe namantok molopai tàwàlàlà apàikkek pe we'nàtok nechii! Emen.

1 Timothy 6:16 ပူးပေါင်းရင်းမြစ်များ

John 1:18

Ànùk uya là Katù yensak pùla man. Tùse Imu mùkkàlà tewinan neken tùkàipùnù yenau nai'nùk uya yenpoikappù màlà ittutoppe.

John 14:9

Jesus uya yeikuppù, “Philip, apyau'nokon wessa'man tachin pe, tùse ken na' uchi uyittu auya pùla lùppù iwechi màlà? Ànù'là uyennàippù uya Ukàipùnù yensak màlà. Tùse yà'là pe iwechi pàk màlà, ‘Àkàipùnù yenpoikakà ina uya yentoppe,’ te auya?

John 6:46

Ànù'là uya Ukàipùnù yensak pùla iwechi màlà, tùse mùkkàlà neken Katù winàpaino uya màlà yensak.

John 8:58

Jesus uya tok pàk, “Ailon kulu sàlà, Abraham wentu wapiya iwemassak lùppù Iulà. Molonnà Iulà,” teppù.

Ephesians 3:21

Tàwàichi Katù yapulài sochi, Christ Jesus yau, tachin pe, tàwàlàlà molopai tàwàlàlà. Emen.

Philippians 4:20

Tàwà Katù Kùkàipùnù kon tapulàtok yepoloi tàwàlàlà molopai tàwàlàlà. Emen.

Colossians 1:15

Christ wechi màlà ànùk yekkwa pe Katù tùusensen pen wechi yenpoikanài pe. Iwentusak lùppù wapiyalok pe, tamù'nawolon kon ikonekasak kon yentaino mùkkàlà.

1 Timothy 1:17

Tàwàlàlà Kin pe tùwessen, tùumatta woton pen molopai yensak pen, tewinan Katù piyak, namantok molopai apulàntok tùlù màlà tàwàlà molopai tàwàlàlà! Emen.

Hebrews 13:8

Jesus Christ mùkkàlà walai lùppù, ko'manyak, sàlà pe molopai tàwàlàlà.

James 1:17

Tamù'nawolon wakù iwalai lepantok màlà tùuyàssen epùn poi; Katù winàpai, tamù'nawolon pata weyu yamùk kau nai'nùk màlà inkonekappù. Tùwemyakammasen pen, màlà tùse pùla tùwelattà yau ewalupà ne'nài pen.

1 John 1:5

Sàlàichi màlà Itekale ina netappù Imu winàpai molopai ina nekamayai'nùk àpàkù'nokon: Katù mùkkàlà akkwa molopai ewalupà là pùla kulu iwechi màlà yau.

1 John 1:7

Tùse wema'nà akkwa yau, akkwa yau iwechi nai'nùk kasa yau, echitonpa pe we'nà màlà kùtonpa pokonpe, molopai Jesus Christ, Imu, mùnù uya kùkuka kon màlà tamù'nawàlà kùmakuyi kon winàpai.

1 John 4:12

Ànù'là uya Katù yensak pùla iwechi màlà; tùse echi'nùn pe we'nà'nokon yau, Katù wechi màlà kùyau'nokon molopai tù'nùn tùsak ya màlà kùyakù'nokon tamù'nawàlà.

Jude 1:25

Tewinan Katù Kùpùikattànài'nokon Jesus Christ Kùyepulu kon yai piyau apulàntok nechii. Inamatok nechii. Itepulu pe we'nàtok meluntàlù nechii. Molopai apàikkek nechii, sàlà pe molopai tàwàlàlà molopai tàwàlàlà! Emen.

Revelation 1:6

Molopai kùkonekasak kon ya màlà pata yepulu pe tùkàipùnù ponaloppe, molopai tùkatùyi ponaloppe molopai paatele yamùk pe nàlà. Jesus Christ ponalok peichi namantok molopai apulàntok molopai meluntà nechii tàwàlàlà molopai tàwàlàlà. Emen.

Revelation 1:8

“Alpha Iulà molopai Omega iweppyattàtok molopai iwenukattok,” tawon mùkkàlà Itepulu Katù, sàlà pe nai'nùk, iwechippù nai'nùk, molopai tùuyàpù woton, Mùkkàlà neken Meluntà.

Revelation 21:3

Eke mayin uselupa yetappù uya aponnok winàpai, “Katù patassek nen uchi kappon yamùk piyau man! Tok pokonpe iwemapù màlà, molopai iponaloppe tok wechi màlà. Katù wechi màlà tùmàlà pe tok piyau, molopai tok Katùyi pe iwechi màlà.

Revelation 22:5

Ewalupà pùla nen uchi iwechi màlà, molopai tok wechi lanppu wapùla wei yakkwayi iche pen màlà, masapùla Itepulu Katù wechi màlà tok weyu pe, molopai itepulu pe tok wechi màlà kin yamùk pe, tàwàlàlà molopai tàwàlàlà.

Revelation 4:11

“Ina Yepulu molopai ina Katùyi! Àmàlà mùkkàlà wakù. Àponalok màlà apulàntok, namantok molopai apàikkek. Masapùla tamù'nawolon yà'làlà konekappù auya, molopai eyeselu winà tamù'nawolon wechi màlà molo,” tei'ma.

Revelation 7:12

“Emen! Apulàntok molopai eke pe we'nàtok, pukkeppe we'nàtok, tenki tetok, namantok, meluntà, molopai apàikkek wechi màlà kùkatùyi kon ponaloppe tàwàlàlà molopai tàwàlàlà! Emen!” tukaik.