1 Timothy 6:14 - Patamuna New Testament Revised

¹⁴ Sàlà enupantok maimu yawàlà ekkà, molopai esuken ekkà molopai yà'làlà iwalai pen pùla, Kùyepulu Jesus Christ Weyu usenpoika ponalà.

1 Timothy 6:14 ပူးပေါင်းရင်းမြစ်များ

1 Corinthians 1:8

Meluntà pe àkupù kon ya màlà iwenukapù ponalà, iwalai pen nà pùla ewechi kon pa Kùyepulu kon Jesus Christ weyu yattai.

Ephesians 5:27

Christ uya màlà sàlà kupùppù Sochi, konekatoppe tùuya tùponaloppe, tamù'nawàlà wakù pe, molopai yà'làlà iwalai pen pùla, ikopposak pùla molopai ikosokkoso'masak pe pùla, tamù'nawàlà wakù pe.

Philippians 1:10

Wakù pe kulu neken nai'nùk yanùmù kon pa. Molopai nen uchi esuken ewemattok kon wettoppe, wakù pe eyekale kon wettoppe Christ wennappo sàlà motak ponalà.

Philippians 1:6

Màlàpàk sàlà tùttuyaik kulu: Katù, sàlà wakù wotoko piyattànàippù ayau'nokon, wechi màlà ikupù pàk iwenukapù tepose Christ Jesus Weyu ponalà.

Philippians 2:15

Àli ku'nài nan pe pùla esuken Katù munkà pe, wakù pe tùwemassan pe ewechi kon pa. Molopai ikasa pùla àli pe kulu tùwemassan kappon yamùk wolù yawon kon kùlottau elenpantàk kon. Chilùkà yamùk ulenpansak kak yau kasa.

Colossians 1:22

Tùse sàlà pe nen uchi, Tùmu yàkàpù winà, Katù uya tùwechi yakonnon pe àkussak kon man enettok kon pe tùuya esuken. Wakù pe itekale eyesek kon wettoppe.

Colossians 4:17

Molopai Archippus pàk sàlà mekamatàik: “Wotoko itùsak lùppù eyemyak Itepulu wotokoyi menuka'nùpùik kulu,” tukaik.

1 Thessalonians 3:13

Sàlà kasa eyewan kon koneka ya màlà meluntà pe, wakù pe, Katù namanài pe, esuken ewechi kon màlà Kùkatùyi kon molopai Kùkàipùnù kon yemloto po, Kùyepulu kon Jesus uyàpù tamù'nawolon kon tùponalok kon pokonpe yau.

1 Thessalonians 5:23

Tàwà Katù echitonpa pe we'nàtok ke lepanài àkonekai'nokon tamù'nawàlà tùponalok pe, esuken, wakù pe, tamù'nawàlà iwettùsak Katù piyak pe, tàwà ayakkwalù kon, eyesak kon, eyewan kon eusenumenkatok kon, nechii iwalai pen nà pùla, Kùyepulu kon Jesus Christ uyàttok yattai.

2 Thessalonians 2:1

Utonpa yamùk, Kùyepulu, Jesus Christ uyàttok molopai wepili'nàtok tamùkke ipyau we'nàtoppe pàk, apawanattàyatàu Iulà,

2 Thessalonians 2:8

Màlàyau nen uchi ichenpoika màlà molopai Itepulu Jesus uya iwànà màlà tùwe'netukka ke, molopai nàlà tùuyàpù yau imattanùkkapù ya màlà tùusenpoika yakkwayi ke.

1 Timothy 6:20

Timothy, màlà itùsak lùppù eyemyak ikukkà wakù pe. Katù pùnon uselupatok yà'là pen nà kùsetai, wakù kasa nùsetayai'nùk tùse iwalai pen enupantok.

2 Timothy 4:1

Tùumayintaik eyekamappoyan Iulà Katù yemloto po molopai Christ Jesus yemloto po, mùkkàlà tamù'nawolon kon kappon yamùk ittu woton, nulà nan kon molopai iwelichak kon: masapùla iyàttok molopai Itepulu pe iwettok woton pe iwechi pàk, eyekamappoyan Iulà

Titus 2:13

màlà Wakù kulu Wei màmuku pàk echii'ma enpen we'nàtok ipàk, eke Katù molopai Pùikattànài Jesus Christ yakkwayi usenpoika yau.

Hebrews 9:14

Màlà yentai Christ mùnù wechi màlà apàikkeppe! Tàwàlàlà tùwemassen Wakù Akkwalù yai iwettùlùppù màlà wakù kulu imattakù pùn tùtùsen pe Katù yemyak, kùmakuyi kon yepeppe. Imùnù uya usenumenkantok kù'nokon ma màlà wakù pe tapulàsen pen wotoko winàpai, tàwàlàlà tùwemassen Katù ponaloppe we'wotokoman toppe.

1 Peter 1:19

àpùikattàppù kon kulu màlà Christ uya epekkek tùmùnù ikkwansak àponalok kon pe yau, imattakù pùn kalinilu mule wechippù kasa.

1 Peter 1:7

Sàlà màlà meluntà pe ailon tetok auya'nokon wechi ittunài. Kolù, tùumattasen pe lànen nai'nùk màlà ittusak lùppù apok ke; màlàpàk uchi ailon tetok auya'nokon, wakù kolù yentai nai'nùk, ittu nàlà màlà meluntà pe iwettoppe. Màlàyau apulàntok wakù pe itekale we'nàtok molopai namantok yepolo auya'nokon màlà màlà Wei yattai Jesus Christ usenpoikasak yau.

2 Peter 2:21

Wakù pe iwa iwechippù eppaino tok pona wakù pe we'nàtok ye'ma ittusak tok uya pùla iwechi yau, ittusak tok uya yentai molopai nen uchi tok welattà màlà tùnamasen Law Katù winàpaino ittùsak kon tok yemyak winàpai.

2 Peter 3:14

Màlàpàk uchi, utonpa yamùk, màlà wei màmukui'ma'nokon, ànùttu kon ikuttàk kon esuken molopai àli pe pùla ewechi kon pa Katù yenu yau, molopai echitonpa pe ewechi kon pa ipokonpe.

2 Peter 3:2

Pena yekamasak kon wakù ton Katù Maimu yenpoikannannùssan winà ittu auya'nokon iche wessaik, molopai Itepulu Jesus Pùikattànài wettok ikupù iche yeunossak kon nekamappù àpàkù'nokon.

1 John 3:2

Utonpa yamùk, Katù munkà yamùk kùmyamlo sàlà pe, tùse i'nai kasa kulu wenan ittu kùuya'nokon pùla man. Tùse ittu'nokon man: Christ usenpoika yau, ikasa wenan nokon màlà, masapùla yene'nokon màlà mùkkàlà pe kulu.

Jude 1:24

Mùkkàlà ewekkawai'ma kon tukaik àku'nài'nokon molopai esuken yà'làlà àli pùla enessai'nàk nokon, molopai tùutauchinpaik àtùnài'nokon wakù takkwayi yemloto pona yapulà nechii.

Revelation 1:7

Yentàk, nùyàssan katuppluk yau! Tamù'nawolon kon uya yene màlà. Mùkyamlo ipukapà'nài nan nùssan uya là. Tamù'nawolon kon kappon yamùk sàlà non pon kon usewankono'ma màlà iwenai. Ewaik, màlà kasa iwettok woton! Emen.