1 Timothy 6:13 - Patamuna New Testament Revised

¹³ Eyekamappo uya sàlà umaimu yawàlà ewechi pa Katù yemloto po, wema'nàtok tùnài tamù'nawolon yà'làlà yak yemloto po, molopai Christ Jesus, Pontius Pilate yemloto po wakù yekamanàippù yemloto po:

1 Timothy 6:13 ပူးပေါင်းရင်းမြစ်များ

Matthew 27:11

Jesus wechippù màlà satippe kopùna yemloto po, mùkkàlà uya yekamappoppù. “Jew yamùk kinù na' àmàlà?” tukaik. Jesus uya yeikuppù, “Wa mùkayaik làkku,” tukaik.

Matthew 27:2

Jesus yaulomùppù tok uya màlà. Tok uya yalàppù molopai Pilate, kopùna pe tùwessen, yemyak tok uya itùlùppù màlà.

John 14:6

Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

John 19:11

Jesus uya imaimu yeikuppù, “Ayapàikketù pùla iwechi màlà uyepoi kau pai eyemyak itùsak pùla iwechi yau. Mùkkàlà utùnàippù apyak ittu màlà àli pe eke makui inkuppù pàk,” tukaik.

John 5:21

Ikàipùnù uya iwelichak wuluuka molopai iwemattok ke tok lepa ya, kasa làma màlà Imu uya wema'nàtok ke mùkyamlo enlepapai tùwettok kon lepa.

John 5:26

Ikàipùnù yau wema'nàtok wechi kasa làma màlà Tùmu kussak ya wema'nàtok wettoppe yau.

Yeunossak kon Wotokoyi 17:25

Màlà tùse pùla yà'làlà kappon nepoloppù tùwe'wotokomase iche tùwessen pen, masapùla wema'nàtok molopai we'netukkantok molopai tamù'nawolon tùnài pe tùwechi kappon yamùk yemyak pàk.

2 Corinthians 9:13

Sàlà kupù auya'nokon yau kappon yamùk uya Katù yapulà màlà ailon tetok auya'nokon molopai Christ yekale maimu yawàlà ewettok kon winà. Molopai eke pe tok lepasak auya'nokon pàk molopai tamù'nawolon kon nàlà lepasak auya'nokon pàk Katù yapulà tok uya.

Galatians 3:26

Tamù'nawolon kon amyamlo wechi màlà Katù munkà pe Christ Jesus pàk ailon tetok auya'nokon winà.

1 Timothy 1:12

Tenki ukayaik Christ Jesus Kùyepulu kon pàk, ulepanàippù meluntà ke uwotokoyi kuttoppe uya. Tenki ukayaik uyensak ya tùwe'wotokomasen yeppe pàk molopai uyanùnsak ya tùwotokoyi yak pàk,

1 Timothy 1:15

Sàlà màlà ailon wa tetok, tanùnsen pe kulu iwechi: Christ Jesus uyàpùppù sàlà wolù yak àliton pùikattàse. Iulà mùkkàlà tok yentai eke pe kulu àli ku'nàippù.

1 Timothy 2:5

Masapùla Katù mùkkàlà tewinan, molopai tewinan nàlà molo man Katù molopai tamù'nawolon kon kappon yamùk yakkletawon, mùkkàlà kàyik Christ Jesus.

1 Timothy 5:21

Katù yemloto po, molopai Christ Jesus yemloto po, molopai wakù ton inchelù yamùk yemloto po, eyekamappo uya sàlà tùumayintaik, sàlà enupantok yawàlà ewechi pa, ekkaichalà tùmenkaik pùla ànù'là pàk yà'làlà ànkupù kupù pa.

1 Timothy 6:12

Wakù pe epanta'makà ailon tetok auya yau meluntà pe ewechi pa, molopai tàwàlà wema'nàtok yepokà àponalok pe; masapùla sàlà wema'nàtok yak màlà Katù uya àkà'mappù “Ailon tawon Iulà ” tesak auya yau, tukkan kon yetannan yemloto po.

Revelation 1:5

Molopai màlà wechi màlà Jesus Christ winàpaino pe. Ailon pe tùuselupasen Katù pàk, mùkkàlà wapiya iwuluukasak lùppù weli'nàtok yapai. Non po kin pe tùwessan yepulu pe nàlà nai'nùk. Kù'nùnmanài'nokon mùkkàlà, molopai tùmùnù winà kùpùikattàsak kon ya màlà kùmakuyi kon yapai.

Revelation 21:6

Molopai upàk, “Nenukappàssan! Iulà mùkkàlà Alpha molopai Omega iweppyattàtok molopai iwenukattok. Ànù'là iwe'nakklipasak nai'nùk lepa uya màlà epe'mùn tuna ke wema'nàtok palu yapai.

Revelation 22:1

Inchelù uya nàlà yenpoikappù upàk, tuna wema'nàtok palu crystal ulenpansak kasa tùusensen, Katù yapon molopai Kalinilu Mule winàpai tùuyàssen.

Revelation 3:14

“ Laodicea pon Sochi inchelùyi piyak sàlà imenukakà: “Sàlàichi màlà itekale mùkkàlà Emen winàpaino. Ailon molopai ailon yekamanài, tamù'nawolon Katù nùkonekasan wepyattàtok.”