1 Timothy 5:8 - Patamuna New Testament Revised

⁸ Tùse ànù'là uya tùtonpa mainanpa pùla iwechi yau, tùtonpa kulu, tùsan, tùkàipùnù winàpaino, ailon yawàlà pùla iwessak màlà yetapàssak ya molopai ailon tawon pen yentai kulu àli pe iwechi màlà.

1 Timothy 5:8 ပူးပေါင်းရင်းမြစ်များ

Matthew 18:17

Tùse yeta ya pùla iwechi yau, mekamatàik sochi tawon kon pàk. Molopai sochi tawon kon yeta ya pùla iwechi yau, Katù ittunài pen kasa mùkuttàik wapùla pùlayatta pili'nài kasa,” teppù Jesus uya.

Matthew 7:11

Àli pe là echii'ma'nokon wakù ton tùlù auya'nokon àmunkà kon yemyak ittunnan amyamlo. Màlà yentai nen uchi Àkàipùnù kon epùn pon uya màlà mùkyamlo, yennannan pe nai'nannùk lepa wakù ton ke!

John 15:22

Tok yelupaik uyàpù pùla iwessak yau, àli pe tùmakuyi ke tok uchittuppù pen sàlà eppaino. Tùse sàlà pe tùmakuyi kon waputtàtok tok uya pùla iwechi màlà.

1 Corinthians 6:6

Tùse nen uchi tewinannà utà màlà law yekalepàk tùulon kottùmatoppe, molopai ailon tawonnan pen yemloto pona.

2 Corinthians 12:14

Sàlà màlà icholùwano itekkwa pe akaklanpatok kon pe uya wekonekasak man. Molopai eyeka'nonka kon uya pen màlà masapùla eyiche'nokon wechi sàlà, àpùlayattayi kon pen. Mule yamùk mùkyamlo tùkàipùnù kon yamùk mainanpannan pen, tùse làkku mule yamùk mainanpa màlà tok kàipùnù yamùk uya.

2 Corinthians 6:15

Atta ken Christ molopai Belial, Settan tawonnan usenumenka tamùkke ekkaichalà? Yà'là ken molo nai ailon tawon molopai ailon tawon pen nùkupù ekkaichalà?

Galatians 6:10

Màlàpàk uchi ikuttok yattai wechi molo kùlottau wakù ikuppai'nokon tamù'nawolon kon pàk, mùkyamlo kulu ailon tetok yau nai'nannùk.

2 Timothy 2:12

yà'làlà pàlika pàk we'nà'nokon iponalok pe yau, itepulu pe nàlà we'nà'nokon màlà ipokonpe. ‘Ittunài pen Iulà,’ te'nokon yau, ‘Eyittunài pen Iulà,’ te ya nàlà màlà.

2 Timothy 3:5

polopon neken Katù yapulàtok yeselu kupù tok uya màlà, tùse iwalai kulu imeluntàlù nulunpa tok uya màlà. Pùsamlo kappon yamùk winàpai ekkà.

Titus 1:16

Tok uya, “Katù ittunài Iulà,” te màlà; tùse tok welaikatok uya yenpoika pùla iwechi màlà. Akùlù ton mùkyamlo, molopai mayin yawolon kon pen, wakù ku'nàinan pe tok wechi pùla iwechi.

2 Peter 2:1

Katù Maimu yenpoikannan pe tukaik tùukaseitasan usenpoikappù ina kùlottau pena, molopai màlà kasa làma tok usenpoika màlà amak yai ittu pùla àkklottau'nokon. Mattanù'nài, ailon pen pàk enupantok nepù màlà tok uya, molopai Kùyepulu kùye'manàippù kon Jesus nulunpa tok uya màlà, molopai sàlà kasa asse'ne mattantok nepù tok uya màlà tùpona'nokon.

Jude 1:4

Masapùla tùulon kon àliton kappon yamùk wewonsak man amak yai kùkklotta'nokon ittu kùuya'nokon pùla, pùsamlo lùppù uya wakù pe we'nàtok Katù winàpaino lattàsak man iche tùwettok kasa tùwechinma pàk tùwettok kon ipàkàlà pe, molopai Jesus Christ tewinan Kùyepulu kon molopai tamù'nwolon kon Yepoino nulunpa tok uya. Pena Katù Maimu uya yekamappù sàlà talumattàntok tok nepoloppù.

Revelation 2:13

“Ewemattok yau tùttuyaik, molo Settan yapon wettok imotau. Ailon pe lùppù messaik uyesek pàk, molopai ailon tetok auya upàk nonka auya pùn, Antipas yattai, ailon kulu upàk tùuselupasen iwàsak lùppù apata yau, molo Settan wemattok motau.

Revelation 3:8

Ànkupù tùttuyaik. Manatta yakkokasak uya man eyemloto po, ànù'là uya yakkolo yentai. Emeluntàlù wechi mala lùkkwà tùse enupantok uya kupùppù auya molopai ailon pe ewechippù upàk.