1 Timothy 5:18 - Patamuna New Testament Revised

¹⁸ Masapùla Katù Maimu uya, “Paka mùta kùsaulomùi a'naik yeppa ya tùse,” tawon, molopai, “Tùwe'wotokomasen mùkkàlà te'masen, ” tawon. {Luk10.7}

1 Timothy 5:18 ပူးပေါင်းရင်းမြစ်များ

Matthew 10:10

Paiki kùsatàu àutà kon yau, wapùla asa'là pon kùsatàu, wapùla pùtassa wapùla tekessen. Tùwe'wotokomasan mà mùkkàlà tùlepasen yek tà.

Luke 10:7

Molo màlà tapùi tau mettàik, tok uya elepatok kon mànattàik molopai minchitàik masapùla tùwe'wotokomasen mùkkàlà te'masen. Katamapàttàu tewinan tapùi tapai tùulon tapùi tak.

Romans 10:11

Masapùla Katù Maimu uya, “Ànù'là ailon tawon ipàk wekkuli'ma pen màlà,” te màlà. {Isa 28.16}

Romans 11:2

Katù uya tùponalok kon kappon yamùk nulunpasak pùla man, mùkyamlo inanùmùsan iwepyattà motapai. Mùttuyatàik Katù Maimu uya màlà Elijah uya Katù pawanattàppù Israel winàkàik.

Romans 4:3

Yà'là tawon ken Katù Maimu? “Abraham uya ailon teppù Katù pàk, molopai ailontetok ya pàkànsau Katù uya yanùmùppù ikasa,” te yau? {Gen 15.6}

Romans 9:17

Masapùla Katù Maimu uya Pharaoh pàk, “Sàlà pàkànsau àwuluukappù uya, umeluntàlù yenpoikatoppe uya ayai. Molopai uyesek yekamatoppe i'nailàlà kappon yamùk non polon kon kùlottawà,” te. {Ex 9.16}

1 Corinthians 9:14

Màlà kasa làma Itepulu Jesus uya màlà mùkyamlo Wakù Itekale yekamannan kussak tùwematok kon yepotoppe tok uya itekale yekama tùuya'nokon winà.

Galatians 3:8

Katù Maimu uya yekamappù pena iwekkupù wapiya Katù uya Jew yamùk pen yanùntok woton ikasa tùpokon pe, ailon tetok tok uya winà. Molopai Itekale yekamappù ya màlà Abraham pàk pena, “Tamù'nawolon kon kappon yamùk pùlema màlà ayai,” tukaik. {Gen 12.3; Gen18.18; Gen 22.18}

James 4:5

Katù Maimu uya yà'là tesappe pùla mùttuyatàu, “Katù uya Akkwalù ke lepansakù'nokon màlà molopai Katù ponaloppe neken kulu wema'nà iche iwechi màlà,” tesak ya yau.