1 Timothy 5:17 - Patamuna New Testament Revised

¹⁷ Sochi yepulu yamùk wakù pe wotoko yanàinan wechi màlà te'masan pe eke peiwa, mùkyamlo kulu tùwe'wotokomasan sa'man pe wakù itekale yekama pàk molopai kappon yamùk yenupa pàk.

1 Timothy 5:17 ပူးပေါင်းရင်းမြစ်များ

Matthew 24:25

Yetatàk kon! Sàlà tekamapàsaik iweyu wapiya.

Luke 10:7

Molo màlà tapùi tau mettàik, tok uya elepatok kon mànattàik molopai minchitàik masapùla tùwe'wotokomasen mùkkàlà te'masen. Katamapàttàu tewinan tapùi tapai tùulon tapùi tak.

Luke 12:42

Itepulu uya yeikuppù, “Ànùk ken uchi mùkkàlà ailon molopai pukkek apyoto? Mùkkàlà Itepulu nùnonka tapùi yesappe, tapyoto yamùk lepatoppe ya tok yeipa ke itùtok yattai.

John 4:38

Eyeunossak kon uya man ànpàmàppù kon pen piliche. Tùulon kon uya sa'man kulu wotoko kukkapùppù molopai ewettùsak kon màlà tok wotokoyi yak,” teppù.

Yeunossak kon Wotokoyi 11:30

Sàlà kupùppù tok uya màlà molopai tok uya pùlayatta yeunokoppù ailon tawonnan yepulu yamùk piyak Barnabas molopai Saul tawonnan winà.

Yeunossak kon Wotokoyi 20:35

Yenpoikasak uya man tùpatalo'nan yau àpàkù'nokon sàlà kasa sa'man pe tùwe'wotokomase atu'mùnon pùikattà màlà, Itepulu Jesus uselupappù ittui'ma, ‘Eke peiwa utauchinpantok wechi màlà we'lepantok yau, yekkwattok yau iwechi yentai,’ ” tawon.

Yeunossak kon Wotokoyi 28:10

Tok uya ina lepappù tukke lepantok ke, molopai ina utà tuna po yau kanau yak iche ina wettok te'ma kon tau tùlùppù tok uya.

Romans 12:8

Ewan meluntàlùttànài pe iwechi yau, tàwà ewan meluntàlùttànài pe nechiik. Yà'là pùnon sa'ne lepanài pe iwechi yau tàwà ne'lepaik tùusàulàmaik pùla, ànù'là kappon apàikkeppe tùwessen, ne'wotokomai wakù pe, tùusentuppasen, nùkupùi tùutauchinpaik.

Romans 15:27

Màlà kupù pàk tok utauchinpasak wechippù màlà tùyiwalà'nokon. Tùse mùkyamlo yà'là pùnon sa'ne pùikattà nen tok uya màlà, masapùla Jew yamùk uya wakù Katù winàpaino intùlùppù pùkkù pe Jew yamùk pen masak pàk, màlàpàk uchi Jew yamùk pen uya Jew yamùk pùikattà màlà itesappe tùwettok kon ke.

Romans 16:12

“Wakù pe na' messatàu?” te uya Tryphena molopai Tryphosa tawonnan, nossan yamùk sa'man pe tùwe'wotokomasan Itepulu wotokoyi yau pàk, molopai Persis pàk nàlà unùn kulu uwechiyakon pe tùwessen nossan pàk “Wakù pe na' messan?” katàk kon, mùkkàlà eke pe kulu iwe'wotokomasak lùppù Itepulu ponaloppe.

1 Corinthians 15:10

Tùse wakù pe Katù wettok winà wessai'nùppe wechi sàlà nai'nùk, molopai wakù pe iwettok wechippù yà'là woton pe pùla là pen màlà. Ànù'là yeunossak kon yentai lùiwa sa'man pe we'wotokomasak man, Iulà pen tùse, tùse wakù pe Katù wettok upàk we'wotokoma nai'nùk.

1 Corinthians 16:16

Apawanattàyatàu Iulà utonpa yamùk, pùsamlo yekkwa yo'no mettàik molopai ànù'là tùwe'wotokomasan tok pokonpe yo'no.

1 Corinthians 3:9

Masapùla ina mùkyamlo Katù we'wotokoma tonpa yamùk, amyamlo nen uchi Katù tumà. Katù yùwùk nàlà amyamlo.

2 Corinthians 6:1

Tamùkke Katù pokonpe tùwe'wotokoma kon yawàlà ina apawanattàyatàu. Wakù pe we'nàtok Katù winàpaino yanùmù auya'nokon yà'là woton pe pùla là tukaik.

Galatians 6:6

Tàwà mùkkàlà tenupasen Itekale pàk, tamù'nawàlà wakù ton pantakai tenupanài pokonpe.

Philippians 2:16

Wema'nàtok yekale yekamai'ma tok pàk. Màlà pàkànsau àpàkù'nokon utauchinpatok yesappe wechi màlà Christ Weyu yattai; màlà uya yekama màlà yà'là woton pe pùla là we'wotokomappù pe pùla iwechi.

Philippians 2:29

Manùntàik uchi, tamù'nawàlà tùutauchinpaik, àtonpa kon pe Itepulu yau. Tamù'nawolon kon pùsàlà yekkwa ton kappon yamùk mùnamatàik.

Philippians 4:3

Molopai àmàlà nàlà ailon we'wotokoma yakon, pùsamlo nossan yamùk pùikattà auya iche wessaik. Masapùla tok we'wotokomasak man sa'man pe upokon pe Wakù Itekale yekama pàk Clement pokonpe tamùkke. molopai tamù'nawolon kon tùulon kon we'wotokoma yakon non Katù kaletayi, wema'nàtok yapon yau itesek nai'nannùk.

1 Timothy 3:5

Masapùla ànù'là kàyik, tùmunkà molopai tùnoppù yesak pen molopai tok mainanpa tùuya ittunài pen wechi yau, yà'là kasa ken Katù sochiyi yesappe iwechi?

1 Timothy 4:10

Màlàpàk uchi sàlà wakù pe wema'nà'nokon molopai sa'man pe we'wotokoman nokon iche we'nà, masapùla enpen we'nàtok kon nonkasak nulànan Katù pàk tamù'nawolon kappon yamùk Pùikattànài, molopai mùkyamlo kulu ailon tawonnan pe nai'nannùk pàk pàk.

1 Timothy 4:14

Wakù Akkwalù uya lepantok ayau nai'nùk tapulàse pùla kùkkupùi, elepappù lùppù ike Katù Maimu yenpoikannan uselupappù ipàk lùppù molopai sochi yennàinan temyatù tùtai àpona.

1 Timothy 4:16

Tùttuik emakkà molopai kappon yamùk yenupatok auya ike yenkà wakù pe. Sàlà yamùk kupù pàk ekkà, masapùla ikupù auya yau ewepùikattà màlà àmàlà molopai eyetannan nàlà.

1 Timothy 4:6

Sàlà yamùk usenupantok iwinà yekamasak auya ailon tawonnan pàk yau, wakù pe Jesus yapyoto pe tùwessen pe ewechi màlà, ailon itekale yau yemokkasak pe molopai wakù enupantok yawàlà iwessak pe.

1 Timothy 5:19

Sochi yepulu winàkàik uselupantok kùsetai asa'lon kon wapùla àsolùwawon kon uya neken ipantomù nessak yau yeta màlà.

1 Timothy 5:3

Itayappù iwelichak kon ipùikattakà iwepùikattàtok iwinà pùnon kulu.

2 Timothy 2:6

Umà pànnài sa'man pe iwe'wotokomasak lùppù mùkkàlà tùnpàmàpù yepelu yeponài wapiya.

2 Timothy 4:2

Katù Maimu yekamakà, yekama pàk kulu ekkà, yekamatok yattai wechi ikasa tùse wapùla ikasa pùla tùse molopai tok imeluntàpakà, molopai tok makuyi yekamakà. Tùse nàlà tok yauchinpakà molopai tok panama auya yau kesemittàpai.

Hebrews 13:17

Eyepotolù kon yamùk maimu yawàlà ettàk kon molopai tok uya enupantok ikuttàk. Eyene kon pàk tùwessan mùkyamlo, masapùla Katù pàk tùwotokoyi kon lùppù yekale yekama tok uya. Tok maimu yawàlà ewechi kon tok tewankono'maik pùla yau, tùwotokoyi kon kupù tok uya màlà tùutauchinpaik. Wapùla iwechi yau àpùikattàkon tok uya pen màlà.

Hebrews 13:24

“Wakù pe na' messatàu?” tetok ina uya itùtàk kon tamù'nawolon kon eyesak kon yamùk pàk molopai tamù'nawolon kon Katù ponalok kon kappon yamùk pàk. Ailon tawonnan nàlà Italy pon kon “Wakù pe na' mesatàu?” nùkayan.

Hebrews 13:7

Ayanàinan ittutàk kon, mùkyamlo Katù Maimu yenpoikannan nùssan àpàkù'nokon. Yà'là kasa là tok wemapùppù ittutàk, molopai ailon tetok tok uya ipatakatàk kon.