1 Timothy 5:16 - Patamuna New Testament Revised

¹⁶ Tùse ànù'là nossan ailon tawon Katù pàk wechi itayappù iwelichak kon lùppù yesappe tùtonpa yamùk kùlottau yau, tàwà tok mainanpai, sochi wotokoyi pe iwechi tukaik, iwepùikattàtok iwinà pùn kulu mainanpa toppe sochi uya.

1 Timothy 5:16 ပူးပေါင်းရင်းမြစ်များ

1 Timothy 5:10

molopai nàlà wakù ku'nài pe itekale nechiik: tùmunkà yamùk yemokkanài wakù pe pe, kaklan yamùk yanùnnài tùwùk tak pe, Katù ponalok kon pùta kolùkanài pe, tùwettalumattàsan pùikattànài pe, molopai tamù'nawolon yà'là yekkwa là wakù ku'nài pe.

1 Timothy 5:8

Tùse ànù'là uya tùtonpa mainanpa pùla iwechi yau, tùtonpa kulu, tùsan, tùkàipùnù winàpaino, ailon yawàlà pùla iwessak màlà yetapàssak ya molopai ailon tawon pen yentai kulu àli pe iwechi màlà.

1 Timothy 5:9

Ànù'là itayappù iwelichak lùppù yesek yamùk kùttùlùi tùulon kon itayappù iwelichak kon yesek yamùk kùlottak 60 pe kilichimochi ma'le iwechi tùse, tùse 60 pe kilichimochi iwechi yau itùlù màlà; molopai nàlà iwemali'masak pe iwechi màlà tewin itekkwa neken,