1 Timothy 5:15 - Patamuna New Testament Revised

¹⁵ Masapùla tùulon kon itayappù iwelichak kon lùssan welattàkasak man Settan ya'là.

1 Timothy 5:15 ပူးပေါင်းရင်းမြစ်များ

Matthew 4:10

Màlàyau Jesus uya yeikuppù, “Itàkà uwinàpai, Settan! Katù Maimu màlà, ‘Itepulu Akatùyi yapulàkà, molopai iponaloppe neken e'wotokomakà!’ tawon,” tukaik. {Deu 6.13}

1 Timothy 1:20

Tok kùlottau Hymenaeus man molopai Alexander, mùkyamlo untùlùssan Settan meluntàlù yemyak tok usenupatoppe, àli pe Katù pàk tùuselupa kon yeleutanùttoppe tok uya.

2 Timothy 1:15

Mùttuyaik tamù'nawolon kon Asia yawolon kon uya unonkasak, Phygelus molopai Hermogenes nàlà.

2 Timothy 2:18

Tok utassak man ailon winàpai. Iwelichak kon we'wuluukakapùppù nen màlà pena nùkayan tok, molopai ailon tetok tùulon kon uya mattanùssan tok.

2 Timothy 4:10

Màlà yamùk Katù winàpai lattànài nan kusan Demus tùwakùli pe molopai unonkappù ya man; ittàppù man Thessalonica pona. Crescens utàppù Galatia pona, molopai Titus utàppù Dalmatia pona.

2 Peter 2:2

Màlà kasa làma àli ànkuppai tùwettok kon maimu yawàlà tok wechi màlà; molopai tok nùkupù winà, kappon yamùk uselupa àli pe ailon pàk.

2 Peter 3:16

Walai mùkkàlà tamù'nawolon tùkaletayi yamùk yau sàlà yamùk pàk kaleta menuka tùuya yau. Sa'man ton molo man ikaletayi yamùk yau. Sàlà yamùk ichenupasak kon pen molopai ittunnanpetukaik tùusennakasan, asa'lon ichemenumenkatok kon nùlattùppù molopai tok yekamannan ailon pe pùla, tùulon kon Katù Maimu kupù tùuya'nokon kasa. Màlà kasa tok uya tùumattatatok kon nepù màlà.

1 John 2:19

Pùsamlo kappon yamùk wechippù kùkklottawon kon pe kulu pùla màlà, màlàpàk màlà tok uya kùnàmàppù kon. Kùkklotawon kon pe tok wessak yau, tok wechippù kùpyau'nokon eppaino sàlà. Tùse tok uya kùnàmàppù kon tok wechi kùkklottawon kon pe kulu pùla ittutoppe.

Revelation 12:9

Eke ulupelu lùmà yenu'mappù màlà, mùkkàlà penalok àkài, Makui wapùla Settan itesek, tamù'nawolon kon kappon yamùk non pon kon yennakanàippù. Yenu'mappù màlà non pona tamù'nawàlà itinchelùyi yamùk pokonpe.