1 Timothy 5:12 - Patamuna New Testament Revised

¹² molopai wapiyalok ikupù tùuya'nokon teppù tùuya'nokon ikkwàtù tok uya pàk.

1 Timothy 5:12 ပူးပေါင်းရင်းမြစ်များ

1 Corinthians 11:34

Molopai ànù'là wapàkkassak yau, tàwà nùta'lettài tùpata po, Katù uya atalumattà kon tukaik ewepilipù kon tamùkke pàk. Tùulon kon upàk enekamappoppù kon yeleutanùpù uya màlà uyàssak yau suwa mettàik tetoppe uya.

Galatians 1:6

Uyenumenkasak kulu auya'nokon man! Masapùla tachin pe pùla mùkkàlà Christ wettok wakù pe winà àkà'manàippù'nokon nonka auya'nokon pàk, molopai ewelattà kon pàk tùulon itekale pàkàlà.

1 Timothy 5:11

Tùse ema'nomichi itayappù iwelichak kon kùtùlùi itayappù iwelichak kon yesek kùlottak, masapùla ànkuppai tok wettok uya emali'mapai tok kupù yau, tùwelattàsan mùkyamlo Christ winàpai,

1 Timothy 5:13

Yà'là pàk pùla tùuko'manse tok usenupasak màlà, yakon tawàlà tùusalà kon ke; tùse nàlà tok uselupa là tùtonpa kon pàk echipalà molopai yauchin pe tok wechi yà'là pen pàk, yà'làlà yekamapaino kulu là pen nànen uchi yekama pàk.

James 3:1

Utonpa yamùk! Elanneppe ettàk kon tukke kulu là enupannan pe eppai kettàu, masapùla mùttuyatàik ina enupannan ittutok wechi màlà àsà pe lùiwa tùulon kon yentai.

1 Peter 4:17

Masapùla Ittuntok yattai weyu uyàssak man, ittuntok wepyattàtoppe; molopai Katù ponalok kon mùkyamlo wapiya ittu woton kon. Kùpàkù'nokon iwepyattà yau, atta ken iwenukapù mùkyamlo Wakù Itekale Katù winàpaino pàk ailon tawonnan pen pàk?