1 Timothy 5:10 - Patamuna New Testament Revised

¹⁰ molopai nàlà wakù ku'nài pe itekale nechiik: tùmunkà yamùk yemokkanài wakù pe pe, kaklan yamùk yanùnnài tùwùk tak pe, Katù ponalok kon pùta kolùkanài pe, tùwettalumattàsan pùikattànài pe, molopai tamù'nawolon yà'là yekkwa là wakù ku'nài pe.

1 Timothy 5:10 ပူးပေါင်းရင်းမြစ်များ

Matthew 25:17

Màlà kasa làma asa'là yekkwanàippù uya asa'là làma yepoloppù.

Matthew 5:16

Màlà kasa làmaichi tàwà eweyu kon nùlenpamùi kappon yamùk yemloto po, wakù ton ànkupù kon yentoppe tok uya molopai àkàipùnù kon epùn pon yapulàtoppe tok uya,” tukaik.

Luke 7:38

Molopai satippe iwechippù Jesus mùpoi winà, itta piyau, tùkalawù pàk. Molopai itta yaiku'mappù ya tenu palu ke. Ya'munakkappù ya tùnsek ke molopai itta yamùk kismappù ya. Molopai apoi'nan kalapa mappù ya ipona.

Luke 7:44

Màlàyau iwelattàppù nossan winàkàik, molopai Simon pàk, “Pùsàlà na' nossan menyan?” teppù ya. “Apatassek yak uyàpùi molopai tuna ke ulepa auya pùn utta kuka toppe uya, tùse pùsàlà utta kukai tenu palu ke molopai na'munakkai tùnsek ke.

Yeunossak kon Wotokoyi 10:22

“Roman soichayi yepulu Cornelius uya ina yeunossak sàlà,” tukaik, tok uya imaimu yeikuppù. “Wakù mùkkàlà kàyik Katù namanài eke, tùnamasen tamù'nawolon kon Jew yamùk nùnama. Wakù inchelù uya yekamappù màlà àkà'matoppe ya tùwùk tak, yà'là te là auya yetatoppe tùuya,” teppù kàyik yamùk uya.

Yeunossak kon Wotokoyi 22:12

“Màlà pata yau kàyik wechippù màlà molo Ananias itesek, wakù, Katù pokonpe tùwemassen molopai law yawàlà tùwessen, Jew yamùk, Damascus pon kon nùnama.

Yeunossak kon Wotokoyi 6:3

“Màlàpàk utonpa yamùk, 7 pe kàyik yamùk yanùntàk kon àkklottapai'nokon wakù pe tùttusan, Akkwalù ke molopai pukkek ke iwanùssak kon pe, pùsamlo tùlù ina uya màlà sàlà yennài nan pe tok wetoppe.

Yeunossak kon Wotokoyi 9:36

Joppa po nossan wechippù màlà Tabitha itesek, mùkkàlà ailon tawon. Itesek Greek yau màlà Dorcas. Tàwàlàlà wakù kupù pàk iweppàtùppù molopai entuppa'nokon pùikattà pàk.

Yeunossak kon Wotokoyi 9:39

Màlàpàk Peter utàppù tok ya'là. Iwelepansak yau tok uya yalàppù kawonpan tapùi we'wakkàtok tak. Itayappù iwelichak kon nùssan wepilipùppù Peter woi, tùkalawùi'ma'nokon pon yepoino molopai pon yamùk yenpoikappù tok uya itemyak, pàli'yau tùwechi yau Dorcas nùkonekapàtùssan.

Romans 12:13

Yà'làlà pùla nai'nannùk Katù munkà tùmainanpaik ettàk kon, molopai kaklan yamùk yewonnùttàk àwùk kon tak.

Ephesians 2:10

Katù mà mùkkàlà kùkonekanàippù kon tà. Molopai Christ Jesus yau emennak pe we'nàtoppe kùkonekappù kon ya màlà, wakù kùnkupù kon woton pe inkupùppù pena, kuttokkonpe wema'nà yawà.

Colossians 1:10

Màlàyau nen uchi Itepulu Katù wettok iche kasa tùwemassan pe ewechi kon màlà. Molopai yauchinpanài pe nai'nùk kupù auya'nokon. Ewemattok kon wechi nen uchi tepelu ke màlà, wakù ton yà'là yekkwa là wotoko kupù auya'nokon yau. Molopai Katù ittutok auya'nokon yau eusemokka kon.

1 Timothy 2:10

tùse wakù pe iwelaikatok, Katù ittunnan ulichamichi welaikatok kasa.

1 Timothy 3:2

Sochi yesak wechi màlà àli pe ipantomù pùla, tewin neken inoppù, tùttuik tùwemassen pe, wakù pe itesek, wakù pe kakklan yamùk pàk tùwessen pe tùwùk tau, enupanài yeppe nàlà.

1 Timothy 3:7

Tùnamasen pe iwechi màlà sochi tawon kon pen winà, iwekkuli'ma tukaik molopai iwekkawai'ma Makui uya tùppùlantok yak tukaik.

1 Timothy 5:16

Tùse ànù'là nossan ailon tawon Katù pàk wechi itayappù iwelichak kon lùppù yesappe tùtonpa yamùk kùlottau yau, tàwà tok mainanpai, sochi wotokoyi pe iwechi tukaik, iwepùikattàtok iwinà pùn kulu mainanpa toppe sochi uya.

1 Timothy 5:25

Màlà kasa nàlà wakù eselu usene màlà, molopai màlà yamùk tùusensan kulu pen lànen uso'nantok pùla iwechi màlà.

1 Timothy 6:18

Wakù kuttoppe tok uya yekamakà, eke pe tùutauchinpaik tok wettoppe tùnkupù kon yau, alikyek pe tùwe'lepaik tok wettoppe ànù'là pokonpe.

2 Timothy 1:5

Ailon kulu ailon tetok auya ittunài Iulà, màlà ailon tetok ànok Lois molopai asan Eunice uya yekkwa. Tùttuyaik kulu itesak pe nàlà ewechi.

2 Timothy 2:21

Ànù'là wekkupù wakù pe tamù'nawolon màlà yamùk àli ton winàpai yau, iwettùsak màlà molopai tapulàsen pe iwechi Tepulu ponaloppe, iwekonekasak wakù wotoko yau tapulà toppe.

2 Timothy 3:15

molopai mùttuyaik mule pe ewechi motapai Wakù Katù Maimu ituppù auya, pukkek pe we'nàtok ke elepanài màlà wepùikattàtok yak anài ailon tetok Christ Jesus yau.

2 Timothy 3:17

kappon, Katù yapyoto pe tùwessen wettoppe wakù pe iwekonekasak yeppe yà'là yekkwa là wakù wotoko kuttoppe ya.

Titus 2:14

Iwettùlùppù màlà kùponalok kon pe, kùpùikattàse tamù'nawolon àli winàpai molopai kùkonekase esukenan kon kappon yamùk tùponalok kon pe kulu neken molopai wakù ànkuppai nokon kulu pe neken.

Titus 2:7

Àmàlà nàlà, tamù'nawolon yau wakù pe yentok ipàkàlà pe ekkà wakù yà'làlà wotoko yau. Ailon pe ekkà molopai tùumayintaik enupantok auya yau, eusennaka pe pùla.

Titus 3:1

Àtonpa yamùk yenu yapontàkà itepulu ton yemyak tok wettùtoppe apàikketton yemyak, tok maimu yawàlà tok wettoppe, yà'làlà tamù'nawolon wakù kupù pàk tùwekonekaik.

Titus 3:14

Tonpa wannà yamùk uya wakù wotoko kuttok yak tùweyu kon tùlù iche we'nà man, yà'là pùnon kulu wettok iche yau pùikattàn pàk tok wettoppe; tapulàsen pe tok wemattok wettoppe.

Titus 3:8

Sàlà màlà ailon kulu uselupantok. Sàlà yamùk pàk meluntà peiwa euselupa iche wessaik, mùkyamlo Katù pàk ailon tawonnan wettoppe tùweyu kon tùnàinan pe wakù wotoko kuttok yak. Sàlà yamùk màlà wakù, kappon yamùk napulà pe iwechi.

Hebrews 10:24

Molopai uchi ittutàk kon iwalàwannà yà'là kasa là meluntàtantok kon pe, uchi'nùmantok molopai wakù kuttok winàkàik.

Hebrews 13:2

Tùutauchinpaik kakklan yamùk yanùntok auya'nokon àwùk kon tak kùpputtàka'nùttàu. Màlà kasa tùwechi kon yau màlà tùulon kon uya inchelù yamùk yanùmùppù ittupe pùla.

Hebrews 13:21

Tàwàichi Katù elepai'nokon tamù'nawolon wakù iche ewettok kon ke teselu kupù kon pa. Tàwà tauchinpanài kupùi kùyau'nokon Jesus Christ yai. Christ yapulàpai'nokon tàwàlàlà molopai tàwàlàlà. Emen.

1 Peter 2:12

Eyeselu kon wakù pe nechii Katù ittunnan pen kùlottau, àmottùnpa kon tok uya yau, àli kussan tok te tok uya yau, wakù eyeselu kon yentoppe tok uya, molopai nen uchi Katù yapulàtoppe tok uya iiyàpù Weyu yattai.

1 Peter 4:9

Àtonpa kon yewonnùttàk àwùk kon tak tùusàulàmaik pùla.

3 John 1:12

Tamù'nawolon kon mùkyamlo Demetrius pàk tùselupassan wakù pe, masapùla ailon pe kulu iwechi pàk. Molopai ina nàlà ailon mùkkàlà nùkayan; molopai ina nùselupayai'nùk wechi ailon pe mùttuyaik.