1 Timothy 5:1 - Patamuna New Testament Revised

¹ Kàyik eyentaino kùsàulàmai, tùse yekamappokà àkàipùnù yekamappo auya kasa. Umoine ton ikukkà ayakon non kasa,

1 Timothy 5:1 ပူးပေါင်းရင်းမြစ်များ

Matthew 23:8

Eyesatù kon uchi kùsettak ‘Ticha’ tukaik masapùla tamù'nawàlà echitonpa ton amyamlo molopai tewinan neken Eyenupanài' nokon yesak.

Yeunossak kon Wotokoyi 14:23

Molo sochi yamùk tawon kon kùlottapai tok uya sochi yennàinan woton kon yanùmùppù tewinpàk. Wàpùlemantok tùuta'lettàik pùla yai tok uya tok tùlùppù Itepulu yemyak ailon tetok tùuya'nokon ipàk yemyak.

Yeunossak kon Wotokoyi 15:4

Tok welepansak Jerusalem pona yau, Sochi uya, yeunossak kon uya, molopai eke ton tùnamasan uya tok yanùmùppù tùutauchinpaik. Mùkyamlo pàk tok uya tamù'nawàlà Katù nùkupùppù tùpokon pe'nokon yekamappù.

Yeunossak kon Wotokoyi 15:6

Yeunossak kon molopai eke ton tùnamasan wepilipùppù tamùkke sàlà yamùk yekamapposak lùppù pàk eselupase.

Yeunossak kon Wotokoyi 20:17

Paul uya tùmaimu yeunokoppù Miletus poi Ephesus pona, sochi yennàinan utàtoppe tepose.

Romans 13:7

Tamù'nawàlà ewe'womatok kon me'matàik, pata ponaloppe te'masen pe iwechi yau màlà me'matàik, wapùla yàlàlà yepeppù pe iwechi yau, me'matàik, kappon tùnamaik we'nàtok pe là iwechi yau, kappon mùnamatàik, wapùla kappon yapulàtok pe là iwechi yau mapulàtàik.

Galatians 6:1

Utonpa yamùk, ànù'là uya àli kupù yeposak yau, àsà pe pùla amyamlo akkwalù yawon kon uya innappo tukka màlà ikasa iwenatoppe. Molopai elanneppe mettàik, amyamlo nàlà usetaluipa àli ànkuppai tukaik.

1 Timothy 5:17

Sochi yepulu yamùk wakù pe wotoko yanàinan wechi màlà te'masan pe eke peiwa, mùkyamlo kulu tùwe'wotokomasan sa'man pe wakù itekale yekama pàk molopai kappon yamùk yenupa pàk.

1 Timothy 5:2

nossan yamùk, koko yamùk, asanon kasa, molopai ema'nomichi àwàlichi ton kasa, tùwanmùla.

Titus 2:2

Amoko ton lùiwa kàyik yamùk yelupakà, elannek pe, wakù pe itekale, wakù pe tùttuse tùwessan pe tok wettoppe, meluntà pe ailon tetok tùuya'nokon yau, tùuchi'nùnmasan pe, molopai yà'là yekkwa là pàlikannan pe.

Titus 2:6

Màlà kasa làma umoine ton yekamappokà tùttuik tùwemassan pe tok wettoppe.

James 3:17

Tùse pukkeppe we'nàtok màlà epùn poino, wapiyalok kulu wakù esukenan; ewan wàlàkattok, tenpe àsà pe pùla we'nàtok tùwanmùla, alomùla, molopai echitonpa pe ku'nài; usentupantok ke iwanùssak màlà, molopai wakù eselu ne'nài; tamù'nawolon kon namatok e'kkaichalà yenpoikanài molopai ennakanài pùn.

James 5:14

Ànù'là na' molo nai e'nek àkklottau'nokon? Tàwà sochi yennài nan kà'mai, tùpona tok wàpùlematoppe e'nek uchipitttàtoppe molopai kalapa ke tùkalapaimatoppe tok uya Itepulu yesek yau.

1 Peter 5:1

Sochi yennàinan àkklottau'nokon nai'nannùk tùpawanattàyaik, Iulà nàlà mùkkàlà sochi yennài. Christ wettalumattàtok lùppù yekamanài, molopai itakkwayi tùusenpoika woton pùkkù nàlà. Apawanattàyatàu Iulà:

2 John 1:1

Sàlà màlà kaleta Iulà amoko, John nùmenukappù. Wakù kulu Nossan molopai imunkà yamùk piyak imenukasak lùppù, u'nùn pe unkupù ton amyamlo. Iulà pe neken là pùla, tùse tamù'nawolon kon ailon ittunnan, mùkyamlo tù'nùn kon pe àkussatàu,

3 John 1:1

Sàlà màlà kaleta Iulà amoko, John nùmenukappù, Gaius u'nùn kulu piyak.

Revelation 4:4

Sàlà aponnok woi 24 pe tùulon kon aponnok yamùk wechippù. Màlà yamùk po 24 pan kon eke ton tùnamasan wechippù chichiu pe. Tok wepontàsak aimu'nan yak, molopai kolù alok yau'ne tok wechippù.