1 Timothy 4:1 - Patamuna New Testament Revised1 Wakù Akkwalù uya yekamasak man ailon pe, tùulon kon kappon yamùk uya ailon tetok nonka pata wenukapù peiwa; ailon ton pen, kasei ton akkwalù maimu yawàlà tok wechi màlà molopai àliton akkwalù yamùk uya enupantok maimu yawàlà tok wechi màlà. အခန်းကိုကြည့်ပါ။ |
1 Timothy 4:1
64 ပူးပေါင်းရင်းမြစ်များ
Mùkyamlo Epicurean yamùk molopai Stoic yamùk enupan nan yeippàtùppù ya nàlà màlà. Tùulon kon uya, “Yà'là teiche ken uchi pùsàlà ittunài pen wechi màlà?” teppù. Tùulon kon uya tu'ma, “Katù yamùk tùulon pata yawon kon pàk ichelupa kasa man,” teppù. Tok uya wa teppù màlà masapùla Paul uselupa Jesus pàk molopai iwe'wuluukappù weli'nàtok yapai pàk, pàk.
Kappon yamùk là, wakù pe tukaik molopai àssà'mùla pe tukaik tùusennakasan molopai inchelù yamùk pàk tùwàpùlemasan tese'mu kon yok tùwenase eyennakatakù'nokon. Molopai alapumatakù'nokon e'mantok winàpai. We'neppà'nà walai yene tùuya'nokon pàk tùuselupasan mùkyamlo tùutapulà kon pe. Pùsamlo yekkwa ton ikasa pùla messatàik kùkkatak àpàkù'nokon. Ittutok ya pùnon mùkyamlo, pakko pe tùuselupasan masapùla kappon pe tok usenumenka pàk.
Katù Maimu yenpoikannan pe tukaik tùukaseitasan usenpoikappù ina kùlottau pena, molopai màlà kasa làma tok usenpoika màlà amak yai ittu pùla àkklottau'nokon. Mattanù'nài, ailon pen pàk enupantok nepù màlà tok uya, molopai Kùyepulu kùye'manàippù kon Jesus nulunpa tok uya màlà, molopai sàlà kasa asse'ne mattantok nepù tok uya màlà tùpona'nokon.
Masapùla tùulon kon àliton kappon yamùk wewonsak man amak yai kùkklotta'nokon ittu kùuya'nokon pùla, pùsamlo lùppù uya wakù pe we'nàtok Katù winàpaino lattàsak man iche tùwettok kasa tùwechinma pàk tùwettok kon ipàkàlà pe, molopai Jesus Christ tewinan Kùyepulu kon molopai tamù'nwolon kon Yepoino nulunpa tok uya. Pena Katù Maimu uya yekamappù sàlà talumattàntok tok nepoloppù.
Tamù'nawolon kon kappon yamùk non po tùwemassan yennakappù ya tensen yekkwa pen kuttok tùuya winà, tùlepatok ikuttoppe tùuya wapiyalok àsà ene yemloto po. Pùsàlà yakon àsà ene uya tamù'nawolon kon kappon yamùk non pon kon pàk yekamappù, wapiyalok àsà ene kasa ikonekatoppe tok uya, yapulà pe mùkkàlà iwàsak lùppù asa'lon yà kasupala ke tùse iwennasak lùppù.
Yà'là yattai tu'ma là lanppu yakkwayi usene ayau pen màlà, tùwemali'masan ema'non molopai umoine tawonnan maimu useta ayau pen. Mamin chilanman nan molopai ye'mannan, àponalok kon wechippù kulu màlà eke pe tamù'nawàlà sàlà non po, molopai epiyassanù ke tamù'nawàlà kappon yamùk non pon kon yennakappù auya,” teppù ya nàlà.
Àsà ene yachippù màlà, tamùkke iwalai pen itekale yekamanàippù pokonpe, mùkkàlà tensan pen yamùk ku'nàippù itemlotopo. (Màlà tensan pen yamùk winà màlà mùkyamlo àsà ene uya pattàntok yesak ton yennakappù ya, molopai àsà ene kasa ikonekasak yapulànnan nùssan.) Àsà ene molopai iwalai pen itekale yekamanàippù tawonnan yenu'mappù màlà asakklàma, nulà apok yak kulupala kasa tùkà'nùnsen pokonpe tùuyassen yak.
Tok tonpassan apok, ikelechin molopai sulfur ke iwàsak kon pen, welattàppù pen màlà tùnkonekappù kon winàpai. Àli akkwalù pàk, molopai ikonekasak kon katù yamùk, kolù yapai, chilùpa, kalukuli walai, tàk, molopai yei yapai. Yà'làlà yennài nan pen, wapùla yà'làlà yetan nan pen, wapùla tùusasan pen pàk tùwepeimatok kon yeleutanùpùppù tok uya pen.
ကြော်ငြာတွေ