1 Timothy 3:2 - Patamuna New Testament Revised

² Sochi yesak wechi màlà àli pe ipantomù pùla, tewin neken inoppù, tùttuik tùwemassen pe, wakù pe itesek, wakù pe kakklan yamùk pàk tùwessen pe tùwùk tau, enupanài yeppe nàlà.

1 Timothy 3:2 ပူးပေါင်းရင်းမြစ်များ

Luke 1:6

Asakklàma tok wemapùppù màlà wakù pe Katù yenu yau, molopai tok uya tamù'nawàlà Katù uya enupantok kupùppù màlà. Molopai tok wechippù yawàlà.

Luke 2:36

Molo nossan, Katù Maimu yenpoikanài wechippù màlà Anna itesek, Phanuel yenchi, Asher kok. Kokko pe kulu iwechippù màlà, tùtayappù ke iwechippù màlà 7 pe neken kilichimochi.

Romans 12:13

Yà'làlà pùla nai'nannùk Katù munkà tùmainanpaik ettàk kon, molopai kaklan yamùk yewonnùttàk àwùk kon tak.

Philippians 2:15

Àli ku'nài nan pe pùla esuken Katù munkà pe, wakù pe tùwemassan pe ewechi kon pa. Molopai ikasa pùla àli pe kulu tùwemassan kappon yamùk wolù yawon kon kùlottau elenpantàk kon. Chilùkà yamùk ulenpansak kak yau kasa.

1 Timothy 3:12

Sochi tau pùikattànài wechi màlà tewin inoppù molopai tùnoppù, tùmunkà tawonnan yesappe molopai tok mainanpanài pe tùwessen pe wakù pe.

1 Timothy 3:8

Sochi tau pùikattànnan wechi màlà wakù pe iwemattok molopai ailon pe, tùusentaikaik eke pe kulu tùwuku inchinài pe pùla wapùla pùlayatta pàk tùuseka'nonkasen pe pùla.

1 Timothy 4:3

Mùkyamlo walai non kappon yamùk uya enupan màlà, wemali'man wechi màlà ikasa pùla molopai yà'là yekkwa là kùyali màlà tùnassen pen, tukaik. Tùse Katù uya màlà sàlà yamùk kùyali konekappù ailon tawonnan molopai ailon ittunnan nùnapù pe tenki tukaik.

1 Timothy 5:10

molopai nàlà wakù ku'nài pe itekale nechiik: tùmunkà yamùk yemokkanài wakù pe pe, kaklan yamùk yanùnnài tùwùk tak pe, Katù ponalok kon pùta kolùkanài pe, tùwettalumattàsan pùikattànài pe, molopai tamù'nawolon yà'là yekkwa là wakù ku'nài pe.

1 Timothy 5:22

Kesemittàpai eyemyatù tùlù auya ànù'là pona pàk Itepulu Jesus wotokoyi ponaloppe tok tùlù auya pàk. Tùulon kon uya àli kupù tonpa pe kechii; wakù pe esuken ekkà.

1 Timothy 5:9

Ànù'là itayappù iwelichak lùppù yesek yamùk kùttùlùi tùulon kon itayappù iwelichak kon yesek yamùk kùlottak 60 pe kilichimochi ma'le iwechi tùse, tùse 60 pe kilichimochi iwechi yau itùlù màlà; molopai nàlà iwemali'masak pe iwechi màlà tewin itekkwa neken,

2 Timothy 2:24

Itepulu yapyoto sakoloppe kùsettak. Tàwà wakù pe nechii tamù'nawolon kon pàk, enupanài yeppe molopai ese'mapai kùsettak

Titus 2:2

Amoko ton lùiwa kàyik yamùk yelupakà, elannek pe, wakù pe itekale, wakù pe tùttuse tùwessan pe tok wettoppe, meluntà pe ailon tetok tùuya'nokon yau, tùuchi'nùnmasan pe, molopai yà'là yekkwa là pàlikannan pe.

Hebrews 13:2

Tùutauchinpaik kakklan yamùk yanùntok auya'nokon àwùk kon tak kùpputtàka'nùttàu. Màlà kasa tùwechi kon yau màlà tùulon kon uya inchelù yamùk yanùmùppù ittupe pùla.

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

1 Peter 4:7

Tamù'nawolon yà'làlà wenukattok yattai mei pùla man. Eyesak kon pe ettàk kon, molopai enpen ettàk kon, àwàpùlema kon pe.

1 Peter 4:9

Àtonpa kon yewonnùttàk àwùk kon tak tùusàulàmaik pùla.

1 Peter 5:8

Tùttuik ettàk kon enpen ettàk! Masapùla eyeyaton kon, Makui, tùusalà pàk man, tùtàwùsen palauya kasa, ànù'là iwa pàk tùneuno'ma woton.