1 Timothy 3:13 - Patamuna New Testament Revised

¹³ Mùkyamlo wakù pe wotoko ku'nàinan wechi màlà wakù pe ipantomù, molopai ailon tetok ya Christ Jesus pàk yau tùnamasen pe iwechi.

1 Timothy 3:13 ပူးပေါင်းရင်းမြစ်များ

Matthew 20:28

Kàyik Mumu uyàpùppù tapyoto ke esse pen màlà, tùse apyoto pe esse, molopai tùwemattok tùse tukkan kon kappon yamùk ye'matoppe tùuya,” teppù Jesus uya.

Matthew 25:21

‘Wakù kussak auya man, wakù molopai ailon uyapyoto! Ailon pe ewessak man malalon nùkkwà pùlayatta pilipù pàk, màlàpàk àtùlù uya màlà eke yesappe ewechi pa. Àikkà utauchinpa tonpa pe ewechi pa!’ teppù itepulu uya.

Luke 19:17

‘Wakù pe kulu man, wakù àmàlà apyoto! Ailon peichi ewessak malalon yau pàk, 10 pan pata yamùk yesappe ewechipa àkupù uya màlà,’ teppù itepulu uya.

Yeunossak kon Wotokoyi 21:35

Tok uyàpùppù wenu'nàtok ipolo motak neken, molopai soicha yamùk uya yalàppù masapùla ilinà wechi àsà pe pàk.

Yeunossak kon Wotokoyi 6:15

Tamù'nawàlà Jew yamùk yepulu ton chichiu pe tùwessan wechippù Stephen yenupàkà molopai tok uya itenpata yeneppù inchelù yenpata kasa iichensak.

Yeunossak kon Wotokoyi 6:5

Tamù'nawolon kon yauchinpappù yeunossak kon uselupatok uya màlà. Màlàyau tok uya Stephen yanùmùppù, kàyik ailon tetok ke molopai Wakù Akkwalù ke iwanùssak molopai Philip, Prochorus, Nicanor, Timon, Parmenas, molopai Nicolas, Antioch pon. Mùkkàlà wechippù Jew pen, tùse tok yenupatok winà Jew kasa iwenasak.

Yeunossak kon Wotokoyi 6:8

Stephen wanùssak Katù yapàikketù ke molopai wakù pe iwettok ke uya, eke ton tensan yek pen, enumenkan nan kupùppù kappon yamùk kùlottau.

1 Corinthians 16:15

Mùttuyataik Stephanas molopai itùwùk tawon kon wechi wapiyalok kon iwepùikattàsak kon pe Christ yau Achaia po. Molopai tok wettùsak màlà tùyiwalà'nokon Katù ponalok kon kappon yamùk ponaloppe tùwe'wotokomatok kon yak.

Philippians 1:14

Molopai patikichi tau wettok uya tamù'nawolon kon lùiwa ailon tawonnan utonpa yamùk kussak man ailon tetok tùuya'nokon tùtoppe tok uya Christ yak. Meluntà peiwa Katù Maimu yekamatok tùuya'nokon yau tùwenatok kon pe tàwàlà tùusenalippaik pùla.

1 Thessalonians 2:2

Mùttuyatàik ina talumattàkapùppù molopai ina mottùnpapàtùppù Philippi po, ina uyàpù Thessalonica pona apyakù'nokon wapiya. Tùse ku Katù uya meluntà pe tùwettalipaik pùla uselupantok Wakù Itekale yekama pe yapàikkettù ke ina lepappù, eke pe lànen iwakkà'nài nan tùse.

1 Timothy 3:14

Sàlà menukai'ma, enpen wessaik uyàpù eyense pàk tachinpe kulu tùpo pùla.

2 Timothy 2:1

Àmàlà, umu, meluntà pe ekkà wakù lepantok yau kùponalok pe nai'nùk Christ Jesus yau.

Hebrews 6:10

Katù mùkkàlà ikasa nai'nùk ku'nài. Àwotokoyi kon lùppù puttàka'nùpù ya pen màlà. I'nùnmatok auya'nokon enenpoikappù kon ipemonkono yamùk pùikattà pe molopai tok pùikattà pàk lùppù messatài'nùk.