1 Timothy 2:8 - Patamuna New Testament Revised

⁸ Sochi pàk we'nà yattai'ne kàyik yamùk wàpùlema iche wessaik, kàyik yamùk Katù yemyak iwettùsak kon molopai temyatù kon tenkaik tùwàpùlemasan yek tùwe'naikaik pùla wapùla tùusàulàmaik pùla.

1 Timothy 2:8 ပူးပေါင်းရင်းမြစ်များ

Matthew 21:21

Jesus uya tok yeikuppù “Ailon kulu sàlà, ailon te auya'nokon, kasei tukaik pùla yau, tùkuppàssai'nùk sàlà fig yek pàk kupù auya'nokon màlà, sàlà neken pen. Sàlà wùk pàk nàlà lànen, ‘E'wuluukakà molopai epukakà palau kak,’ te auya'nokon, molopai iwekkupù màlà.

Matthew 5:44

Tùse tekamayaik àpàkù'nokon, eyeyaton kon i'nùnmatàk kon, molopai atalumattànnan pona màpùlematàik.

Matthew 6:12

Ina makuyi pàk esentuppakà. Ina winàkàik iwemakuimassak kon pàk nàlà ina nùsentupayai'nùk kasa.

Luke 23:34

Jesus uya, “Tok pàk esentuppakà, Ukàippùnù. Yà'là kupù tùuya'nokon ittu tok uya pùla man,” teppù. Tok uya ipon pantakappù màlà tùklottau'nokon elekkwà lùkkwà tàk walai tenu'mapàsse.

Luke 24:50

Màlàyau tok yalàppù ya pata yapai, Bethany pona, molo temyatù yanùmùppù ya molopai tok pùlemappù ya.

John 4:21

Jesus uya ipàk, “Nossan, ailon kakkà upàk, pata weyu nùyàssan màlà yattai sàlà wùk po wapùla Jerusalem po Ukàipùnù nama pe yapulà pen nen uchi màlà.

Yeunossak kon Wotokoyi 10:2

Mùkkàlà molopai itùwùk tawon kon wechippù wakù pe. Katù namappù tok uya. Eke pe kulu yà'làlà kupùppù ya entuppa'nokon Jew yamùk pùikattà pe, molopai tàwàlàlà tùwàpùlemasen pe iwechippù Katù pàk.

Yeunossak kon Wotokoyi 10:31

Molopai, ‘Cornelius! Katù uya àwàpùlematok yetasak man molopai wakù pe entuppa'nokon lepa pàk ewe'wotokomatok ittusak ya man.

Yeunossak kon Wotokoyi 10:4

Inchelù yenupàkà iwechippù tùusenalippai'ma molopai, “Yà'là pe nai, Uyepulu?” teppù ya. Inchelù uya imaimu yeikuppù, “Katù uya àwàpùlematok molopai entuppa'nokon lepa pàk ewe'wotokoma tok yanùnsak man, molopai eyittusak ya man.

Yeunossak kon Wotokoyi 21:5

Ina uko'mantok tok piyau weyu wenukassak yau, ina utàppù te'ma kon tawà. Tamù'nawolon kon utàppù ina ya'là pata poi tùnoppù kon molopai tùmunkà kon yamùk pokonpe. Molo ina wenappù tese'mu kon pona palau yena po molopai ina wàpùlemappù.

Yeunossak kon Wotokoyi 7:60

Tese'muyok iwenappù molopai iwentaimeppù eke pe, “Itepulu! Sàlà àli kuttok tok uya kùchittui molopai kù'nepùi tok winàkàik!” tukaik. Wa te tùpo iwelikùppù.

1 Corinthians 1:2

Katù sochiyi Corinth pon piyak, mùkyamlo iwekonekasak kon wakù pe Christ Jesus yau molopai ikà'masak kon esuken tok wettoppe piyak, tamùkke tamù'nawolon kon kappon yamùk pokonpe mailàlà Kùyepulu kon Jesus Christ yesek yesa'nàinan, tok yepulu molopai kùyepulu kon.

1 Corinthians 7:7

Tamù'nawàlà lànen kàyik yamùk wechi ukasa iche wessaik. Tùse iponalà'ne kappon yamùk lepatok wechi màlà Katù winàpaino, tewinan lepatok sà yekkwa, molopai tùulon mà yekkwa.

2 Corinthians 2:14

Tùse tàwà tenki tetok Katù pàk molo nechii! Masapùla Katù uya ina yalà màlà entaikantok yak Christ yai. Katù uya ina yai tekale yeunoko màttawàlà tùkà'nùnsen kà'nùmù i'nailàlà kasa.

Philippians 1:12

Ittu auya'nokon iche wessaik, utonpa yamùk, màlà yamùk iwekkusak kon uwinàkàik uya kulu Wakù Itekale utàtoppe miyaiwa upùikattàsak pàk.

1 Thessalonians 1:8

Masapùla Itepulu yekale utàsak man mailàlà ewinà'nokon Macedonia molopai Achaia yau neken pùla, tùse ailon tetok auya'nokon Katù pàk yekale utàppù man mailàlà. Yà'làlà àpàkù'nokon ina nekama woton pùla man.

1 Timothy 5:14

Màlàpàk ema'nomichi itayappù iwelichak kon wemali'ma iche wechi màlà, tùumunkàtatok kon pe, tùwùk molopai tùmunkà yamùk mainanpa toppe tùuya, kùyeyaton kon uselupatok àli pe kùpàk yattai pùla.

Titus 3:8

Sàlà màlà ailon kulu uselupantok. Sàlà yamùk pàk meluntà peiwa euselupa iche wessaik, mùkyamlo Katù pàk ailon tawonnan wettoppe tùweyu kon tùnàinan pe wakù wotoko kuttok yak. Sàlà yamùk màlà wakù, kappon yamùk napulà pe iwechi.

Hebrews 10:22

Màlàpàk uchi mei pùla Katù piyak uyà'nàpai'nokon, ailon pe itewan molopai ailon tettok Katù pàk yau ittui'ma kulu, àli winàpai ikukasappe kùyewan kon, molopai kùyesak kon ikukasappe esukenan tuna ke.

James 4:8

Àitàk kon Katù piyak mei pùla molopai iyàpù màlà mei pùla apyakù'nokon. Wakù pe eyemyatà kon ikuttàk kon, asa'lon ichenumenkatok kon kappon yamùk! Eyewan kon ikukatàk kon tùusennakasan!

1 Peter 3:7

Amyamlo nàlà tùnoppù kenan kon walawotichi yamùk, ànoppù kon piyau ewemapù kon yau, mùttutàik tok wechi attu'mùnon peiwa, màlàpàk tok kùttalumattàtàu namantok yenpoikatàk kon tok pàk; masapùla tok uya nàlà tamùkke àpokonpe'nokon, Katù uya lepantok wema'nàtok ke yanùmù màlà. Sàlàichi ikuttàk kon àwàpùlematok kon wakàttù yà'làlà uya tukaik.