1 Timothy 2:5 - Patamuna New Testament Revised

⁵ Masapùla Katù mùkkàlà tewinan, molopai tewinan nàlà molo man Katù molopai tamù'nawolon kon kappon yamùk yakkletawon, mùkkàlà kàyik Christ Jesus.

1 Timothy 2:5 ပူးပေါင်းရင်းမြစ်များ

Matthew 1:1

Sàlàichi màlà Jesus Christ wentutok pàk imenukasak lùppù. Jesus wechippù David pa pe. David wechippù Abraham pa pe.

Matthew 1:23

“Ema'non kàyik nappàtùppù pen wena màlà monoppe molopai iwentu walawoppe, molopai yesatù màlà Immanuel tukaik,” teppù ya. Katù kùpyau'nokon man te ya pe iwechi. {ISA 7.14}

Luke 14:22

Màlàyau apyoto uya, ‘Euselupatok kussak là man, Uyepulu, tùse patassek lùppù molo man,’ teppù.

John 1:14

Mayin wenappù màlà kappon pe, kùklottau'nokon iwemapùppù. Ailon, wakù pe iwettok yeneppù ina uya, mùkkàlà neken tewinan yapulàtok, iyàssak lùppù tùkàipùnù winàpai wakù pe tùwettok molopai ailon pokonpe.

John 17:3

Sàlà màlà tàwàlàlà wema'nàtok kappon yamùk uya eyittutok ipàkàlà, ailon Katù pe ewechi màlà àmàlà neken, molopai Jesus Christ nàlà eneunokoppù.

Yeunossak kon Wotokoyi 4:12

Wepùikattàntok wessepolo màlà mùkkàlà neken winà. Masapùla ànù'là yesek pùla iwechi màlà sàlà non po Katù nùtùlùppù kappon yamùk piyak wepùikattàntok iwinà pe,” tukaik.

Romans 1:3

Sàlà Wakù Itekale màlà Imu, kùyepulu kon Jesus Christ yekale. Kappon pe tùwechi yau David pa pe iwechippù.

Romans 10:12

Masapùla tùpatalà we'nàtok pùla iwechi màlà Jew yamùk molopai Jew yamùk pen kùlottau. Katù mùkkàlà, mùkkàlà lùppù tamù'nawolon kon Yepulu, molopai eke pe tamù'nawolon kon tesek yesà'nàinan lepanài.

1 Corinthians 8:4

Màlàpàk uchi kùyali ailon pen katù yemyak itùsak lùppù napù yau, ittu'nokon man ikonekasak katù wechi yà'là pe pùla kulu i'nailàlà. Molopai tewinan neken Katù wechi molo.

1 Corinthians 8:6

Tùse molo man kùponalok kon tewinan neken Katù, Kùkàipùnù kon, tamù'nawolon yà'làlà konekanàippù, molopai iponaloppe wema'nàtokù'nokon. Molopai molo man tewinan neken Itepulu, Jesus Christ, tamù'nawolon yà'làlà wekonekappù iwinà lùppù, molopai wema'nàtokù'nokon iwinà.

Galatians 3:20

Tùse akkletawon mùkkàlà tewin yentai kappon ichelok, tùse mùkkàlà Katù tewinan wechippù ànù'là iche pen màlà Abraham pàk ‘Ikupù uya,’ tetok tùuya kupù tùuya yau.

Ephesians 4:6

Tewinan Katù molo man molopai tamù'nawolon kon kappon yamùk Kàipùnù mùkkàlà. Tamù'nawolon kon Yepulu mùkkàlà, tamù'nawolon kon yai tùwe'wotokomasen molopai tamù'nawolon kon yawon.

1 Timothy 6:13

Eyekamappo uya sàlà umaimu yawàlà ewechi pa Katù yemloto po, wema'nàtok tùnài tamù'nawolon yà'làlà yak yemloto po, molopai Christ Jesus, Pontius Pilate yemloto po wakù yekamanàippù yemloto po:

Hebrews 12:24

Jesus piyak àuyàssak kon man, emennak ikupù pàk tùwekkuttok ku'nài piyak. Molopai mùn yappasa'masak, wakù peiwa nùselupayai'nùk Abel mùnù yentai piyak.

Hebrews 7:25

Màlàpàk mùkyamlo Katù piyak tùuyàssan tùwinà pùikattànài kulu mùkkàlà tamù'nawàlà. Masapùla tàwàlàlà tùwemassen mùkkàlà Katù pawanattàtoppe tùuya tok pàkànsau.

Hebrews 8:6

Tùse Jesus wotokoyi wechi màlà non pon kon Eke paatele yamùk wotokoyi yentai. Màlà kasa emennak wakù ikupù tùuya teppù Katù uya yenpoikanài pe iwechi màlà ipoippà yentai. Katù molopai kappon yamùk yakkletau Jesus wechi màlà.

Hebrews 9:15

Sàlà wenai Christ wechi màlà Katù molopai kappon tawonnan yakkletau tùwessen pe, emennak ikupù pàk Katù wekkuttok yau. Mùkkyamlo ikà'masak kon uya tàwàlàlà pùlemantok yepotoppe, ikupù tùuya teppù Katù uya lùppù. Sàlà wekkupùppù màlà, masapùla Jesus welikùppù màlà wapiyalok ikupù pàk Katù wekkupùppù lùppù yo'no kappon yamuk nùkupùppù tok makuyi winàpai tok pùikattàtoppe tùuya.

1 John 2:1

Umunkà yamùk, sàlà tùmenukayaik apyakù'nokon, ewemakuima kon tukaik. Tùse ànù'là wemakuimasak yau, Jesus Christ molo man ikasa tùwemassen. Katù pawanattà pàk tùwessen kùponalok kon pe ichentuppatoppe.

Revelation 1:13

Sàlà yamùk kùlottau kàyik mumu walai wechippù satippe, iwepontàsak kusan pon yak tùtta tepoik, molopai kolù pùlopo mùk wechippù iplopo woi. {Dan 7.13}