1 Timothy 2:2 - Patamuna New Testament Revised

² Kin yamùk, molopai tamù'nawolon kon potolù yamùk ponaloppe, wema'nàtoppe eppana àsà pùla molopai echitonpa pe, wakù pe Katù kùpùikattànài tauchinpaik molopai iwalai iteselu pe tùwelaikaik we'nàtoppe.

1 Timothy 2:2 ပူးပေါင်းရင်းမြစ်များ

Luke 1:6

Asakklàma tok wemapùppù màlà wakù pe Katù yenu yau, molopai tok uya tamù'nawàlà Katù uya enupantok kupùppù màlà. Molopai tok wechippù yawàlà.

Luke 2:25

Màlà yattai molo kàyik wechippù tùwemassen Jerusalem po, Simeon itesek. Mùkkàlà wechippù màlà wakù pe molopai Katù namanài pe, molopai Israel wepùikattà màmuku pàk iwechippù. Wakù Akkwalù wechippù màlà ipyau.

Yeunossak kon Wotokoyi 10:22

“Roman soichayi yepulu Cornelius uya ina yeunossak sàlà,” tukaik, tok uya imaimu yeikuppù. “Wakù mùkkàlà kàyik Katù namanài eke, tùnamasen tamù'nawolon kon Jew yamùk nùnama. Wakù inchelù uya yekamappù màlà àkà'matoppe ya tùwùk tak, yà'là te là auya yetatoppe tùuya,” teppù kàyik yamùk uya.

Yeunossak kon Wotokoyi 24:16

Màlàpàk wakù pe esuken usenumenkatok kupùiche tùwessen Iulà tàwàlàlà, Katù molopai kappon yamùk yemloto po.

Romans 12:18

Tamù'nawolon ànùttu kon wakù mùkuttàik tamù'nawolon kon kappon yamùk pokonpe echitonpa pe ewemapù kon pa.

Philippians 4:8

Wenukapù pe, utonpa yamùk, eusenumenkatok kon pe màlà yamùk: ailon pe nai'nannùk nechii molopai tapulàsen pe nai'nùk, ikasa nai'nùk, esuken nai'nùk, molùnpak nai'nùk, wakù pe kulu nai'nùk, molopai tapulàsan yeppe nai'nùk molopai tùnamasen pe nai'nùk.

1 Thessalonians 4:11

Intakek pe pùla emattàk kon echitonpa pe, mùkklà nùkupù tense pùla eyiwalà’nokon molopai e’wotokomatàk kon ewemattok ipàk yepolo kon pa.

Hebrews 12:14

Ànùttu kon ikuttàk echitonpa pe ewemapùkonpa tamù'nawolon kon kappon yamùk pokonpe, molopai wakù pe esuken wema'nàtok iche ettàk kon, masapùla ànù'là wakù pe esuken wema'nàtok yawolonnà pen uya Itepulu yene pen màlà.