1 Timothy 1:2 - Patamuna New Testament Revised

² Timothy, ailon tetok yau umu kulu kasa tùwessen piyak unmenukappù. Katù Kùkàipùnù molopai Jesus Christ Kùyepulu uya elepatoppe wakù pe we'nàtok ke, usentupantok ke, molopai echitonpa pe we'nàtok ke wàpùlemayaik.

1 Timothy 1:2 ပူးပေါင်းရင်းမြစ်များ

Romans 1:7

Màlàpàk kaleta menuka uya sàlà tamù'nawàlà apyakù'nokon Rome pon kon Katù nù'nùnma ton molopai inkà'massan esuken tùwessan pe. Tàwà Katù Kùkàipùnù kon molopai Kùyepulu kon Jesus Christ elepai'nokon wakù pe we'nàtok molopai echitonpa pe we'nàtok ke.

Galatians 1:3

Tàwà Katù kùkàipùnù molopai Itepulu Jesus Christ elepai'nokon wakù pe we'nàtok molopai echitonpa pe we'nàtok ke.

1 Thessalonians 3:2

Ina uya Timothy yeunokoppù apyakù'nokon, ina tonpa molopai Katù poitolù molopai Wakù Christ yekale yekamanài. Ina neunottai emeluntàlùttàtok kon pe ya molopai ailon tetok auya'nokon pùikattàtoppe ya,

1 Timothy 1:12

Tenki ukayaik Christ Jesus Kùyepulu kon pàk, ulepanàippù meluntà ke uwotokoyi kuttoppe uya. Tenki ukayaik uyensak ya tùwe'wotokomasen yeppe pàk molopai uyanùnsak ya tùwotokoyi yak pàk,

1 Timothy 1:18

Umu Timothy, sàlà enupantok tùlù uya sàlà eyemyak. Katù Maimu uya Wakù Akkwalù yai yekamappù àpàk tùuselupa yau lùppù yawàlà iwechi màlà. Tàwà màlà mayin ewepanta'matok ike pe nechii, wakù ponaloppe ewepanta'ma yawà,

1 Timothy 6:20

Timothy, màlà itùsak lùppù eyemyak ikukkà wakù pe. Katù pùnon uselupatok yà'là pen nà kùsetai, wakù kasa nùsetayai'nùk tùse iwalai pen enupantok.

2 Timothy 1:2

Timothy, u'nùn umu piyak unmenukappù. Tàwà Katù Kùkàipùnù molopai Christ Jesus Kùyepulu elepai wakù pe we'nàtok, usentupantok, molopai echitonpa pe we'nàtok.

2 Timothy 2:1

Àmàlà, umu, meluntà pe ekkà wakù lepantok yau kùponalok pe nai'nùk Christ Jesus yau.

Titus 1:4

Kaleta tùmenukayaik Titus piyak, umu kasa kulu unkupù ailon tetok ipùkkù pe we'nà nai'nùk yau: Tàwà Katù Kùkàipùnù kon molopai Christ Jesus kùpùikattànàippù elepai wakù pe we'nàtok molopai echitonpa pe we'nàtok tùwinàpaino ke.

Titus 2:2

Amoko ton lùiwa kàyik yamùk yelupakà, elannek pe, wakù pe itekale, wakù pe tùttuse tùwessan pe tok wettoppe, meluntà pe ailon tetok tùuya'nokon yau, tùuchi'nùnmasan pe, molopai yà'là yekkwa là pàlikannan pe.

Titus 3:15

Tamù'nawolon kon upyau nai'nannùk “Wakù pe là na' messan?” nùkayan. Ina uya “Wakù pe là na' messatàu?” tetok yekamakà ina tonpa yamùk pàk ailon tetok yawon kon pàk. Tàwà wakù pe we'nàtok Katù winàpaino apyau'nokon nechii tamù'nawolon kon.

1 Peter 1:2

Ayanùnsak kon màlà Katù yeselu yawàlà, Katù ponaloppe àkonekatok kon pe Wakù Akkwalù winà, molopai Jesus Christ maimu yawàlà ewechi kon pa molopai esuken ewena kon pa Jesus Christ mùnù winà. Tàwà wakù pe we'nàtok molopai echitonpa pe we'nàtok Katù winàpaino àponalok kon pe nenai eke pe.

2 John 1:3

Tàwà Katù Kùkàipùnù kon molopai Jesus Christ Kùkàipùnù kon Mumu kùlepai'nokon wakù pe we'nàtok ke, usentuppantok ke, molopai echitonpa pe we'nàtok ke; tàwà màlà yamùk kùponaloppe nechii ailon molopai uchi'nùnmantok yau.

3 John 1:4

Yà'làlà uyauchinpanài woton pùla iwechi màlà Christ winàkàik unpùikattàssan wemapù ailon yau pàk utauchinpa yentaino.

Jude 1:2

Tàwà usentupantok, echitonpa pe we'nàtok, molopai uchi'nùnmantok nenai eke pe àponalok kon pe.