1 Timothy 1:17 - Patamuna New Testament Revised

¹⁷ Tàwàlàlà Kin pe tùwessen, tùumatta woton pen molopai yensak pen, tewinan Katù piyak, namantok molopai apulàntok tùlù màlà tàwàlà molopai tàwàlàlà! Emen.

1 Timothy 1:17 ပူးပေါင်းရင်းမြစ်များ

Matthew 25:34

Màlàyau nen uchi Kin uya kappon yamùk tùkamikù pen winon kon pàk, ‘Àittàk kon! Ukàipùnù nùpùlemassan. Àittàk kon itepulu pe ewettok kon patassek yepotanùttàk kon, ikonekasak lùppù àponalok kon pe wolù wekonekappù motapai.

Matthew 28:20

Molopai tok menupatàik tamù'nawolon “Mùkuttàik” teppù uya lùppù àpàkù'nokon maimu yawàlà tok wettoppe. Apyau'nokon wechi màlà tàwàlà pata weyu wenukattok ponalà,” teppù ya.

Matthew 6:13

Ina kùsettùtak sa'man ittuntok yak, tùse Ene Makui winàpai làkku ina ikukkà, Masapùla àponalok màlà itepulu pe we'nàtok epùn po, molopai apàikkek, molopai apulàntok tàwàlàlà. Emen, tukaik, teppù Jesus uya.

John 1:18

Ànùk uya là Katù yensak pùla man. Tùse Imu mùkkàlà tewinan neken tùkàipùnù yenau nai'nùk uya yenpoikappù màlà ittutoppe.

John 5:44

Essentak atapulàpainokon amyamlo, tùse Katù winàpaino neken apulàntok yepoloiche ewechi kon pen. Yà'là kasa ken ailon te auya'nokon?

Romans 1:20

Tùwenukassen pen màlà Katù yapàikketù molopai iteselu tùusensen pen. Tùse wolù konekappù motapai, Katù uya yà'là kasa là sàlà yamùk wechi yenpoikasak màlà tamù'nawolon tùnkonekappù winà. Màlàpàk mùkyamlo kappon yamùk we'waputàtok pùla iwechi màlà.

Romans 1:23

Tùwelichen pen Katù yapulànnan pen mùkyamlo molopai inamannan pen, yà'làlà ikonekasak kon kappon tùwelichen kasa, tolon yamùk kasa, kamo yamùk kasa molopai ululu pe tùusasan kasa, màlà yapulànnan mùkyamlo.

Romans 11:36

Masapùla tamù'nawolon yà'làlà iwekkussak lùppù wechi màlà iwinon pe, mùkkùlà yai molopai iponaloppe. Tàwà uchi apulàntok molopai namantok iponaloppe nechii tàwàlàlà. Emen.

Romans 16:27

Tewinan neken pukkek Katù piyak, apulàntok molopai namantok tùlù nechii Jesus Christ yai tàwàlàlà molopai tàwàlàlà! Emen.

Romans 2:10

Tùse Katù uya apulàntok, namantok, molopai ewan wàlàkkattok tùlù màlà tamù'nawolon kon wakù ku'nàinan yemyak, Jew yamùk yemyak molopai nàlà Jew yamùk pen yemyak.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

Colossians 1:15

Christ wechi màlà ànùk yekkwa pe Katù tùusensen pen wechi yenpoikanài pe. Iwentusak lùppù wapiyalok pe, tamù'nawolon kon ikonekasak kon yentaino mùkkàlà.

Hebrews 11:27

Ailon tetok winà Moses uya Egypt nàmàppù tùusenalippaik pùla kin we'naikatok pàk, masapùla tensen pen Katù yensak tùuya pàk sa'man pàlikappù ya.

Hebrews 2:7

“Ikonekappù auya malalà inchelù yamùk ma'leiwa, apulàntok ke ilepappù auya molopai namantok ke.

1 Peter 5:11

Tamù'nawolon apàikkek màlà ipyawon tàwàlàlà. Emen.

2 Peter 3:18

Tùse wakù pe we'nàtok molopai ittunài pe we'nàtok Kùyepulu molopai Kùpùikattànài Jesus Christ winàpaino yau Jesus kasa enatàk kon tamù'nawàlà. Tàwà apulàntok ipyau nechii, sàlà pe molopai tàwàlàlà! Emen.

1 John 4:12

Ànù'là uya Katù yensak pùla iwechi màlà; tùse echi'nùn pe we'nà'nokon yau, Katù wechi màlà kùyau'nokon molopai tù'nùn tùsak ya màlà kùyakù'nokon tamù'nawàlà.

Jude 1:25

Tewinan Katù Kùpùikattànài'nokon Jesus Christ Kùyepulu kon yai piyau apulàntok nechii. Inamatok nechii. Itepulu pe we'nàtok meluntàlù nechii. Molopai apàikkek nechii, sàlà pe molopai tàwàlàlà molopai tàwàlàlà! Emen.

Revelation 15:3

Moses, Katù yapyoto, yelemu pàk tok uselenpappù, molopai Kalinilu Mule yelemu, “Itepulu Katù, Mùkkàlà neken Meluntà, eke pe molopai wakù kulu kupùppù auya man! Tamù'nawolon pata yamùk Kinù, ikasa molopai ailon pe eyeselu man!

Revelation 17:14

Tok wepanta'ma màlà Kalinilu Mule winàkàik, tùse Kalinilu Mule molopai inkà'massan, inanùmùssan molopai ailon pe iwessak kon ya'lon kon uya tok yentaika màlà, masapùla itepulu yamùk Yepulu mùkkàlà molopai kin yamùk Kinù,” teppù ya.

Revelation 19:1

Sàlà yamùk tùpo eke pe tukkan kon kappon yamùk maimu kasa tùusetasen yetappù uya epùn po, “Katù yapulà! Wepùikattàntok, apulàntok molopai meluntà màlà kùkatùyi kon ponalok!” tukaik.

Revelation 19:16

Ipon pàk molopai ichi pàk esek menukasak wechippù, “Kin yamùk Kinù, molopai itepulu yamùk Yepulu,” tukaik.

Revelation 19:6

Màlàyau yetappù uya eke pe ilinà kappon yamùk maimu kasa tùusetasen, eke tuna melu tàwù kasa, wala'napi wettoippàtù kasa. “Katù yapulàpai. Masapùla Itepulu tewinan, Mùkkàlà neken Meluntà kùkatùyi kon mùkkàlà Kin,” te tok uya.

Revelation 7:12

“Emen! Apulàntok molopai eke pe we'nàtok, pukkeppe we'nàtok, tenki tetok, namantok, meluntà, molopai apàikkek wechi màlà kùkatùyi kon ponaloppe tàwàlàlà molopai tàwàlàlà! Emen!” tukaik.