1 Timothy 1:15 - Patamuna New Testament Revised

¹⁵ Sàlà màlà ailon wa tetok, tanùnsen pe kulu iwechi: Christ Jesus uyàpùppù sàlà wolù yak àliton pùikattàse. Iulà mùkkàlà tok yentai eke pe kulu àli ku'nàippù.

1 Timothy 1:15 ပူးပေါင်းရင်းမြစ်များ

Mark 2:17

Yetasak tùuya pàk, Jesus uya, “Mùkyamlo pàli'yau nai'nannùk mùkyamlo ipittànài iche tùwessen pen. Tùse e'neppe neken nen tùwessan mùkyamlo ipittànài iichelok kon. Wakù ton kà'maik uyàssak pen sàlà, tùse àliton nàkku” teppù.

Luke 19:10

Masapùla Kàyik Mumu uyàpùppù màlà iitassak kon iwase molopai tok pùikattàse,” teppù.

John 12:47

Ànù'là umaimu yetanài molopai yawàlà tùwessen pen kottùma uya pen màlà. Wolù yawon kon kappon yamùk kottùmaik uyàssak pen sàlà, tùse tok pùikattàik.

John 1:12

Tùse tamù'nawolon kon kappon yamùk tanùnnài nan nùssan, molopai tesek pàk ailon tawonnan nùssan lepappù ya apàikkek ke Katù munkà yamùk pe tok wenatoppe.

Luke 5:32

“Wakù ton kappon yamùk kà'mase uyàssak pen sàlà, tok welattà toppe àli kuttok winàpai Katù winàkàik, tùse àli ton làkku,” tukaik.

1 John 3:5

Mùttuyatàik Christ uyàpùppù kappon yamùk makuyi mokkatoppe tùuya, molopai makui pùla iwechi màlà yau.

1 Timothy 1:13

àli pe là nen uselupasak tùpàk tùse, tùtalumattà uya molopai tùmottùnpa uya tùse. Katù usentupappù màlà upàk, masapùla unkupù ittui'ma pùla welaika ikasa kasa pàk molopai ailon te uya pùla lùppù lànen tùse.

Matthew 20:28

Kàyik Mumu uyàpùppù tapyoto ke esse pen màlà, tùse apyoto pe esse, molopai tùwemattok tùse tukkan kon kappon yamùk ye'matoppe tùuya,” teppù Jesus uya.

1 Corinthians 15:9

Masapùla yeunossak kon ma'lan kulu Iulà, molopai yeunossappe yesatù yeselùkek pùla wechi sàlà, masapùla Katù sochiyi talumattàppù uya màlà.

John 1:29

Iwemassak yau John uya Jesus uyàpù tùpyak yeneppù. “Masa yentàk kon! Katù winàpaino mùkkàlà kalinilu mule sàlà wolù yawon kon kappon yamùk makuyi mokkanài.

Matthew 9:13

Itàtàk kon uchi molopai sàlà Katù Maimu nekama pàk esenupatàk kon, ‘Usentuppantok ichelok Iulà kamo tùlù tùpottàsen pe ichelok pen.’ {Hosea 6.6} Masapùla wakù ton tùnamasan kappon yamùk kà'mase uyàssak pen sàlà, tùse àli ku'nàinan làkku kà'maik uyàssak,” tukaik.

Matthew 1:21

Walawoppe iwentu màlà molopai yesettà auya màlà Jesus pe, masapùla tùtonpa yamùk pùikattà ya màlà tok makuyi winàpai,” teppù ya.

Hebrews 7:25

Màlàpàk mùkyamlo Katù piyak tùuyàssan tùwinà pùikattànài kulu mùkkàlà tamù'nawàlà. Masapùla tàwàlàlà tùwemassen mùkkàlà Katù pawanattàtoppe tùuya tok pàkànsau.

1 Timothy 4:9

Sàlà màlà ailon wa tetok, tanùnsen pe kulu iwechi.

Romans 5:6

Masapùla attu'mùla ipùikattànài pùla we'nà'nokon yau, Christ welikùppù màlà àli ton ponaloppe, Katù nanùmùppù ikuttok tùuya yattai pe yattai.

1 John 3:8

Ànù'là tùmakuyi yau nai'nùk wechi màlà Makui ponaloppe, masapùla Makui wemakuimasak màlà iwepyattà motapai. Katù Mumu uyàpùppù màlà sàlà pàkànsau, Makui wotokoyi mattanùsse.

1 Timothy 3:1

Sàlà màlà ailon mayin. Kàyik wechi sochi yesappe kulu eppai yau, iwalai wakù wotoko iche iwechi màlà.

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

Revelation 22:6

Màlàyau inchelù uya upàk, “Sàlà mayin yamùk màlà ailon molopai ailon tetok ipàk. Molopai Itepulu Katù, mùkkàlà Takkwalù tùnài tùmaimu yenpoikannan piyak uya tùyinchelùyi yeunokoppù tapyoto yamùk pàk sàlà pe'ne là tùwekkupù woton yekamase,” teppù.

Revelation 5:9

Tok uselenpappù emennak elen pàk: “Wakù pe messaik sàlà kaleta yekkwa'nài yeppe, molopai yachittok yamùk ikkwà'nài pe. Masapùla àwànàppù màlà, molopai àmùnù winà kappon yamùk ye'mappù auya man Katù ponaloppe, tamù'nawolon kon kappon yamùk kùlottapai, tùpatalo'nan kon imaimu, tùpatalo'nan kon ikkok, molopai tùpatalo'nan kon kappon yamùk.

Titus 3:8

Sàlà màlà ailon kulu uselupantok. Sàlà yamùk pàk meluntà peiwa euselupa iche wessaik, mùkyamlo Katù pàk ailon tawonnan wettoppe tùweyu kon tùnàinan pe wakù wotoko kuttok yak. Sàlà yamùk màlà wakù, kappon yamùk napulà pe iwechi.

2 Timothy 2:11

Sàlà màlà ailon kulu wa tetok: “Weli'nàsak kù'nokon ipokonpe yau, wema'nà'nokon nàlà màlà ipokonpe;

Yeunossak kon Wotokoyi 3:26

Màlàpàk Katù uya wapiya tapyoto wuluukappù weli'nàtok yapai molopai yeunokoppù apyakù'nokon, àpùlemase' nokon, tewinpà'ne ewelattà kon pa àli kuttok auya'nokon winàpai,” teppù Peter uya.

John 3:36

Ànù'là Imu pàk ailon tawon uya, tàwàlàlà wema'nàtok yepolo màlà. Tùse ànù'là Imu nulunpanài uya wema'nàtok yene pen màlà, tùse Katù we'naikatok wechi ipo tàwàlàlà.

Revelation 21:5

Màlàyau mùkkàlà chichiu pe tùwessen aponnok po uya, “Molopai nen uchi sàlà pe tamù'nawolon koneka uya sàlà emennappe!” “Sàlà imenukakà, masapùla sàlà mayin màlà ailon molopai ailon tetok ipàk,” teppù ya nàlà.

1 John 5:11

Sàlàichi màlà yekamatok: Katù uya lepannàsak kù'nokon màlà tàwàlàlà wema'nàtok ke, molopai sàlà wema'nàtok màlà kùponalok kon Imu Jesus yau.

1 Timothy 1:19

ailon tetok auya eyewan yau nechii molopai tùwanmùla eyewan yau ewettok molo nechii. Tùulon kon wechippù ailon tetok tùuya'nokon maimu yawàlà pùla man molopai ailon tetok tùuya'nokon mattanùssak tok uya.

Matthew 18:10

“Tùttuik mettàik pùsamlo echikili ton kupù auya'nokon eyewanmakonpe tukaik. Tekamayaik àpàkù'nokon, tùyinchelùyi kenan kon mùkyamlo epùn po, tok inchelùyi yamùk mùkyamlo tàwàlà Ukàipùnù yenpata yennàinan epùn po.

Yeunossak kon Wotokoyi 11:18

Sàlà yetasak tùuya'nokon yau, tok uya pokonomantok tùuya'nokon yeleutanùpùppù, molopai Katù yapulàppù tok uya, “Katù uya nàlàichi Jew yamùk pen lepasak man, tok welattàtok tùmakuyi kon winàpai Katù winàkàik yattai ke molopai tok wematoppe!” tukaik.

Yeunossak kon Wotokoyi 11:1

Yeunossak kon molopai ailon tawonnan Jesus pàk Judea yawolon kon uya yetappù Jew yamùk pen uya nàlà Katù Maimu yanùnsak.

Luke 15:2

Pharisee yamùk molopai Law pàk enupannan tawonnan wessa'molùkappù màlà tùusàulàma kon pàk, “Pùsàlà mùkkàlà kàyik àli ku'nài nan yanùnnài molopai tùuta'lettàsen tok pokonpe!” tukaik.

Romans 11:14

Masapùla utonpa yamùk ànkùlùmàlunpapa wessaik tok wepùikattàtoppe.

1 Timothy 6:13

Eyekamappo uya sàlà umaimu yawàlà ewechi pa Katù yemloto po, wema'nàtok tùnài tamù'nawolon yà'làlà yak yemloto po, molopai Christ Jesus, Pontius Pilate yemloto po wakù yekamanàippù yemloto po:

Matthew 18:11

[Masapùla Kàyik Mumu uyàpùppù màlà iitassak kon pùikattàse.]