1 Peter 5:9 - Patamuna New Testament Revised

⁹ Ailon tetok auya'nokon yau meluntà pe ettàk kon molopai Makui, inulunpatàk kon, masapùla mùttuyatàik àtonpa kon yamùk ailon tawonnan sàlà non po wettalumattà sàlà yekkwa yau akasa'nokon.

1 Peter 5:9 ပူးပေါင်းရင်းမြစ်များ

Luke 22:32

Tùse wàpùlemasak man àpona Simon, ailon tetok auya wechi attu'mùla tukaik. Ewennapposak upyak yau, àtonpa yamùk mùmeluntàlùnpaik,” teppù Jesus uya.

John 16:33

Sàlà yamùk yekamappù uya màlà àpàkù'nokon, àwàlàkatok kon yesappe ewechi kon pa uyau. Sàlà wolù yau ewettalumattà kon màlà. Tùse emeluntàtatàk kon! Wolù yentaikasak uya man,” teppù Jesus uya.

Yeunossak kon Wotokoyi 14:22

Tok uya ailon tawonnan Jesus pàk meluntàpappù miyaiwa tok wettoppe ailon tetok tùuya'nokon pàk. “Utànnù'nokon màlà tukke wettalumattàntok yawàlà Katù wettok itepulu pe yak wewonàtok kon pe,” .

1 Corinthians 10:13

Tamù'nawolon ittuntok ewinàkàik nùyàssai'nùk màlà tuulon kon kappon yamùk winàkàik tùuyàssen yekkwa. Tùse Katù mùkkàlà ikupù tùuya teppù tùuya lùppù ku'nài. Molopai emeluntàlù yentai kulu là eyittutok uyàttoppe àpona ikupù ya pen màlà. Molopai i'nai kasa là eyittutok yamùk winàpai ewepetok yawà woton yekama ya màlà.

Ephesians 4:27

Makui, kù'lepatàu yà'làlà kuttok ya yattai ke.

Ephesians 6:16

Tàwàlàlà ailon tetok yatàk kon awapu kon pe. Màlà ke tamù'nawolon pàlàu yamùk ulenpansak, Ene Makui uya pukantok yà'nùpù kon pa.

Colossians 2:5

Masapùla apyau'nokon pùla lànen wechi tùse, uyakkwalù yau apyau'nokon wessaik. Utauchinpayaik mùkussatài'nùk wechi wakù pe pàk. Molopai ailon tetok auya'nokon Christ pàk wechi meluntà pe pàk.

1 Thessalonians 3:3

Sàlà yamùk talumattàntok pe nai’nùk winà ewennappo kon tukaik. Ittu auya’nokon màlà màlà yekkwa ton wettalumattàntok wechi molo Katù yeselu pùkkù pe kùponalok kon pe.

1 Timothy 6:12

Wakù pe epanta'makà ailon tetok auya yau meluntà pe ewechi pa, molopai tàwàlà wema'nàtok yepokà àponalok pe; masapùla sàlà wema'nàtok yak màlà Katù uya àkà'mappù “Ailon tawon Iulà ” tesak auya yau, tukkan kon yetannan yemloto po.

2 Timothy 3:12

Tamù'nawolon kon wakù pe emappaino Christ Jesus ponaloppe wettalumattà màlà.

2 Timothy 4:7

Unùttu kussak uya man aitun pe utàntok yau, utàsak man tenuka'nùsse, ailon tetok uya kussak uya man.

Hebrews 11:33

Ailon tetok yai tok uya eke ton pata yamùk panta'mappù molopai yentaikappù tok uya. Ikasa nai'nùk kupùppù tok uya molopai ikupù tùuya teppù Katù uya yepoloppù tok uya. Palauya yamùk mùta yamùk yakkoloppù tok uya.

Hebrews 12:8

Atalumattàsak kon tamù'nawolon kon imunkà yamùk pokonpe pùla iwechi yau, imunkà pe pùla ewechi kon màlà. Tùse yapàka yamùk pe làkku.

James 4:7

Katù yemyak uchi ettùtàk kon. Makui, inulunpatàk kon, molopai iwepe màlà ewinàpai'nokon.

1 Peter 1:6

Atauchinpatàk kon sàlà pàk, malalà eusewankono'ma kon pe iwechi sàlà pe tùse, yattai pùla là tukkan ittuntok yau ewettalumattài'ma'nokon kon.

1 Peter 2:21

Sàlà màlà Katù uya àkà'mappù kon yak; masapùla Christ wettalumattàppù àponalok kon pe pàk iwettalumattàtok winà eusenupa kon pa molopai itta ye'mappù yawàlà àutà kon pa.

1 Peter 3:14

Tùse ewettalumattà kon iwalai kupù lànen auya'nokon yau, atauchinpatàk kon! Kappon yamùk pàk kesenalippatàu, molopai kataimelunpatàu.

1 Peter 4:13

Tùse làkku atauchinpatàk kon masapùla Christ wettalumattàppù kasa ewettalumattà kon pàk, autauchinpa kon pa eke pe kulu itakkwayi usenpoikasak yau.

Revelation 1:9

Iulà mùkkàlà John, àtonpa kon, molopai Jesus ponalok Iulà àpokon pan kon, wettalumattàntok yau molopai pàlikantok yau itepulu pe iwettok yau. Pata lùkkwà tuna iwoino Patmos po wechippù màlà masapùla Katù Maimu molopai ailon Jesus nenpoikappù yekamasak uya pàk.

Revelation 6:11

Tamù'nawà tok lepappù màlà aimu'nan pon ke. Molopai tok pàk yekamappù tok wàlàkkattoppe malalà tu'ma, tamù'nawolon kon tok tonpa lùssan molopai apyoto ton nùssan tùwàsan pe tùwessan, tùkka, tok tùkkappù kasa ponalà.”

Revelation 7:14

“Ewai'nan, tùse mùttuyaik nen,” tukaik imaimu yeikuppù uya. Molopai umaimu yeikuppù ya. “Pùsamlo kappon yamùk mùkyamlo eke talumattàntok yawàlà iyàssak kon. Tùpon kon kukasak tok uya màlà nai'nùk, molopai aimu'ne tok uya imasak Kalinilu Mule mùnù ke.