1 Peter 5:6 - Patamuna New Testament Revised

⁶ Màlàpàk uchi àsà'mùla àsà pe pùla enatàk kon, Katù yemyatù meluntàlù yo'no, ayanùntokkonpe ya màlà wakù tùweyu yattai.

1 Peter 5:6 ပူးပေါင်းရင်းမြစ်များ

Matthew 23:12

Molopai ànù'là eke pe tùwekkussen yàssà'mùntanùpù màlà, molopai ànù'là àssà'mùla tùwessen ma màlà eke pe,” tukaik.

Luke 1:52

Eke ton, kin yamùk, nuttàppù ya tok yapon poi, molopai entuppa'nokon yanùmùppù ya.

Luke 14:11

Masapùla ànù'là eke pe tùwekkussen ma màlà àssà'mùla, molopai ànù'là àssà'mùla tùwessen ma màlà eke pe,” teppù Jesus uya.

Luke 18:14

“Tekamayaik àpàkù'nokon, pùsàlà kàyik, pùlayatta pili'nài, wemeichak wechippù màlà ikasa Katù pokonpe iwekonekasak pe. Tùse tùulon wechippù màlà iwekonekappù pùla. Masapùla tamù'nawolon kon eke pe tùwekkussan ma màlà àssà'mùla, molopai tamù'nawolon kon àssà'mùla tùwessan ma màlà eke pe,” teppù Jesus uya.

Romans 5:6

Masapùla attu'mùla ipùikattànài pùla we'nà'nokon yau, Christ welikùppù màlà àli ton ponaloppe, Katù nanùmùppù ikuttok tùuya yattai pe yattai.

1 Corinthians 10:22

Itepulu kùlùmàpaiche ka' we'nà'nokon nai'nùk lù? Meluntà pe ka' itentai we'nà'nokon nai lù?

1 Timothy 2:6

Iwettùsak lùppù tamù'nawolon kon kappon yamùk pùikattàtoppe tùuya. Sàlà ichi màlà Katù nenpoikappù wolù yawon kon nùttu pe iwekkuttok yattai tok wepùikattàtoppe.

Titus 1:3

molopai iwalai iweyu yattai màlà yenpoikappù ya Wakù Itekale tekale yau. Sàlà tùlùppù màlà uyemyak, molopai yekamanài Iulà, Katù kùpàikattànài'nokon uya enupantok yawàlà.

James 4:10

Àsà'mùla, àsà pe pùla, enatàk kon Itepulu yemloto po molopai ayanùmù kon ya màlà.

James 4:7

Katù yemyak uchi ettùtàk kon. Makui, inulunpatàk kon, molopai iwepe màlà ewinàpai'nokon.

James 5:10

Utonpa yamùk, Katù Maimu yenpoikannannùsan Itepulu yesek yau ittutàk kon. Eyenu kon yappolù pe tok nechii. Tùusetakkaik pùla tok wechippù tùwettalumattàtok kon yawàlà lànen kan.