1 Peter 5:5 - Patamuna New Testament Revised

⁵ Màlà kasa làma, amyamlo masalok kon umoine ton esenupatàk kon kàyik yamùk lùiwa winàpai. Molopai tamù'nawolon kon àsà pe pùla ettàk kon, ànù'là kappon pùikattà kon pa; masapùla, “Katù mùkkàlà ànù'là kappon yentai pe tukaik tùwekkussen itewanma, tùse wakù pe we'nàtok tùwinàpaino tùnài àsà'mùnon piyak,” {Pro3.34}

1 Peter 5:5 ပူးပေါင်းရင်းမြစ်များ

Luke 22:26

Tùse sàlà kasa pùla ewechi kon màlà. Tùse làkku mùkkàlà eke kulu nechiik elekkwà a'mippà kasa àkklottau'nokon molopai kappon yamùk yennài nechiik apyoto kasa.

Romans 12:10

Echi'nùnmatàk kon eke pe tùuchinùnmaik we'nà Christ yau yenpoika pe kulu, molopai àtonpa kon tùnamaik ettàk kon.

Romans 13:14

Tùse Itepulu Jesus Christ ke epontàtàk kon, molopai àli ànkuppai ewettok kon yeselu pàk tùusenumenkaik molopai yawàlà kettàu.

Ephesians 5:21

Àtonpa kon yo'no echittutàk kon ànùk yentai pùla, Christ namatok auya'nokon yau.

Philippians 2:3

Amlek pe kettàu. Tùulon kon yentai wakù peiwa ewekkupùiche'nokon kettàu. Àssà'mùla ettàk kon, tùulon kon yentai tùuchittuik pùla.

Colossians 3:12

Katù uya à'nùnma kon màlà molopai tùponalok kon pe kulu ayanùnsak kon ya. Màlàpàk esuken emattàk, tùusentuppaik, wakù pe, àssà'mùla, tenpe, molopai pàlikanài nan pe.

1 Timothy 5:1

Kàyik eyentaino kùsàulàmai, tùse yekamappokà àkàipùnù yekamappo auya kasa. Umoine ton ikukkà ayakon non kasa,

Hebrews 13:17

Eyepotolù kon yamùk maimu yawàlà ettàk kon molopai tok uya enupantok ikuttàk. Eyene kon pàk tùwessan mùkyamlo, masapùla Katù pàk tùwotokoyi kon lùppù yekale yekama tok uya. Tok maimu yawàlà ewechi kon tok tewankono'maik pùla yau, tùwotokoyi kon kupù tok uya màlà tùutauchinpaik. Wapùla iwechi yau àpùikattàkon tok uya pen màlà.

James 4:6

Tùse wakù pe we'nàtok Katù winàpaino màlà meluntà kulu. Masapùla Katù Maimu uya, “Katù mùkkàlà tùtonpa yentai pe tukaik tùwekkussen iteyaton, tùse wakù pe we'nàtok tùwinàpaino tùnài àssà'mùnon àsà ton pen piyak,” te pàk.

1 Peter 3:8

Màlàyau sàlà yekama uya àpàkù'nokon: tamù'nawàlà tewin usenumenkantok yesappe mettàik molopai ekkaichalà usentupantok tùulon kon pàk; ànù'là kappon i'nùnmatàk kon àtonpa kon kulu pùnùnma auya'nokon kàsa, molopai tùusentuppasen pe ettàk kon molopai àsà'mùla, àsà pe pùla ànù'là kappon pokonpe.

1 Peter 4:1

Christ wettalumattàppù màlà talà non po màlàpàk uchi iwettalumattàppù kasa ewettalumattà kon pa ekonekatàk, tùwettalumattàtok pàlikasak ya àponalok kon pe pàk, masapùla ànù'là tùtalumattàtok yanùnnài weleutasak màlà àli kupù tùuya winàpai.

1 Peter 4:5

Tùse tok uya yeitok tùuya'nokon tùlù màlà Katù piyak, iwekonekasak nai'nùk nulà nan kon molopai iwelichak kon ittutoppe tùuya.