1 Peter 5:12 - Patamuna New Testament Revised

¹² Sàlà tokwenan kaleta menuka uya sàlà Silas uya upùikattà winà, ailon kulu utonpa pe unkupù. Emeluntàpapai'nokon wessaik molopai uselupatok tùlù uya sàlà ailon wakù pe we'nàtok Katù winàpaino pàk. Yau ettàk kon.

1 Peter 5:12 ပူးပေါင်းရင်းမြစ်များ

John 21:21

Yensak tùuya yau, Peter uya Jesus pàk, “Itepulu, yà'là kasa nen pùsà kàyik wechi?” teppù.

Yeunossak kon Wotokoyi 11:23

Tùwelepansak yau molopai Katù wettok wakù pe yensak tùuya yau itauchinpappù, molopai tamù'nawàlà tok panamappù ya, ailon pe tok wettoppe Itepulu Jesus pàk tamù'nawàlà tewan kon ke.

Yeunossak kon Wotokoyi 15:22

Màlàyau yeunossak kon, molopai eke ton tùnamasan yamùk, usenumenkappù tamùkke sochi tawon kon pokonpe kàyik yamùk yanùmù pàk tùklottapai'nokon molopai tok yeunottoppe Antioch pona Paul molopai Barnabas tawonnan ya'là. Tok uya Judas, Barsabbas tukaik tesassen, molopai Silas tawonnan, asa'lon kon kàyik yamùk tùnamasan kulu ailon tawonnan nùnama ton yanùmùppù.

Yeunossak kon Wotokoyi 20:24

Tùse wemattok tùkussaik yà'là pe pùla là, uwotokoyi yenuka'nùttoppe uya, molopai wotoko Itepulu Jesus uya ulepatok unkupùpe kutoppe uya, màlà Wakù Itekale tekamasen wakù pe Katù wettok yekama toppe uya.

Romans 5:2

Ailon tetok winà kùnessak kon ya sàlà, wakù pe Katù wettok yak, yau we'nà'nokon nai'nùk sàlà pe yak. Tùutauchinpasan kùmyamlo enpen we'nàtok, Katù yapulàtok pùkkù pe we'nà'nokon pàk!

1 Corinthians 15:1

Utonpa yamùk eyenu kon anappontàpai wessaik Wakù Itekale unekamappù lùppù àpàkù'nokon pàk, ananùmùppù kon lùppù, molopai ailon tetok auya'nokon wettok meluntà pe ipàk.

2 Corinthians 1:19

Masapùla Jesus Christ, Katù Mumu, yekamasak lùppù àpàkù'nokon Silas, Timothy, molopai Iulà tawonnan nekamappù, mùkkàlà “Ewaik” molopai “Kane” tetok pen. Tùse làkku “Ewaik” mùkkàlà tàwàlàlà.

2 Corinthians 1:24

Ailon tetok auya'nokon ipàk woton yekamaiche eyepulu kon pe ina wechi pen sàlà. Autauchinpatok kon ponaloppe làkku ina we'wotokoma sàlà àpokonpe'nokon, meluntà pe ewechi kon ailon tetok yau pàk.

Ephesians 3:3

Katù uya tùttusen pen tùnkupù yenpoikappù molopai yekamappù ya upàk. Sàlà pàk uselupappù malalà emenuka kon uya wapiya.

Ephesians 6:21

Tychicus, kù'nùn, kùtonpa kon molopai ailon kulu apyoto Itepulu wotokoyi yau uya, elepa kon màlà tamù'nawolon uyekale ke, atta wechi molopai yà'là kupù uya ittu kon pa.

Colossians 1:7

Sàlà ittuppù auya'nokon Epaphras ina tonpa, ina pùnùn kulu, ina we'wotokoma Christ ponaloppe tonpa winàpai, ailon pe kulu tùusetakkaik pùla tùwe'wotokomasen àpàkànsau'nokon.

Colossians 4:7

Kùtonpa kon kulu Tychicus, tùusetakkasen pen apyoto molopai Itepulu Jesus wotokoyi yau we'wotokoman tonpa uya, tamù'nawolon uyekale yekama màlà àpàkù'nokon.

Colossians 4:9

Ya'là Onesimus nùtàyan, wakù tùusetakkasen pen tonpa wannà kù'nùn molopai ailon, àtonpa kon. Tok uya tamù'nawolon talà nekussai'nùk yekama màlà àpàkù'nokon.

1 Thessalonians 1:1

Sàlà màlà Paul, Silas, molopai Timothy tawonnan winàpaino. Kappon yamùk Thessalonica pon sochi tawon kon Katù Kùkàipùnù molopai Itepulu Christ Jesus ponalok kon piyak imenukasak: Tàwà wakù pe Katù wettok molopai echitonpa pe we'nàtok iwinàpaino àponalok kon pe nechii.

2 Thessalonians 1:1

Sàlà màlà Paul, Silas molopai Timothy tawonnan winàpaino, kappon yamùk Thessalonica pon kon sochi tawon kon, Katù Kùkàipùnù kon molopai Itepulu Jesus Christ ponalok kon piyak imenukasak.

Hebrews 13:22

Utonpa yamùk sàlà tokwennan kaleta menukasak uya man apyakù'nokon emeluntàpanài'nokon pe, màlàpàk tùusetakkaik pùla kulu metatàik.

1 Peter 1:13

Màlàpàk uchi eusenumenkatok kon tùwekonekaik nechiik. Elanneppe kulu ettàk kon, molopai enpen ewettok kon ittùtàk kon tamù'nawàlà wakù Katù winàpaino pàk elepatok ike woton Jesus Christ usenpoikasak yau.

1 Peter 4:10

Tàwà tamù'nawolon kon tùlepatok tùnepoloppù kon Katù winàpai yapulài tùtonpa kon pùikattàtok tùuya'nokon iwinà pe, wakù ton Katù uya lepantok tùpatalà'ne nai'nùk yesappe.

2 Peter 1:12

Sàlà kasa iwechipàk eyenu kon yappontà pàk wechi màlà tàwàlà sàlà yamùk pàk, ittukassak lànen auya'nokon tùse, molopai ewekonekasak kon meluntà pe ailon ananùmùppù kon yau tùse.

2 Peter 2:15

Tok uya tossalon asanta nànsak màlà molopai tok utassak; tok uya asanta Balaam, Beor mumu, nanùmùppù lùppù yanùnsak màlà. Pùlayata iwakùli mùkkàlà àli kupù tùuya winà inepolo,

3 John 1:12

Tamù'nawolon kon mùkyamlo Demetrius pàk tùselupassan wakù pe, masapùla ailon pe kulu iwechi pàk. Molopai ina nàlà ailon mùkkàlà nùkayan; molopai ina nùselupayai'nùk wechi ailon pe mùttuyaik.

Jude 1:3

Utonpa yamùk, tùusenumenkaik kulu kaleta menuka pàk wekkupùppù apyakù'nokon wepùikattàntok Katù nùtùlùppù kùponalok kon pe nai'nàk pàk, tùse emenuka uya làkku sàlà eumeluntàta kon pa ewepanta'ma kon pàk ewechi kon pa ailon tetok ipàk pàkànsau tewin itekkwa neken molopai tamù'nawolon pe Katù uya tùponalok kon lepatok ike.