1 Peter 4:9 - Patamuna New Testament Revised

⁹ Àtonpa kon yewonnùttàk àwùk kon tak tùusàulàmaik pùla.

1 Peter 4:9 ပူးပေါင်းရင်းမြစ်များ

Romans 12:13

Yà'làlà pùla nai'nannùk Katù munkà tùmainanpaik ettàk kon, molopai kaklan yamùk yewonnùttàk àwùk kon tak.

Romans 16:23

Gaius, itùwùk tau wessai'nùk molopai mùkkyamlo sochi pàk tùwepilichan itùwùk tak, “Wakù pe na' messatàu?” tetok tùuya'nokon yeunossan. Erastus, pata pùlayattayi yesak, molopai Quartus kùtonpa kon tawonnan, “Wakù pe na' messatàu?” tetok tùuya'nokon yeunossan apyakù'nokon.

2 Corinthians 9:7

Tàwàichi tamù'nawolon kon ne'lepai tùusenumenka kasa, tùusewankono'maik pùla wapùla eyeka'nonka kon pàk pùla. Masapùla Katù mùkkàlà tùutauchinpaik tùwe'lepasen pùnùnmanài.

Philippians 2:14

Tamù'nawolon ikuttàk kon, tùusàulàmaik pùla wapùla tùwesseippàsse pùla.

1 Timothy 3:2

Sochi yesak wechi màlà àli pe ipantomù pùla, tewin neken inoppù, tùttuik tùwemassen pe, wakù pe itesek, wakù pe kakklan yamùk pàk tùwessen pe tùwùk tau, enupanài yeppe nàlà.

Titus 1:8

Tùutauchinpaik kappon yamùk yanùnnài pe tùwùk tak molopai màlà wakù pe nai'nùk pùnùnmanài pe. Tesak yepulu pe tùwemassen pe yà'làlà àli ànkuppai tùwettok winàpai, ikasa, wakù pe Katù yenu yau, molopai tùttuik tùwemassen pe.

Philemon 1:14

Eyeka'nonkapai pùla kan wessaik tà upùikattà pa, tùse eyiwalà làkku ikupù auya iche wessaik. Màlàpàk yà'làlà kupù uya pen sàlà, “Ewaik,” te auya ponalà.

Hebrews 13:16

Wakù kuttok uchi auya'nokon kùpputtàka'nùttàu molopai àtonpa kon pùikattàtok auya'nokon, masapùla sàlà yamùk yekkwa tùtùsan wechi màlà Katù yauchinpanài pe.

Hebrews 13:2

Tùutauchinpaik kakklan yamùk yanùntok auya'nokon àwùk kon tak kùpputtàka'nùttàu. Màlà kasa tùwechi kon yau màlà tùulon kon uya inchelù yamùk yanùmùppù ittupe pùla.

James 5:9

Kàsàulàmatàu àtonpa kon winàkàik, utonpa yamùk, atalumattà kon tukaik. Talumattànài mei pùla man, iwekonekasak tùusenpoikatoppe.