1 Peter 4:7 - Patamuna New Testament Revised

⁷ Tamù'nawolon yà'làlà wenukattok yattai mei pùla man. Eyesak kon pe ettàk kon, molopai enpen ettàk kon, àwàpùlema kon pe.

1 Peter 4:7 ပူးပေါင်းရင်းမြစ်များ

Matthew 24:42

Enpen uchi ettàk kon! Masapùla yà'là yattai Eyepulu kon uyàpù ittu auya'nokon pùla man.

Matthew 25:13

“Enpen uchi ettàk kon, masapùla Kàyik Mumu uyàttok weyu ittu auya'nokon pùla man,” teppù Jesus uya.

Luke 21:34

“Enpen uchi ettàk kon! Eke pe uta'lettàntok molopai wetùnnàtok pàk kettàu, molopai salà motau wema'nàtok pàk utaimelunpantok ke kanùttàu, yattai pùla màlà wei uyàpù màlà àpona'nokon asse'ne ittu auya'nokon pùla male kasa.

Luke 21:36

Enpen ettàk kon molopai àpùlematàk kon tàwàlà, meluntà pe ewechi kon pa sàlà yamùk wekkupù yawàlà àutà kon yau, molopai Kàyik Mumu yemloto po àwà'mùssakka kon pa,” teppù Jesus uya.

Luke 22:46

Molopai Jesus uya tok pàk, “Yà'là peichi iwechi pàk mewe'nùnyatàu? E'wuluukatàk kon molopai àpùlematàk kon ittuntok yak ewettùlù kon tukaik,” teppù ya.

Romans 12:12

Tàwà enpen ewettok kon àkuttàu tùutauchinpaik, ewettalumattàtok kon ipàlikatàk, molopai àpùlematàk kon tàwàlà.

1 Corinthians 15:24

Molopai nen uchi pata wenukattok uyàpù màlà, Katù Tùkàipùnù yemyak itepulu pe we'nàtok tùlù ya, tamù'nawolon epulu ton molopai apàikek ton molopai meluntà ton mattanùpùppù tùuya ye'mappùtak.

1 Corinthians 7:29

Utonpa yamùk, tokkwen pata weyu man te uya nai'nùk. Sàlà motapai tàwà tùnoppù kenan kon wemapù màlà ipla tùwechi kon kasa.

Ephesians 6:18

Àwàpùlema kon yau sàlà yamùk ikuttàk kon tamù'nawàlà Katù uya, pùikattàntok yennai'ma. Tàwàlàlà àpùlematàk kon Wakù Akkwalù meluntàlù yau. Màlàpàk tùwekonekaik ettàk kon. Ke'nonkatàu, màpùlematàik tamù'nawolon kon Katù ponalok kon kappon yamùk pona.

Philippians 4:5

Wakù pe, àsà pe pùla mettàik tamù'nawolon kon pàk, Itepulu uyàpù màlà sàlà pe'nelà.

Colossians 4:2

Màpùlematàik tàwàlàlà. Enpen mettàik àwàpùlema kon yau, tenki teima Katù pàk.

2 Timothy 4:5

Tùse tùuchittuik ekkà; ewettalumattàtok ipàlikakà, Wakù Itekale yekamanài wotokoyi ikukkà, molopai wakù pe àwotokoyi ikukkà tamù'nawolon yau.

Titus 2:12

Màlà wakù pe we'nàtok màlà enupanài àli pe Katù winàkàik wema'nàtok nonkatoppe, molopai wolù yeselu ànkuppai we'nàtok nonkatoppe, molopai tùttuik tùwemassen pe, ikasa, wakù pe wema'nàtok Katù tùnamaik molopai tapulàik iwemattok pe sàlà non po,

Hebrews 10:25

Wepili'nàtok tamùkke nonka'nokon kùsettak, tùulon kon nùkussai'nùk kasa. Tùse làkku, we'meluntàpanpai'nokon man eke peiwa, masapùla yene'nokon man Itepulu Weyu uyàpù mei pùla.

Hebrews 9:26

Màlà kasa iwechi yau, iwettalumattàppù sàlà epaino tukke itekkwa wolù wekonekappù motapai. Tùse làkku ichenpoikappù màlà tewin itekkwa neken, màlà wei wenukattok yattai tùwettùlù winà kappon yamùk makuyi winàpai tok pùikattàse.

1 Peter 1:13

Màlàpàk uchi eusenumenkatok kon tùwekonekaik nechiik. Elanneppe kulu ettàk kon, molopai enpen ewettok kon ittùtàk kon tamù'nawàlà wakù Katù winàpaino pàk elepatok ike woton Jesus Christ usenpoikasak yau.

1 Peter 3:7

Amyamlo nàlà tùnoppù kenan kon walawotichi yamùk, ànoppù kon piyau ewemapù kon yau, mùttutàik tok wechi attu'mùnon peiwa, màlàpàk tok kùttalumattàtàu namantok yenpoikatàk kon tok pàk; masapùla tok uya nàlà tamùkke àpokonpe'nokon, Katù uya lepantok wema'nàtok ke yanùmù màlà. Sàlàichi ikuttàk kon àwàpùlematok kon wakàttù yà'làlà uya tukaik.

1 Peter 5:8

Tùttuik ettàk kon enpen ettàk! Masapùla eyeyaton kon, Makui, tùusalà pàk man, tùtàwùsen palauya kasa, ànù'là iwa pàk tùneuno'ma woton.

Revelation 16:15

“Yentàk kon! Uyàssaik amak kasa! Tùutauchinpasen mùkkàlà kappon tùwe'nùnsen pen molopai tùpon mainanpanài, ipon pùla tùusalà molopai tùwekuli'ma ayupo kappon yamùk yemloto po tukaik!” teppù ya nàlà.