1 Peter 4:10 - Patamuna New Testament Revised

¹⁰ Tàwà tamù'nawolon kon tùlepatok tùnepoloppù kon Katù winàpai yapulài tùtonpa kon pùikattàtok tùuya'nokon iwinà pe, wakù ton Katù uya lepantok tùpatalà'ne nai'nùk yesappe.

1 Peter 4:10 ပူးပေါင်းရင်းမြစ်များ

Matthew 20:28

Kàyik Mumu uyàpùppù tapyoto ke esse pen màlà, tùse apyoto pe esse, molopai tùwemattok tùse tukkan kon kappon yamùk ye'matoppe tùuya,” teppù Jesus uya.

Matthew 24:14

Molopai sàlà Wakù Itekale itepulu pe we'nàtok yekale yekama màlà tamù'nawàlà wolù yawàlà pata yamùk yawolon kon pàk, molopai nen uchi iwenukatok uyàpù màlà,” teppù Jesus uya.

Matthew 24:21

Masapùla màlà yattai wettalumattàntok wechi màlà àsà peiwa kulu, pena pata wepyattàppù motapai sàlà wei tepose wettalumattàntok wechippù yentai. Molopai màlà yekkwa tu'ma wechi molo pen màlà.

Matthew 24:45

“Ànùk ken uchi mùkkàlà ailon molopai pukkek apyoto itepulu nùtùlùppù tùwùk tawon kon yepoi, tok yeipattàtoppe ya iwalai iweyu yattai?

Matthew 25:17

Màlà kasa làma asa'là yekkwanàippù uya asa'là làma yepoloppù.

Matthew 25:44

Màlàyau nen uchi tok uya yeiku màlà. ‘Uyepulu, yà'là yattai ken uchi awapàkkassak yeneppù ina uya, wapùla ewe'naklipasak là, wapùla kakklan pe, wapùla ipon pùla là, wapùla e'neppe, wapùla patikichi tau, molopai ina uya àpùikattàppù pen?’ tukaik.

Mark 10:45

Masapùla mùkkàlà Kàyik Mumu uyàpùppù tapyoto ke esse pen màlà. Tùse kappon yamùk yapyoto pe esse iyàpùppù. Molopai takkwalù tùse tukkan kon kappon yamùk wemokka toppe makui yapai,” teppù ya.

Luke 12:42

Itepulu uya yeikuppù, “Ànùk ken uchi mùkkàlà ailon molopai pukkek apyoto? Mùkkàlà Itepulu nùnonka tapùi yesappe, tapyoto yamùk lepatoppe ya tok yeipa ke itùtok yattai.

Luke 19:13

Pata nàmà tùuya wapiya 10 pan kon tapyoto yamùk kà'mappù ya, molopai tok lepappù ya tewin pàk kolù pun ke, tok pàk, ‘Masa yà'là kaichalà là yepolo auya'nokon sàlà ke upatappù yau mùttutàik,’ teppù ya.

Luke 8:3

Joanna, Chuza noppù, Herod patassek yau tùwe'wotokomasen, Susanna molopai tukke tùulon kon utàppù nàlà. Pùsamlo nossan yamùk, Jesus molopai ya'lon kon yamùk pùikattàn nan nùssan tok yapluli pàk utàppù màlà ya'là.

Romans 15:25

Sàlà pe, utàyaik Jerusalem pona Katù ponalok kon kappon yamùk pùikattàse molo.

Romans 15:27

Màlà kupù pàk tok utauchinpasak wechippù màlà tùyiwalà'nokon. Tùse mùkyamlo yà'là pùnon sa'ne pùikattà nen tok uya màlà, masapùla Jew yamùk uya wakù Katù winàpaino intùlùppù pùkkù pe Jew yamùk pen masak pàk, màlàpàk uchi Jew yamùk pen uya Jew yamùk pùikattà màlà itesappe tùwettok kon ke.

1 Corinthians 15:10

Tùse wakù pe Katù wettok winà wessai'nùppe wechi sàlà nai'nùk, molopai wakù pe iwettok wechippù yà'là woton pe pùla là pen màlà. Ànù'là yeunossak kon yentai lùiwa sa'man pe we'wotokomasak man, Iulà pen tùse, tùse wakù pe Katù wettok upàk we'wotokoma nai'nùk.

1 Corinthians 3:10

Wakù pe Katù wettok uya ulepappù lùppù ike yapulà pe, ittunài kasa tamùsen yapon tùkonekatai molopai tùulon nen uchi màlà pona namùyan. Tùse yamùnnan tàwà tùttuik nechii yà'là kasa yamù tùuya'nokon yau.

1 Corinthians 4:7

Masapùla ànùk ken tùpatalà, tùulon kon yentai ewechi kon pa àkuttantàu? Yà'là ken molo nai itesappe ewettok kon enepoloppù kon pen? Molopai yepolo tùpo yà'là pe iwechi pàk autapulà kon màlà yeponàippù pen kasa.

2 Corinthians 6:1

Tamùkke Katù pokonpe tùwe'wotokoma kon yawàlà ina apawanattàyatàu. Wakù pe we'nàtok Katù winàpaino yanùmù auya'nokon yà'là woton pe pùla là tukaik.

2 Corinthians 9:1

Emenukatok kon uya ipàkànsau pùla man, Katù ponalok kon pùikattàtok pàk.

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

Ephesians 4:11

Mùkkàlà ichi mùkkàlà “kappon yamùk lepanàippù lepantok yamùk ke” tùulon kon kappon yamùk yanùmùppù ya teunossan pe, tùulon kon Katù maimuppù yenpoikannan pe, tùulon kon Wakù Itekale yekamannan pe, tùulon kon sochi yesan pe, molopai tùulon kon enupannan pe.

2 Timothy 1:18

Tàwà Itepulu Jesus nùkupùi usentupantok yepottoppe ya Itepulu winàpai màlà Wei yattai! Molopai mùttuyaik wakù pe yà'là yawàlàlà upùikattàpàtùppù ya Ephesus po.

Titus 1:7

Masapùla Katù wotokoyi yesappe iwechi pàk, sochi yennài wechi màlà ikasa pùla là tùwemassen pe pùla. Yà'làlà ànkuppaino tùyiwalà teselu yau pe pùla iwechi màlà, wapùla asse'ne tùwe'naikasen pe pùla, wapùla tùwetùnsen pe pùla, wapùla àsà pe pùla, wapùla pùlayatta pàk tùuseka'nonkasen pe pùla.

Hebrews 6:10

Katù mùkkàlà ikasa nai'nùk ku'nài. Àwotokoyi kon lùppù puttàka'nùpù ya pen màlà. I'nùnmatok auya'nokon enenpoikappù kon ipemonkono yamùk pùikattà pe molopai tok pùikattà pàk lùppù messatài'nùk.

1 Peter 5:10

Katù tamù'nawolon wakù pe we'nàtok yesak, mùkkàlà uya àkà'masak kon màlà tàwàlàlà takkwayi pùkkù pe ewechi kon pa Jesus Christ yau. Ewettalumattàsak kon malalà tùpo, mùkkàlà uya àkoneka kon màlà ikasa, meluntà pe kulu, molopai àtùlù kon màlà wakù pata tùutamasen pen pona.

1 Peter 5:12

Sàlà tokwenan kaleta menuka uya sàlà Silas uya upùikattà winà, ailon kulu utonpa pe unkupù. Emeluntàpapai'nokon wessaik molopai uselupatok tùlù uya sàlà ailon wakù pe we'nàtok Katù winàpaino pàk. Yau ettàk kon.