1 Peter 3:9 - Patamuna New Testament Revised

⁹ Àli kùsentakanmatàu àli ke, wapùla pa'nù'nàtok pa'nù'nàtok ke; tùse wakù ke làkku yentakanmatàk kon, masapùla wakù pe we'nàtok màlà Katù uya elepa kon tùuya tetok lùppù àkà'masak kon tùuya yau.

1 Peter 3:9 ပူးပေါင်းရင်းမြစ်များ

Matthew 19:29

Molopai tamù'nawolon kon tùwùk kon nànnàinannùssan, wapùla tùlunan yamùk tùpachi ton, wapùla tùkàipùnù kon, tùsan kon, tùmunkà kon yamùk wapùla tù'mà kon nànnàinannùssan upàkànsau uya, 100 pe itekkwa yepolo màlà molopai tàwàlàlà wema'nàtok yepolo ya.

Matthew 25:34

Màlàyau nen uchi Kin uya kappon yamùk tùkamikù pen winon kon pàk, ‘Àittàk kon! Ukàipùnù nùpùlemassan. Àittàk kon itepulu pe ewettok kon patassek yepotanùttàk kon, ikonekasak lùppù àponalok kon pe wolù wekonekappù motapai.

Matthew 5:39

Tùse sàlà pe tekamayaik àpàkù'nokon. Kese'matàu mùkkàlà àli ku'nàippù ewinàkàik pàk. Ànù'là uya kamik pen winà eyenpata yai àwànà kon yau tàwà kamik winà nàlà àwànàik.

Matthew 5:44

Tùse tekamayaik àpàkù'nokon, eyeyaton kon i'nùnmatàk kon, molopai atalumattànnan pona màpùlematàik.

Mark 10:17

Jesus wessalattàkassak tùutà pàk tùse kàyik uyàpùppù ipyak, tese'muyok iwenappù itemlotopo molopai Jesus yekamappoppù ya, “Wakù Enupanài, yà'là kupù uya ken wema'nàtok tàwàlàlà yepotoppe uya?” tukaik.

Luke 10:25

Màlàyau wakù pe kulu law ittunài wà'mùssakkappù Jesus ittu pe yekamappoppù ya. “Enupanài, yà'là kupù uya tàwàlàlà wema'nàtok yepotoppe uya?” tukaik.

Luke 18:18

Jew yamùk yesak uya Jesus yekamappoppù, “Wakù Enupanài, yà'là kupù uya ken tàwàlà là wema'nàtok yepotoppe uya?” tukaik.

Romans 12:14

Atalumattànnan mùpùlematàik wakù ke tok mùpùlematàik tok kùppa'nùttàu.

Romans 12:17

Ànù'là uya àli kupù ewinàkà'nokon yau, àli kùsentakanmatàu àli ke .Wakù pe tamù'nawolon kon nùttu kupùiche mettàik.

Romans 8:28

Masapùla ittu'nokon man tamù'nawàlà yà'làlà yau Katù we'wotokoma, mùkyamlo tù'nùnmannan ponaloppe, wakù wekkuttoppe yai teselu yawàlà, mùkyamlo tùnkà'massan teselu yawàlà ponaloppe.

Romans 8:30

Màlàpàk Katù uya màlà tùnùttussan wapiya kà'mappù. Tok kà'mappù ya neken pen màlà, tuse ikasa nàlà tok yanùmùppù ya tùpokonpe. Ikasa neken tok yanùmùppù ya tùpokonpe pen màlà tùse tùnamatok pùkkù pe nàlà tok kupùppù ya màlà.

Galatians 3:14

Pùikattànsak ya pùlemantok Abraham piyak itùsak lùppù uyàttoppe Jew yamùk pen piyak Christ Jesus winà, molopai kùmyamlo uya Akkwalù itùlù màlà teppù lùppù yanùntoppe ailon tetok yai.

Ephesians 4:32

Tùse làkku tùusentuppaik ettàk kon molopai sa'man pe pùla itewan echiwinàkàik, molopai esentuppatàk kon àpàkù'nokon Katù usentupasak àpàkù'nokon Christ yau kasa.

1 Thessalonians 5:15

Ànù'là uya àli kussak ewinàkài'nokon yentak àli kupù auya'nokon tukaik ittu kon pa. Tùse tàwàlà wakù pe ettàk kon echiwinàkàik molopai tamù'nawolon kon pàk.

Hebrews 12:17

Màlà ye'mappùtak ku, tùkàipùnù uya pùlemantok enepopai tùponaloppe iwechippù tùse inulunpappù. Tùnkupùppù mùyakanmatok tùuya yawà yepolo ya pùla iwechippù, tenu palu ke kulu lànen iwaya tùse.

Hebrews 6:14

“Àpùlema uya màlà molopai elepa uya màlà tukke apayan ke,” teppù ya.

1 Peter 5:10

Katù tamù'nawolon wakù pe we'nàtok yesak, mùkkàlà uya àkà'masak kon màlà tàwàlàlà takkwayi pùkkù pe ewechi kon pa Jesus Christ yau. Ewettalumattàsak kon malalà tùpo, mùkkàlà uya àkoneka kon màlà ikasa, meluntà pe kulu, molopai àtùlù kon màlà wakù pata tùutamasen pen pona.