1 Peter 3:14 - Patamuna New Testament Revised

¹⁴ Tùse ewettalumattà kon iwalai kupù lànen auya'nokon yau, atauchinpatàk kon! Kappon yamùk pàk kesenalippatàu, molopai kataimelunpatàu.

1 Peter 3:14 ပူးပေါင်းရင်းမြစ်များ

Matthew 10:28

Kesenalippatàu mùkyamlo esak wànnan tùse akkwalù wànnan pen pàk. Tùse làkku esenalippatàk kon, Mùkkàlà asakklàma esak molopai akkwalù mattanù'nài apok yau pàk.

Matthew 10:31

Màlàpàk uchi kesenalippatàu, epekkek ton kulu amyamlo kamaliya yamùk yentaino kon!” teppù Jesus uya.

Matthew 10:39

Ànù'là takkwalù ku'nài tùponalok pe uya ilachima màlà. Ànù'là takkwalù lachimanài upàkànsau uya yepolo màlà,” teppù Jesus uya.

Matthew 16:25

Masapùla kappon takkwalù ku'nài tùponaloppe uya ilachima màlà. Tùse kappon takkwalù lachimanài upàkànsau uya yepolo màlà.

Matthew 19:29

Molopai tamù'nawolon kon tùwùk kon nànnàinannùssan, wapùla tùlunan yamùk tùpachi ton, wapùla tùkàipùnù kon, tùsan kon, tùmunkà kon yamùk wapùla tù'mà kon nànnàinannùssan upàkànsau uya, 100 pe itekkwa yepolo màlà molopai tàwàlàlà wema'nàtok yepolo ya.

Mark 10:29

“Ailon kulu sàlà,” teppù Jesus uya tok pàk, “Ànù'là tùwùk nànnàippù, wapùla takon non, tùlunan, wapùla tùwàlichi ton, wapùla tùpachi ton, wapùla tùsan, tùkàipùnù, wapùla tùmunkà yamùk, wapùla tù'mà nànnàippù upàkànsau molopai Wakù Itekale pàkànsau,

Mark 8:35

“Ànù'là tùwemattok ichelok tùyiwalok pe neken uya màlà yenu'masak. Tàwàlàlà iwettalumattà. Tùse ànù'là tùwemattok yenu'manàippù upàkànsau molopai Wakù Itekale pàkànsau uya màlà tàwàlàlà wema'nàtok yepolo.

John 14:1

Jesus uya, “Kesewankono'matàu molopai kataimelunpatàu. Ailon katàk kon Katù pàk, molopai ailon katàk kon nàlà upàk,” teppù.

John 14:27

“Wàlàkka'nàtok nàmà uya sàlà apyau'nokon, uwinàpaino wàlàkka'nàtok tùlù uya eyemyakù'nokon. Sàlà wolù nùtùlù yekkwa pen tùtùyaik. Eyewan kon kùttaimelunpatak molopai kesenalippatàu.

Yeunossak kon Wotokoyi 9:16

Molopai Iulà uya nàlà yekama màlà ipàk tamù'nawolon iwettalumattàtok uponaloppe,” teppù.

2 Corinthians 12:10

Màlà kasa iwechi pàk Christ pàkànsau utauchinpasak man attu'mùla we'nàtok yau pàk, àli pe uselupantok yau, sa'man ton yau, talumattàntok kon yau molopai àsà ton yau. Masapùla attu'mùla wechi yau, meluntà pe nen uchi wechi màlà.

Philippians 1:29

Masapùla elepasak kon màlà Christ Jesus yapyoto pe ewettok kon ke, ailon tetok neken auya'nokon ipàk winà pùla, tùse nàlà ewettalumattàtok kon iponaloppe winà.

James 1:12

Tùutauchinpasen mùkkàlà kappon ailon pe tùwessen ittuntok kùlottawàlà. Masapùla ittuntok yentaika ya yau ilepa màlà wema'nà yalùko ke, e'mantok Katù uya itùlù tùuya tù'nùnmanài nan piyak teppù lùppù ke.

James 5:11

Tùutauchinpasan tukaik tok yesa'nàinan kùmyamlo masapùla tok uya pàlikansak pàk. Job uya pàlikantok yetappù auya'nokon, molopai mùttuyatàik Itepulu uya Job pùikattàppù iwenukapù pe. Masapùla Itepulu Katù mùkkàlà usentuppantok yesak eke pe.

1 Peter 3:6

Sarah wechippù màlà kasa: Abraham maimu yawàlà iwechippù molopai yesatùppù ya “Uyepulu,” tukaik. Amyamlo ichi mùkyamlo imunkà yamùk wakù kupù auya'nokon yau molopai yà'làlà pàk eusenalippa pùla ewechi kon yau.