1 Peter 2:8 - Patamuna New Testament Revised

⁸ Molopai, “Sàlà màlà tàk kappon yamùk wettatai'matok iwinà woton, tàk tok kawai'ma woton,” teppù. {Isa 8. 14} Tok wettatai'ma màlà masapùla ailon tesak tok uya Katù Maimu pàk pùla iwechi pàk, màlàichi Katù yeselu tok ponalok.

1 Peter 2:8 ပူးပေါင်းရင်းမြစ်များ

Luke 2:34

Simeon uya tok pùlemappù, molopai ichan, Mary pàk. “Pùsàlà mule yanùnsak Katù uya màlà, tukkan kon Israel pon kon wettalumattà toppe, tùulon kon wepùikattà toppe, molopai yentok ipàkàlà pe iwinàkàik usàulàman toppe.

Romans 9:22

Yattai pùla là Katù wechippù tùwe'naikatok molopai tùmeluntàlù enenpoikapai sàlà. Màlàyau mùkyamlo tùwe'naikatok ipàk ton pan kon pàlikappù ya, mùkyamlo tùntalumattà pan kon.

1 Corinthians 1:23

Tùse ina mùkyamlo Christ welikùppù pulusuk po yekale yekamannan, Jew yamùk wettatai'matok ipona, molopai wo'mattantok Jew yamùk pen pona;

2 Corinthians 2:16

Mùkyamlo àli pe we'nàtok yawon kon pona weli'nàtok màlà ikàtun, mùkyamlo tùwepùikattàsan pona wema'nàtok ne'nài màlà ikàtun. Ànùk ken sàlà yekkwa wotoko ku'nài yek pe nài?

Galatians 5:11

Utonpa yamùk, yà'là pe ken iwechi pàk utalumattà sàlà Jew yamùk yattàtok wechi iche kulu we'nàtok pe yekama pàk lùppù wechi yau? Màlà wechi ailon pe yau, Christ wettalumattàtok pulusuk po yekama pàk wettok Usya tùulon kon utaimelunpatok kupù pen màlà.

1 Thessalonians 5:9

Masapùla Katù uya anùnnà'nokon wettalumattàntok kon pe tùwe'naikatok yau pùn, tùse anùnnàppà ya màlà wepùikattàntok yepotoppe Kùyepulu Jesus Christ yai,

1 Peter 2:6

Masapùla Katù Maimu yau: “Epekkek tàk, yanùnsak uya man, màlà tùtù yai'nùk ipana'mu yawon wakapu pe pata Zion yau; molopai ànù'là ailon tawon ipàk usenkuttà pen màlà,”tawon. {Isa 28.16}

1 Peter 2:7

Sàlà màlà wakù kulu tàk amyamlo ailon tawonnan Katù pàk pona; tùse mùkyamlo ailon tawonnan pen pona: “Màlà tàk wechippù tapùi yamùnnan nenpàttùppù pe, màlà lùppù wenasak man iche kulu we'nàtok pe tùulon kon tàk yentai,” teppù nàlà. {Psa 118.22}

2 Peter 2:3

Tùulon yemamin iche tùwettok kon yau pùsamlo ailon pen pàk enupannan uya ayapulà kon màlà pùlayatta yepotoppe tùuya'nokon enkuttànài panton yekama tùuya'nokon winà. Tùse pena yawà tok yeselu pàkàlà tok talumattàtok wekonekakassak wechippù màlà molopai tok mattanù'nài we'nùnsak pùla iwechi!

Jude 1:4

Masapùla tùulon kon àliton kappon yamùk wewonsak man amak yai kùkklotta'nokon ittu kùuya'nokon pùla, pùsamlo lùppù uya wakù pe we'nàtok Katù winàpaino lattàsak man iche tùwettok kasa tùwechinma pàk tùwettok kon ipàkàlà pe, molopai Jesus Christ tewinan Kùyepulu kon molopai tamù'nwolon kon Yepoino nulunpa tok uya. Pena Katù Maimu uya yekamappù sàlà talumattàntok tok nepoloppù.