1 Peter 2:4 - Patamuna New Testament Revised

⁴ Jesus Christ piyak àitàk kon, nulànan tàk mùkkàlà inulunpasak lùppù kappon yamùk winà italumayippù pe, tùse yanùnsak lùppù Katù winà epekkeppe.

1 Peter 2:4 ပူးပေါင်းရင်းမြစ်များ

Matthew 11:28

“Àittàk kon Upyak, tamù'nawàlà amyamlo eme'nek lotù yalà pàk iichetakkasak kon, molopai elepa kon uya màlà wàlàkka'nàtok ke.

Matthew 12:18

“Pùsàlàichi mùkkàlà uyapyoto unanùmùppù. U'nùn kulu mùkkàlà, utauchinpatok ipàk. Uyakkwalù tùlù uya màlà ipona. Molopai ittuntok uya yekama ya màlà tamù'nawolon kon pàk Jew yamùk pen pàk,” tawon.

Matthew 21:42

Jesus uya tok pàk, “Katù Maimu yau ken na' sàlà yensak auya'nokon pùla nai? ‘Tàk tapùi yamùnnan nùnulunpappù tapulàsen yek pen wenappù man iche kulu we'nàtok pe. Sàlà wekkupùppù màlà Itepulu winà. Wakù pe kulu man!’ tawon,” teppù.

John 14:19

Tachin pe kulu sàlà wolù yawon kon uya uyene pen màlà. Tùse amyamlo uya màlà uyene. Masapùla wemapù pàk, ewemapù kon nàlà màlà.

John 14:6

Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

John 5:26

Ikàipùnù yau wema'nàtok wechi kasa làma màlà Tùmu kussak ya wema'nàtok wettoppe yau.

John 5:40

Tùse upyak àuyàpù kon pùla man wema'nàtok yepolo kon pa.

John 6:37

Tamù'nawàlà Ukàipùnù uya ulepatok kon uyàpù màlà upyak, ànù'là upyak tùuyàsen nulunpa uya pen.

John 6:57

“Tùwemassen Ukàipùnù uya uyeunossak sàlà, màlàpàk nàlà wemapù sàlà Ukàipùnù pàkànsau. Màlà kasa làma upàk tùuta'lettàsen wemapù màlà upàkànsau.

Romans 5:10

Masapùla Katù yeyaton pe we'nàppà'nokon màlà, tùse kùkusak kon ya màlà tùwechi yakon non pe Tùmu Jesus Christ welittok yai. Màlàpàk sàlà pe Katù wechi yakonnon pe we'nà'nokon pàk, eke peiwa kulu wepùikattàntoppe iwechi màlà Christ wemapù winà.

1 Corinthians 3:11

Masapùla ànù'là uya tùulon tu'ma là yamùtok ipo nonkatok pùla iwechi màlà, mùkkàlà neken Jesus Christ itùkassak lùppù.

Colossians 3:4

Christ mùkkàlà ewemattok kon kulu, molopai ichenpoika yau, amyamlo nàlà usenpoika màlà ipokonpe molopai yapulàtok yau ewechi kon màlà.

1 Peter 1:19

àpùikattàppù kon kulu màlà Christ uya epekkek tùmùnù ikkwansak àponalok kon pe yau, imattakù pùn kalinilu mule wechippù kasa.

1 Peter 1:7

Sàlà màlà meluntà pe ailon tetok auya'nokon wechi ittunài. Kolù, tùumattasen pe lànen nai'nùk màlà ittusak lùppù apok ke; màlàpàk uchi ailon tetok auya'nokon, wakù kolù yentai nai'nùk, ittu nàlà màlà meluntà pe iwettoppe. Màlàyau apulàntok wakù pe itekale we'nàtok molopai namantok yepolo auya'nokon màlà màlà Wei yattai Jesus Christ usenpoikasak yau.

1 Peter 2:7

Sàlà màlà wakù kulu tàk amyamlo ailon tawonnan Katù pàk pona; tùse mùkyamlo ailon tawonnan pen pona: “Màlà tàk wechippù tapùi yamùnnan nenpàttùppù pe, màlà lùppù wenasak man iche kulu we'nàtok pe tùulon kon tàk yentai,” teppù nàlà. {Psa 118.22}

2 Peter 1:1

Sàlà màlà kaleta Simon Peter, Jesus Christ yapyoto molopai ineunokoppù winàpaino, mùkyamlo wakù pe kùkatùyi wettok molopai pùikattànài Jesus Christ yai. Ilepasak kon ailon tetok wakù kulu, ina uya ailon tetok walai ke piyak inmenukappù.

2 Peter 1:4

Sàlà kasa lepansak kon ya màlà Katù yeselu wakù molopai eke ton kulu wakù pe we'nàtok itùlù tùuya teppù lùppù tùuya ke, màlà yanùmù auya'nokon winà mattanù'nài àli ànkuppai we'nàtok molo nai'nùk non po winàpai ewepe kon pa, molopai àuyàpù kon pa Katù yeselu pùkkù pe esse.