1 Peter 2:24 - Patamuna New Testament Revised

²⁴ Jesus Christ uya kùmakuyi kon yalàppù tùmàlà pe pulusuk pona, weli'nà tok kon pe àli kuttok pàk wema'nà tok kon pe wakù pe we'nàtok ponaloppe. Ippoppàtù winà euchipittàsak kon màlà.

1 Peter 2:24 ပူးပေါင်းရင်းမြစ်များ

Matthew 27:26

Màlàyau nen uchi Pilate uya Barabbas nonkappù tok ponaloppe, Jesus ippoppàttoppe ikupùppù ya màlà, molopai itùlùppù ya ipukapàttoppe pulusuk pona.

Matthew 5:20

Tekamayaik àpàkù'nokon Pharisee yamùk molopai Law pàk enupannan yentai ikasa lùiwa pùla ewechi kon yau, itepulu pe we'nàtok epùn po yak ewewomù kon pen màlà,” teppù Jesus uya.

Matthew 8:17

Sàlà kupùppù ya màlà Katù Maimu yenpoikanài Isaiah uselupappù kasa iwekkuttoppe. “Mùkkàlà uya ina ye'netù yanùmùppù molopai ina yepalan yalàppù ya màlà,” {Isa 53.4} teppù ya kasa.

Mark 15:15

Pilate wechippù kappon yamùk anauchinpap wa iwechi pàk, Barabbas nonkappù ya tok ponaloppe. Jesus ippopàssak tùpo itùlùppù ya ipukapàttoppe pulusuk pona.

Luke 4:18

“Wakù Akkwalù Itepulu winàpaino upo man. Ukalapaimasak ya man, Wakù Itekale yekamatoppe uya entuppa'nokon pàk. Uyeunossak ya man, wemokkantok yekamatoppe uya yachisak kon pàk molopai enpùnon yentoppe. Molopai tùtalumattàsan mokkase tok talumattàtok yapai. Itepulu Katù uya tùponalok kon kappon yamùk pùikattàtok yattai yekama toppe uya!” tukaik.

John 1:29

Iwemassak yau John uya Jesus uyàpù tùpyak yeneppù. “Masa yentàk kon! Katù winàpaino mùkkàlà kalinilu mule sàlà wolù yawon kon kappon yamùk makuyi mokkanài.

John 19:1

Pilate uya Jesus yalàppù molopai ippoppàttoppe ikupùppù màlà.

Yeunossak kon Wotokoyi 10:35

Ànù'là inamanài molopai iwalai ku'nài wechi màlà inanùmù pe, i'nailà pailà iyàssak pe tùse.

Yeunossak kon Wotokoyi 10:39

Ina mùkyamlo tamù'nawolon inkupùssan Jew yamùk patassek yau molopai Jerusalem po yekaman nan. Tok uya iwànàppù, tùpukapàsse yei pona.

Yeunossak kon Wotokoyi 13:29

Tamù'nawàlà Katù Maimu we'menukasak ipàk kupù tùpo, tok uya inuttàppù pulusuk poi molopai tok uya inonkappù uluwaik yak.

Yeunossak kon Wotokoyi 5:30

Ina kàipùnù yamùk Katùyi uya Jesus wuluukappù weli'nàtok yapai, ànwànàppù kon nùppù, yei pona tùpukapàsse.

Romans 6:11

Màlà kasa làma eusenumenka kon màlà àpàkù'nokon iwelichappe àli pàk tùse nulà Katù pàk Christ Jesus ponaloppe ewechi kon yau.

Romans 6:13

Màlà tùse pùla àpùkkù kon kùsapulàtàu àli ponaloppe, àli pàkànsau yapulàtoppe. Tùse làkku Katù yemyak ettùtàk kon, kappon yamùk inesak kon weli'nàtok yapai wema'nàtok yak kasa molopai tamù'nawàlà ettùtàk kon itemyak wakù iwalai ponaloppe ayapulàtoppe.

Romans 6:16

Mùttuyatàik, imaimu yawàlà ewettok kon poitolù ton amyamlo, ewechi kon, makui maimu yawàlà ewechi kon yau, weli'nàtok ne'nài pe nai'nùk, wapùla ikasa we'nàtok Katù pokonpe ne'nài maimu yawàlà.

Romans 6:2

Kanekku! Weli'nàsakù'nokon sàlà àli winàpai. Yà'là kasa ken màlà yentak wema'nà'nokon àli yau?

Romans 6:22

Tùse sàlà pe àmokkasak kon man àli pe we'nàtok winàpai. Molopai Katù yapyoto ton amyamlo, sàlà uya esuken wema'nàtok yak ayasak kon nai'nùk. Molopai iwenukapù pe tàwàlàlà wema'nàtok yepolo auya'nokon màlà itepeppù pe.

Romans 6:7

Ittu'nokon man iwelichak kon kappon yamùk pàk meluntà pe tùwessen pe pùla makui wechi.

Romans 7:6

Sàlà pe kùnonkasak Law uya man, masapùla weli'nàsakù'nokon màlà kùyachinàippù'nokon winàpai, yachichak kon patikichi tak kasa kùku'nàippù winàpai. màlàpàk imenukasak lùppù Law yeselu yawàlà tùwessan pe we'nà pen sàlà , tùse emennak Law Wakù Akkwalù yeselu yawàlà tùwessan.

1 Corinthians 15:3

Unanùmùppù tùlùppù uya apyakù'nokon, sàlà eke pe kulu nai'nùk. Christ welikùppù màlà àli pe we'nàtok yepeppe, Katù Maimu yau iwe'menukasak kasa.

2 Corinthians 6:17

“Màlàpàk tok winàpai àitàk kon, molopai epantakatàk kon tok winàpai. Molopai àli pe nai'nùk kùsappàttàu, molopai ayanùmù kon uya màlà” nùkayan Itepulu. {Isa 52.11; Ezk 20.34,41}

Galatians 3:13

Tùse Christ uya kùpùikattàsak kon sàlà pa'nù'nàtok law nùnepùppù winàpai, ipa'nùssappe tùwenaik kùponalok kon pe. Katù Maimu uya, “Ànù'là yei pàk ikaiwattàsak wechi màlà ipa'nùsak pe,” te kasa. {Deu 21.23}

Ephesians 5:9

Masapùla akkwa màlà eke pe kulu tamù'nawolon yà'là yekkwa là ku'nài wakù pe we'nàtok, ikasa we'nàtok, molopai ailon.

Philippians 1:11

Jesus Christ uya àkupù kon màlà wakù eselu kupù pàk ewechi kon pa. Sàlà uya Katù yapulàtok molopai inamatok nepù màlà.

Colossians 2:14

Imenukasak lùppù winàkàik wannà “Ikasa pùla messaik”tawon, mokkappù ya màlà, molopai imattanùpùppù ya tamù'nawàlà kulu ipukapàtù tùuya pulusuk pona winà.

Colossians 2:20

Ewelichak kon màlà Christ pokonpe màlàpàk àpùikattàsak kon màlà kawon kon akkwalù yamùk meluntàlù winàpai. Yà'là pe iwechi pàk sàlà yekkwa ton maimu yawolon kon amyamlo?

Colossians 3:3

Masapùla ewelichak kon man, molopai ewemattok kon yonansak man Christ pokonpe Katù yau.

Hebrews 10:10

Molopai Jesus Christ uya Katù wettok iche kussak pàk, esuken kùkussak kon màlà nai'nùk, tewin itekkwa tesak tùsak ya molopai itùtu'ma ya pen winà.

Hebrews 10:5

Màlàpàk, sàlà non pona tùuyàpù yau Christ uya Katù pàk, “Kamo yamùk tùwàse molopai tùpottàik eyemyak itùtok iche pùla messaik, tùse uyesak konekasak auya nai'nùk uponaloppe.

Hebrews 12:13

Itàtàk kon tossalon asanta tawà, molopai mùkyamlo sesen pan kon wena tu'ma toppe meluntà pe molopai tok uchipittà toppe.

Hebrews 7:26

Jesus mùkkàlà eke kulu paatele iche kulu we'nàtok. Wakù, iwalai pen nà pùn, esukenan molopai yamasak mùkkàlà tùmakuyi kenan kon winàpai, molopai yanùnsak lùppù epùn yepoi.

James 5:16

Màlàpàk amakuyi kon yekamatàk kon àtonpa kon pàk, molopai àpùlematàk kon àtonpa kon pona, euchipittà kon pa. Masapùla wakù iwalai kappon wàpùlematok màlà meluntà pe apàikkeppe tùwe'wotokomasen.

1 John 2:29

Mùttuyatàik ku Christ wechi iwalai pe wakù pe tùwessen pe; ittuichi auya'nokon pàk, tamù'nawolon kon iwalai ku'nài nan wechi Katù munkà yamùk pe.

1 John 3:7

Umunkà yamùk, ànù'là eyennakatakù'nokon, ànù'là ikasa, nai'nùk ku'nài wechi màlà ikasa, Christ wechi ikasa kasa.

Revelation 22:2

Tùwu'masen pata yawon eke asanta yakletawàlà. Asakklàma tuna yena po'ne wema'nàtok yek wechippù tùwepetasen 12 pe itekkwa kilichimochi yau, tewin itekkwa kapùi pàk, molopai yale wechi màlà kappon yamùk pata yamùk yawon kon ipittànài pe.