1 Peter 2:23 - Patamuna New Testament Revised

²³ Tùmottùnpa yau, mottùnpan pe yeikuppù ya pen, tùwettalumattà yau, “Atalumattà kon uya,” te ya pùn, tùse enpen tùwettok tùlùppù ya Katù ikasa Ittunài winàkàik.

1 Peter 2:23 ပူးပေါင်းရင်းမြစ်များ

Luke 23:41

Kùtalumattà nen sàlà ikasa, kùnkupùppù yepeppù yepolo nen sàlà nai'nùk. Tùse mùkkàlà uya yà'làlà iwalai pen nà kussak pùla man,” tukaik.

Luke 23:46

Jesus wentaimeppù eke pe, “Ukàippùnù, eyemyak uyakkwalù nonka uya sàlà,” tukaik. Wate tùpo iwelikùppù.

Luke 23:9

Màlàpàk Herod uya Jesus yekamappopàtùppù tukke, tùse Jesus uya yeikuppù lùkkwà là pen kulu.

Yeunossak kon Wotokoyi 17:31

Masapùla tamù'nawolon kon kappon yamùk sàlà non pon kon ittutok tùuya wakù pe tùwettok yau yattai konekasak ya màlà, mùkkàlà kàyik tùnanùmùppù winà. Sàlà yenpoikappù ya màlà tamù'nawolon kon pàk, mùkkàlà kàyik wuluuka tùuya weli'nàtok yapai winà!” teppù Paul uya.

Yeunossak kon Wotokoyi 4:29

Molopai sàlà pe, Itepulu, yenkà sa'man pe tok uselupappù. Molopai ina ayapyoto ton uselupa toppe eyekale pàk ikukkà tùwe'namaik pùla.

Yeunossak kon Wotokoyi 7:59

Tàk ke tok uya ùwànà tùse Stephen wàpùlemappù, “Itepulu Jesus uyakkwalù yanùnkà!” tukaik.

Yeunossak kon Wotokoyi 9:1

Màlà yattai Saul wechippù àsà pe tùusàulàma pàk Itepulu ya'lonkon winàkàik, tok àntùkkapai tùwechi pàk. Iitàppù Eke kulu paatele piyak

Romans 2:5

Tùse sa'man pe kulu eyewan man elattàpai pùla molopai màlà uya we'naikantok pilichak man àpona Katù we'naikatok weyu ponaloppe ikasa “Suwa messaik, ” tetok ya yattai.

Ephesians 6:9

Potolù yamùk, màlà kasa làmaichi ettàk kon ayapyoto kon winàkàik. tok kùttalipapàttàu. Mùttuyatàik, mùkkàlà epùn pon wechi mùkyamlo molopai amyamlo Yepotolù pe. Tamù'nawolon kon ku'nài mùkkàlà ekkaichalà.

2 Thessalonians 1:5

Sàlàichi màlà ikasa Katù uya ittuntok wechi yekamanài. Itepeppù màlà, àkoneka kon ya wakù pe itepulu pe tùwettok yau tùwessan pe ewechi kon pa, màlà iponaloppe mettalumattàyatài'nùk.

2 Timothy 1:12

molopai sàlà yamùk pàkànsau uchi màlà wettalumatàppù. Tùse wekuli'ma pùla man ipàk, masapùla mùkkàlà ailon teppù uya lùppù ipàk ittu uya pàk, molopai tùttuyaik kulu màlà untùlùssan lùppù itemyak kupù ya màlà Wei Ittuntok yattai ponalà.

2 Timothy 4:8

Sàlà nen uchi entaika'nàppà uya yepeppù uya umàmuku. Wakù pe we'nàtok yalùko, màlà Itepulu Katù ikasa ittunài uya ulepatok màlà Wei yattai. Molopai Iulà neken pen, tùse tamù'nawolon kon mùkyamlo ichenpoikatok màmussai'nannùk uchi'nùnmantok pokonpe.

Hebrews 12:3

Masa esenumenkatàk kon ipàk, yà'là kasa là tewanma'làtok imakuyippù ton kappon yamùk uya pàlikappù ya! Màlàpàk uchi attu'mùla kenatàu molopai ke'nonkatàu.

1 Peter 3:9

Àli kùsentakanmatàu àli ke, wapùla pa'nù'nàtok pa'nù'nàtok ke; tùse wakù ke làkku yentakanmatàk kon, masapùla wakù pe we'nàtok màlà Katù uya elepa kon tùuya tetok lùppù àkà'masak kon tùuya yau.

1 Peter 4:19

Màlàpàk uchi tàwà nettalumattà yai'nannùk Katù yeselu yawàlà ikasa nai'nùk kupùi molopai takkwalù kon tùlùi Mùkkàlà tùkonekanàippù kon yemyak, masapùla ikupù tùuya teppù tùuya lùppù ku'nài mùkkàlà tàwàlà.

Revelation 19:11

Màlàyau epùn utakkokasak yeneppù uya, molopai molo iwechippù aimu'nan kawale. Ipo tùwessen yesattok wechippù Tùusetakkasen pen molopai Ailon, ikasa we'nàtok ke kappon yamùk ittunài mùkkàlà molopai ikasa tùwepanta'masen.