1 Peter 2:21 - Patamuna New Testament Revised

²¹ Sàlà màlà Katù uya àkà'mappù kon yak; masapùla Christ wettalumattàppù àponalok kon pe pàk iwettalumattàtok winà eusenupa kon pa molopai itta ye'mappù yawàlà àutà kon pa.

1 Peter 2:21 ပူးပေါင်းရင်းမြစ်များ

Matthew 10:38

Ànù'là tùnalà pulusuk yanùnnài pen molopai uye'mappù tawà tùutàsen pen mùkkàlà uponalok pen.

Matthew 11:29

Uyapyoto pe ettàk kon, molopai uwinàpai esenupatàk kon. Masapùla tùusentupasen Iulà molopai àssà'mùn Iulà uyeselu yau. Molopai ayakkwalù kon wàlàkkattok yepolo auya'nokon màlà.

Matthew 16:24

Màlàyau Jesus uya ta'lon kon pàk, “Ànù'là wechi uya'là àippai yau, tàwà ne'nonkai, molopai pulusuk tùnalà pe nai'nùk pulusuk yanùmùi, molopai tàwà uya'là nùyàpùi.

Luke 24:26

Yà'là woton pe pùla ken na' uchi màlà, mùkkàlà Christ wettalumattàtok wechippù, molopai nàlà iitàtok tapulàtok yak?” teppù.

John 13:15

“Yentok auya'nokon ipàkàlà pe tùkuppàssaik àpàkù'nokon, màlà kasa làma ikupù kon pa.

John 16:33

Sàlà yamùk yekamappù uya màlà àpàkù'nokon, àwàlàkatok kon yesappe ewechi kon pa uyau. Sàlà wolù yau ewettalumattà kon màlà. Tùse emeluntàtatàk kon! Wolù yentaikasak uya man,” teppù Jesus uya.

Yeunossak kon Wotokoyi 14:22

Tok uya ailon tawonnan Jesus pàk meluntàpappù miyaiwa tok wettoppe ailon tetok tùuya'nokon pàk. “Utànnù'nokon màlà tukke wettalumattàntok yawàlà Katù wettok itepulu pe yak wewonàtok kon pe,” .

Yeunossak kon Wotokoyi 17:3

Yekamappù ya molopai yenpoikappù ya ikasa Christ wettalumattàtok molopai iwuluukatok weli'nàtok yapai wechippù. “Pùsàlà Jesus tekamayai'nùk àpàkù'nokon mùkkàlà Christ,” teppù Paul uya.

Yeunossak kon Wotokoyi 9:16

Molopai Iulà uya nàlà yekama màlà ipàk tamù'nawolon iwettalumattàtok uponaloppe,” teppù.

Romans 8:29

Masapùla Katù uya màlà tùnanùmù woton kon ittukassak pena, tùmu kasa nen uchi tok wettoppe, ipùkkù pe tok wena wettoppe, Tùmu wettoppe wapiyaloppe tukkan kon tùtonpa yamùk kùlottau.

1 Corinthians 11:1

Ukasa emattàk, Christ kasa wemassai'nùk kasa.

Ephesians 5:2

uchi'nùnmantok ewemattok yau nechii, Christ uya kù'nùnmappù kon molopai iwettùlùppù kùponalok kon pe kasa, wakù pe tùkà'nùnsen tùtùsen Katù yauchinpanài pe kasa.

Philippians 2:5

Eusenumenkatok kon yau Jesus Christ kasa ettàk .

1 Thessalonians 3:3

Sàlà yamùk talumattàntok pe nai’nùk winà ewennappo kon tukaik. Ittu auya’nokon màlà màlà yekkwa ton wettalumattàntok wechi molo Katù yeselu pùkkù pe kùponalok kon pe.

1 Thessalonians 4:2

Masapùla eyenupappù kon ina uya mùttuyatàik Itepulu Jesus yapàikketù yai.

2 Timothy 3:12

Tamù'nawolon kon wakù pe emappaino Christ Jesus ponaloppe wettalumattà màlà.

Hebrews 2:10

Katù uya màlà tamù'nawolon konekappù molopai tamù'nawolon màlà iponalok, màlàpàk ikasa iwechippù màlà Katù uya Jesus kupù ikasa iwettalumattàtok winà. Sàlà kupùppù ya màlà tukkan kon Katù munkà yamùk yatoppe molopai tok pùikattà toppe Jesus uya tùwettalumattàtok winà.

1 Peter 1:20

Katù nanùmùppù mùkkàlà wolù wekoneka wapiya, molopai ichenpoikappù sàlà yamùk iwenukattok weyu yattai àpàkànsau'nokon.

1 Peter 2:24

Jesus Christ uya kùmakuyi kon yalàppù tùmàlà pe pulusuk pona, weli'nà tok kon pe àli kuttok pàk wema'nà tok kon pe wakù pe we'nàtok ponaloppe. Ippoppàtù winà euchipittàsak kon màlà.

1 Peter 3:18

Masapùla Christ welikùppù màlà tewin itekkwa; iwelikùppù màlà tamù'nawolon kon wettok àli pe pàkànsau, wakù kàyik welikuppù àli ton kappon yamùk ponaloppe, Katù piyak ayatok kon pe tùuya. Iwàtoppe ikupùppù màlà kappon welikù kasa molopai iwuluukappù màlà kappon pe pùla yakkwalù itesak pe;

1 Peter 3:9

Àli kùsentakanmatàu àli ke, wapùla pa'nù'nàtok pa'nù'nàtok ke; tùse wakù ke làkku yentakanmatàk kon, masapùla wakù pe we'nàtok màlà Katù uya elepa kon tùuya tetok lùppù àkà'masak kon tùuya yau.

1 Peter 4:1

Christ wettalumattàppù màlà talà non po màlàpàk uchi iwettalumattàppù kasa ewettalumattà kon pa ekonekatàk, tùwettalumattàtok pàlikasak ya àponalok kon pe pàk, masapùla ànù'là tùtalumattàtok yanùnnài weleutasak màlà àli kupù tùuya winàpai.

1 Peter 4:13

Tùse làkku atauchinpatàk kon masapùla Christ wettalumattàppù kasa ewettalumattà kon pàk, autauchinpa kon pa eke pe kulu itakkwayi usenpoikasak yau.

1 John 2:6

“Katù yau wemassaik” te kùuya'nokon yau, Jesus wemapùppù kasa tùwemassan pe we'nà'nokon màlà.

1 John 3:16

Sàlà kasaichi màlà uchi'nùnmantok ittu: Christ uya tùwemattok tùlùppù kùponalok kon pe. Màlà kasa nàlà wema'nàtokù'nokon tùlù màlà tonpa wannà yamùk ponaloppe!

Revelation 12:11

“Tok uya yentaikasak man Kalinilu Mule mùnù winà, molopai ailon tùnekamappù kon Katù yekale winà, tok uya tùwemattok kon pùnùmappù pen màlàpàk tùwelikù kon pàk tok usenalippa pùla iwechippù.