1 Peter 2:20 - Patamuna New Testament Revised

²⁰ Masapùla yà'là yekkwa ken e'mantok molo nai wettalumattàntok iwalai pen ànkupùppù kon pàkàlà ànpàlika kon yau? Tùse wettalumattàntok pàlika auya'nokon yau wakù kussak lànen auya'nokon tùse yau, Katù uya wakù kupù màlà àponalok kon pe màlà pàkàlà.

1 Peter 2:20 ပူးပေါင်းရင်းမြစ်များ

Matthew 26:67

Màlàyau nen uchi tok wetattapàtùppù itenpata pona. Molopai tok uya ippoppàtùppù, molopai inta'monnannùssan uya,

Matthew 5:47

Molopai ewechi yakon non pàk neken wakù pe na'messan te auya'nokon yau, tùkussen pen kussak na' auya'nokon màlà? Ailon Katù ittunnan pen là nen mùkyamlo iku'nàinan màlà kasa!

Mark 14:65

Màlàyau tùulon kon wetattapàtùppù ipona, molopai tok uya itenpata waputtàppù pon pùkkùlùppù ke molopai tok uya iwàpàtùppù temyatù kon ke. “Ànùk ken àwànài? Yenpoikakà!” teppù tok uya ipàk. Molopai achinnan uya yalàppù molopai itenpata yai tok uya iwàpàtùppù.

Luke 6:32

“À'nùnmanài nan neken pùnùnma auya'nokon yau, yà'là ken wakù yepolo auya'nokon? Àli ton là mà mùkyamlo tù'nùnmanài nan pùnùnmanài nan tà!

1 Corinthians 4:11

Sàlà wei tepose ina iwan pe man molopai ina ne'nakklipayan. Pon poipà yau ina man. Ina ippoppàssak man. Ipatassek pùla ina man.

Galatians 4:18

Wakù pe iwechi màlà kappon yamùk wechi kulu eyiche yau wakù pàkàsau. Tùse tàwàlàlà apyau'nokon neken nà wechi yau pùla.

Ephesians 5:10

Màlà Itepulu Katù yauchinpanài iwakùli ittuiche ettàk kon.

Philippians 4:18

Tamù'nawolon ulepatok auya'nokon yeposak uya man. Molopai iche wettok yentak kulu nettai. Molopai sàlà pe tamù'nawolon iche wettok yesappe wessaik, Epaphroditus uya tamù'nawàlà ulepatok nessak man upyak apyapai'nokon. Sàlà yamùk wechi màlà wakù appoi'nan tùtùsen kasa Katù pona, itùsak yau Katù nanùmù pe nai'nùk molopai yauchinpanài pe nai'nùk kasa.

1 Peter 2:19

Katù uya wakù uyàttok iwinà kupù màlà àponalok kon pe sàlà pàkànsau, wettalumattàntok yà'là wenai pùla pàlika auya'nokon yau, masapùla teselu ittu auya'nokon pàk.

1 Peter 3:14

Tùse ewettalumattà kon iwalai kupù lànen auya'nokon yau, atauchinpatàk kon! Kappon yamùk pàk kesenalippatàu, molopai kataimelunpatàu.

1 Peter 3:17

Masapùla wakù peiwa wettalumattàn wakù kupù pàkànsau wechi màlà, Katù yeselu pe iwechi yau, àli kupù yentai lùiwa.