1 Peter 2:17 - Patamuna New Testament Revised

¹⁷ Tamù'nawolon kon kappon yamùk inamatàk kon, ànù'là kappon ailon tawonnan i'nùnmatàk kon, nalik pe ettàk Katù pàk, molopai eke kulu itepulu inamatàk kon.

1 Peter 2:17 ပူးပေါင်းရင်းမြစ်များ

Matthew 22:21

“Caesar” tukaik tok uya yeikuppù. Màlàpàk Jesus uya, “Caesar yemyak iponalok itùtàk kon molopai Katù yemyak iponalok itùtàk,” teppù.

John 13:35

Tùuchi'nùnmaik ewechi kon tense, tamù'nawolon kon uya eyittu kon màlà unenupa ton pe ewechi kon,” teppù Jesus uya.

Romans 12:10

Echi'nùnmatàk kon eke pe tùuchinùnmaik we'nà Christ yau yenpoika pe kulu, molopai àtonpa kon tùnamaik ettàk kon.

Romans 13:7

Tamù'nawàlà ewe'womatok kon me'matàik, pata ponaloppe te'masen pe iwechi yau màlà me'matàik, wapùla yàlàlà yepeppù pe iwechi yau, me'matàik, kappon tùnamaik we'nàtok pe là iwechi yau, kappon mùnamatàik, wapùla kappon yapulàtok pe là iwechi yau mapulàtàik.

2 Corinthians 7:1

Sàlà yamùk Katù uya ikupù tùuya tetok wechi màlà kùponalok kon pe, utonpa yamùk! Màlàpàk uchi esuken wenanpai'nokon makui pùla, tamù'nawolon yà'làlà àli pe nai'nùk kupù yeleutanùpù winà, molopai yà'làlà kùyesak kon wapùla kùyakkwalù kon ku'nài àli pe nonkapai'nokon. Màlàpàk uchi tamù'nawàlà wettùn nokon sàlà Katù yemyak masapùla inama pàk.

Ephesians 5:21

Àtonpa kon yo'no echittutàk kon ànùk yentai pùla, Christ namatok auya'nokon yau.

Philippians 2:3

Amlek pe kettàu. Tùulon kon yentai wakù peiwa ewekkupùiche'nokon kettàu. Àssà'mùla ettàk kon, tùulon kon yentai tùuchittuik pùla.

1 Timothy 6:1

Tamù'nawolon kon tepotolù ke nai'nannùk tàwà tepotolù kon namai kulu, ànù'là uselupa àli pe Katù yesek molopai ina uya enupantok winàkàik tukaik.

Hebrews 13:1

Euchi'nùnmakon pàk lùppùichi ettàk kon echitonpa ton pe.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 Peter 2:13

Itepulu ponaloppe tamù'nawolon kon potolù yamùk wettok itepulu pe yo'no ettàk kon: kin yo'no, mùkkàlà wechi màlà yo'no kulu we'nàtoppe molopai imaimu yawàlà we'nàtoppe,

1 Peter 5:5

Màlà kasa làma, amyamlo masalok kon umoine ton esenupatàk kon kàyik yamùk lùiwa winàpai. Molopai tamù'nawolon kon àsà pe pùla ettàk kon, ànù'là kappon pùikattà kon pa; masapùla, “Katù mùkkàlà ànù'là kappon yentai pe tukaik tùwekkussen itewanma, tùse wakù pe we'nàtok tùwinàpaino tùnài àsà'mùnon piyak,” {Pro3.34}