1 Peter 2:12 - Patamuna New Testament Revised

¹² Eyeselu kon wakù pe nechii Katù ittunnan pen kùlottau, àmottùnpa kon tok uya yau, àli kussan tok te tok uya yau, wakù eyeselu kon yentoppe tok uya, molopai nen uchi Katù yapulàtoppe tok uya iiyàpù Weyu yattai.

1 Peter 2:12 ပူးပေါင်းရင်းမြစ်များ

Matthew 10:25

Eichilà mà iwechi màlà tà tenupasen wechi tenupanài kasa molopai apyoto wechi tepotolù kasa yau. Tapùi yesak wechi Beelzebul pe yau màlà yentai nen uchi itùwùk tawon kon wechi màlà!” teppù ya.

Matthew 5:11

“Tùutauchinpasan amyamlo, kappon yamùk uya àmottùnpa kon yau, atalumattà kon yau molopai yà'là kasa là akaseipa kon yau, masapùla uya'lon kon pe ewechi kon pàk.

Matthew 5:16

Màlà kasa làmaichi tàwà eweyu kon nùlenpamùi kappon yamùk yemloto po, wakù ton ànkupù kon yentoppe tok uya molopai àkàipùnù kon epùn pon yapulàtoppe tok uya,” tukaik.

Matthew 9:8

Yensak tùuya'nokon yau, kappon yamùk wettalipappù màlà, molopai Katù yapulàppù tok uya kappon yamùk yemyak sàlà yekkwa apàikkek tùlù ya pàk.

Luke 1:68

“Itepulu yapulàpai'nokon man, Israel Katùyi! Masapùla iyàssak man kappon yamùk tùponalok kon pùikattàse.

Luke 19:44

Tamù'nawàlà tok uya amattanùpù màlà, ayawon kon mule yamùk ewekupili tawon kon pokonpe. Tewin nà tàk nàmà tok uya ipatassek yau pen màlà, masapùla ittuppù auya pen màlà, yà'là yattai là Katù uyàpùppù àpùikattàse,” tukaik.

Luke 6:22

“Tùutauchinpasan amyamlo kappon yamùk uya eyeya'noma kon yau, ànulunpa kon yau, àmottùnpa kon yau, molopai àli ton amyamlo te, Kàyik Mumu pàkànsau yau!

John 13:31

Judas utàkapù tùpo, Jesus uya, “Sàlà peichi Kàyik Mumu namatok patassek yau usenpoikasak man, molopai Katù yapulàtok usenpoikasak man mùkkàlà yai.

Yeunossak kon Wotokoyi 15:14

Simon nekamapàssan Katù uyàpùppù wapiya Jew yamùk pen piyak, tok kùlottapai kappon yamùk mokka tùuya tùponalok pe winà.

Yeunossak kon Wotokoyi 24:13

Wapùla tùuselupatok kon uwinàkàik yenpoikatok tok uya ailon pe pùla iwechi màlà sàlà pe.

Yeunossak kon Wotokoyi 25:7

Paul welepansak yau, Jew yamùk iyàssak kon Jerusalem poi wechippù satippe iwoi molopai tok wepyattàppù àli pe kulu italumattà pe tùuselupa kon pàk ipàk, tùse yà'là kasa là ailon pe yekamatok tok uya pùla iwechippù.

Yeunossak kon Wotokoyi 28:22

Tùse euselupatok enetapai ina man, masapùla ina nùttuyan mailàlà kappon yamùk uselupa àli pe, sàlà enupantok yau messaik nùk winàkàik,” teppù.

Romans 12:17

Ànù'là uya àli kupù ewinàkà'nokon yau, àli kùsentakanmatàu àli ke .Wakù pe tamù'nawolon kon nùttu kupùiche mettàik.

Romans 13:13

Welaikanpai'nokon uchi wakù pe, kappon yamùk weinai tùwemassan kasa, tùwechipottùmase là pùla tùwentaimepàsse pùla wapùla wetùnnàtok pùla, àli imakuyippù ànkuppai esak wannà ke we'nàtok pùla wapùla esak wettok ànkuppai pùla, wepanta'mantok pùla wapùla kùlùmàlunnàtok pùla.

Romans 14:18

Màlàpàk ànù'là Christ ponaloppe tùwe'wotokomasen sàlà kasa uya Katù yauchinpa màlà molopai kappon uya wakù mùkkàlà te màlà ipàk.

Romans 15:9

Molopai Jew yamùk pen uya Katù yapulàtoppe ichentuppatok pàkàlà. Iwe'menukasak kasa, “Màlàpàk ayapulà uya màlà Jew yamùk pen kùlottau, eyesek yapulà pe elen kupù uya,” tukaik. {2Sa 22. 50, Psa 18.49}

1 Corinthians 14:25

Amappe ichenumenkatok nepù màlà ayupona, molopai tese'muyok iwena màlà Katù yemloto po, “Ailon pe Katù àkklottau'nokon man,” tei'ma.

2 Corinthians 1:12

Sàlà màlà ina yauchinapanài. Ina usenumenkatok nekamayan tamù'nawolon ina nùkupùppù sàlà wolù yau, ailon pe wakù pe ina wechippù ànù'là tennakaik pùla, ina welaikatok ewinàkàik nokon yau kulu. Ina wessak man enpen Katù pàk ina pùikattàtoppe ya, sàlà non pon yapàiketù ke pùla.

2 Corinthians 13:7

Ina nàpùlemayan Katù pàk àli kupù auya'nokon tukaik. Iwalai kupù auya'nokon wakù pe ina we'wotokomasak yekama toppe neken auya'nokon iche pùla ina man. Tùse iwalai kupù auya'nokon iche ina man ina uya ikupù pùla kasa là iwessak tùse.

2 Corinthians 8:21

Masapùla wakù kupù tùuya'nokon iche ina man, Itepulu yenu yau neken pùla, tùse kappon yamùk yenu yau nàlà.

Ephesians 2:3

Tamù'nawolon kon kùmyamlo wechippù tok kasa màlà, àli pe usenumenkantok kon wettok iche kupùppù'nokon kùwakùli kon pe. Tùulon kon kasa, tamù'nawàlà kùmyamlo nàlà wechippù màlà Katù we'nàikatok yo'no.

Ephesians 4:22

Apanamappù kon màlà penalok eyeselu kon nonka kon pa, ikasa pùla ewemapù kon pa àku'nàippù kon. Amattanù'nàippù lùppù enkuttànài ànkuppai we'nàtok kon winà.

Philippians 1:27

Tùse yà'là pe là wechi pe iwechi yau, Christ yekale nekama yawà memattàik tàwàlà. Màlàyau nen uchi eyense'nokon utà wapùla utà pùla là iwechi tùse eyekale kon neken nà yetatoppe uya, tamùkke tewin itewan, tewin ichenumenkatok, molopai meluntà pe ewechi kon wakù itekale ponaloppe yetatoppe uya.

Philippians 4:8

Wenukapù pe, utonpa yamùk, eusenumenkatok kon pe màlà yamùk: ailon pe nai'nannùk nechii molopai tapulàsen pe nai'nùk, ikasa nai'nùk, esuken nai'nùk, molùnpak nai'nùk, wakù pe kulu nai'nùk, molopai tapulàsan yeppe nai'nùk molopai tùnamasen pe nai'nùk.

1 Thessalonians 4:12

Sàlà kasa ailon tawonnan pen uya anamatok kon yepolo auya’nokon màlà, molopai enpen ànù'là pàk ewechi kon pen nen uchi.

1 Timothy 2:2

Kin yamùk, molopai tamù'nawolon kon potolù yamùk ponaloppe, wema'nàtoppe eppana àsà pùla molopai echitonpa pe, wakù pe Katù kùpùikattànài tauchinpaik molopai iwalai iteselu pe tùwelaikaik we'nàtoppe.

1 Timothy 4:12

Ànùklà tùma'le tukaikno eyentak mule pe là ewechi pàk, tùse ailon tawonnan uya yentok ipàkàlà pe ekkà, euselupatok yau, eyeselu yau, euchi'nùnmantok yau, ailon tetok auya yau, molopai wakù pe esuken, àli pùla ewettok yau.

1 Timothy 5:10

molopai nàlà wakù ku'nài pe itekale nechiik: tùmunkà yamùk yemokkanài wakù pe pe, kaklan yamùk yanùnnài tùwùk tak pe, Katù ponalok kon pùta kolùkanài pe, tùwettalumattàsan pùikattànài pe, molopai tamù'nawolon yà'là yekkwa là wakù ku'nài pe.

Hebrews 13:18

Ina pona àpùlematàk kon. Ina nùttuyan kulu wakù pe, tùwamùla we'nàtok yesappe ina wechi, molopai ikasa nai'nùk ànkupai tàwàlàlà.

Hebrews 13:5

Pùlayatta à'nùn kon pe kulu kùkkuttàu, molopai tùutauchinpaik ettàk kon itesak pe ewettok kon pàk. Masapùla Katù uya, “Ànàmà kon uya pen màlà wapùla ànonka kon uya pen,” tesak màlà.

James 3:13

Pukkek molopai ittunài na' kappon molo nai àkklottau'nokon? Tàwàichi yekamakà wakù pe ewelaikatok molopai eyeselu winà wakù eyeselu ikonekasak, àsà pe pùla pukkeppe we'nàtok pokonpe.

1 Peter 2:15

Masapùla sàlà màlà Katù yeselu: pakko ton kappon yamùk uselupatok ittunài uselupatok kasa pùla yeppaka'nùpù auya'nokon iche iwechi màlà, wakù ton kupù auya'nokon winà.

1 Peter 3:16

Tùse àsà'mùla àsà pe pùla mùkuttàik molopai namantok yesappe. Wakù pe, tùwanmùla eusenumenkatok kon ikuttàk kon, àmottùnpasak kon yau, mùkyamlo àli pe tùuselupasan wakù eyeselu kon Christ ya'lon kon yeselu walai pàk wekuli'matoppe tùuselupatok kon winà.

1 Peter 4:11

Ànù'là itekale yekamanài, tàwà Katù Maimu yekamai; ànù'là tùulon kon pùikattànài, tàwà tok pùikattài, meluntà, màlà Katù uya tùlepatok ke, tamù'nawolon yau apulàntok tùtoppe Katù piyak Jesus Christ yai, apulàntok molopai apàikkeppe we'nàtok iponalok tàwàlàlà molopai tàwàlàlà. Emen.

2 Peter 3:11

Tamù'nawolon sàlà yamùk umatta sàlà kasa pe iwechi pàk, yà'là yekkwa ton ken kappon yamùk pe ewechi kon? Tàwà ewelaikatok kon wakù pe esuken nechii tamù'nawàlà iwettùsak pe Katù piyak,