1 Peter 2:1 - Patamuna New Testament Revised

¹ Màlàpàk uchi tamù'nawolon àli ton inonkatàk kon: kasei pe kettàu, tùulon kon kùsennakattàu, kùlùmàppe kettàu, wapùla mottùnpan pe uselupantok kùsapulàtàu!

1 Peter 2:1 ပူးပေါင်းရင်းမြစ်များ

Matthew 15:7

“Tùusennakasan amyamlo! Ikasa kulu Isaiah wechippù man pena àpàkù'nokon tùuselupatok yau!

Matthew 23:28

Màlà kasa làma wakù pe tùusenpoikasan amyamlo kappon yamùk piyak, tùse ayau'nokon awanùssak kon man ikasa pe tukaik usennakantok ke molopai àli pe we'nàtok ke,” teppù Jesus uya.

Matthew 24:51

Itepulu uya yattàpàtù màlà echikili pe molopai tùusennakasan talumattàtok pùkkù pe iwechi. Molo ikalantok molopai tùyà kàlàlàikkatok ya wechi màlà.”

Matthew 7:5

Tùwetapansen àmàlà! Eke pùlanka imokkakà eyenu yapai wapiya, molopai nen uchi elekkwà yei punuppù àtonpa kon yenu yawon yene auya'nokon màlà wakù pe molopai imokka auya'nokon,” teppù Jesus uya.

Mark 12:15

Tùse tok usennaka itui'ma tok pàk, “Yà'là peichi iwechi pàk uyachiiche ewechi kon màlà? Pùlayatta pun inettàk kon yentoppe uya,” teppù ya tukka tok pàk.

Luke 11:44

Àsà pe iwechi màlà àpona'nokon! Ittutok ipàk pùn uluwaik, kappon yamùk usatok ipolo tùttuse pùla màlà walai non amyamlo,” teppù ya.

Luke 12:1

Tukke kappon yamùk wepilichak molopai tok uselemluku echipona tùse, Jesus uya wapiya wateppù ta'lon kon pàk, “Elannek pe ettàk kon Pharisee yamùk so'liyi pàk, tok usennakatok pàk wa te uya màlà,” teppù.

Luke 6:42

Atta ken uchi àtonpa kon pàk, ‘Utonpa, masa elekkwà kulu apok ippunuppù tùmokkaiche eyenu yapai,’ te auya'nokon, eke yei eyenu yawon tense pùla là? Tùwetapansan amyamlo! Eke yei imokkakà eyenu yapai wapiya, molopai nen uchi elekkwà apok ippunuppù àtonpa kon yenu yawon yene auya'nokon màlà molopai imokka auya'nokon,” teppù Jesus uya.

John 1:47

Nathanael uyàpù tùwinàkàik yene tùuya yau Jesus uselupappù ipàk, “Yenkà pùsàlà mùkkàlà Israelite kulu, wakù pùsàlà ànù'là yennakanài pen,” tukaik.

Romans 1:29

Yà'là yekkwa ton nà àli pe we'nàtok kon yeselu ke tok wanùssak màlà, i'napailà imakuyippù pe we'nàtok, tùuseka'nonkaik we'nàtok ke, molopai kùlùmà ke, e'wàpai we'nàtok ke, wepanta'mantok ke, àsà pe we'nàtok ke molopai ennakantok etapankà tawonnan. Tùulon pantomù pàk tùuselupasan mùkyamlo.

1 Corinthians 14:20

Utonpa yamùk, mule yamùk lùkkwà mùkyamlo àli ittunnan pen. Tok kasa ettàk kon tùse eusenumenkatok kon yau tok kasa kettàu, tùse kàyippe ettàk kon eusenumenkatok kon yau.

1 Corinthians 5:8

Màlàpàk uchi uta'lettàntok ikuppai'nokon ipoippà apuluwetanù'nài pàk pùla, àli pe molopai wakù pe pùla we'nàtoppe ku'nài. Tùse làkku yapuluwetanù'nài pùn pùlomù pusak pàk, esuken we'nàtoppe molopai ailon pe we'nàtoppe kunài pùlomù pusak.

2 Corinthians 12:20

Masapùla usenalipayaik miyalà uyàssak yau eyepolo kon uya yeselùkek iwechi pàk eyiche'nokon wettok kasa pùla. Molopai uyepolo auya'nokon uyiche ewettok kon kasa pùla. Usenalipayaik usàulàmantok, kùlùmà, molopai we'naikantok, amlek we'nàtok, àli pe uselupantok, molopai tùulon kon yekale pàk uselupantok, utapulàntok molopai utaimelunpantok yepolo uya àklottau'nokon yeselùkek iwechi pàk.

Ephesians 4:31

Tamù'nawolon àli pe usàulàmantok, molopai we'naikantok inonkatàk kon. Wentaimepà'nàtok wapùla wemottùnpantok nàlà inonkatàk kon! Esseyaton pàk we'nàtok pùla nechii àkklottau'nokon.

1 Thessalonians 2:3

Màlàpàk apawanattàyatài'nùk ina Wakù Itekale yai wechi màlà ennakantok pokonpe là pùla, molopai àli pe là iteselu pùla, màlà tùse pùla ànù'là yennakaiche ina wechi pùla man.

1 Timothy 3:11

Tok noppù wechi nàlà màlà wakù pe, àli pe tùuselupasen tùtonpa pàk pe pùla; wakù pe tùttuik tùwemassen pe, ailon pe tamù'nawolon yau tùwessen pe.

Titus 2:3

Màlà kasa làma nossan yamùk lùiwa wettoppe tok yelupakà, wakù pe Katù tùnamaik tùwemassan pe. Eimiponnan pe pùla nàlà, wapùla tùwetùnsan pe pùla. Wakù pàk làkku enupannan pe tok nechiik

Hebrews 12:1

Tukkan kon pùsamlo ennài nan kùwoi'nokon man. Màlàpàk tamù'nawolon kùwakkà'nài'nokon yenu'mapai'nokon. Màlà makui kùyachiyatài'nùk nàlà, molopai aitun pe utànpai'nokon pàlikantok pokonpe wapplùnnàtok kùyemloto kon po nai'nùk yak.

James 1:21

Màlàpàk uchi tamù'nawolon àli ton eyeselu kon inonkatàk kon Katù Maimu yawàlà ettàk kon àssà'mùla, àsà pe pùla molopai màlà imaimu inpàmàppù eyewan kon yak yanùntàk kon, màlà àpùikattànài'nokon yeppe nai'nùk.

James 3:14

Tùse eyewan kon wechi kùlùmàppe àsà pe, molopai amleppe yau, katapulàtàu molopai ailon winàkàik kasei pe kettàu.

James 4:11

Àtonpa kon kùttalumattàtàu, utonpa yamùk. Ànù'là tùtonpa talumattatànài wapùla “Suwa messaik” tawon, uselupa màlà Law Katù winàpaino winàkàik molopai italumattà ya. Law Katù winàpaino talumattà auya'nokon yau, imaimu yawolon pe ewechi kon pen màlà, tùse imottùnpanài pe ewechi kon.

James 4:5

Katù Maimu uya yà'là tesappe pùla mùttuyatàu, “Katù uya Akkwalù ke lepansakù'nokon màlà molopai Katù ponaloppe neken kulu wema'nà iche iwechi màlà,” tesak ya yau.

James 5:9

Kàsàulàmatàu àtonpa kon winàkàik, utonpa yamùk, atalumattà kon tukaik. Talumattànài mei pùla man, iwekonekasak tùusenpoikatoppe.

1 Peter 2:16

Yachinài pùn kasa emattàk kon, molopai imokkasak pe ewettok kùsapulàtàu yà'làlà àli waputàtok auya'nokon ike pe, tùse Katù yapyoto ton pe emattàk kon.

1 Peter 2:22

“ Àli kussak ya pùla iwechi màlà, ànù'là uya kasei wepakka intapai yetappù pen.” {Isa 53.9}

1 Peter 3:10

Masapùla “Ànù'là tùutauchinpaik wema'nàtok molopai wakù pe tùwemattok weyu iche tùwessen, kùsselupatak àli pe, molopai kasei pe kùsettak.

1 Peter 4:2

Sàlà motapai uchi ewemattok kon talà non po yemakkwatàk kon Katù yeselu yawàlà, iche kappon wettok yawàlà pùla.

1 Peter 4:4

Molopai sàlà pe ailon tawonnan pen usenumenkasak man tùpùkkù pe ewechi kon àli pe màttawà tùwettok kon molopai àsà pe tùwematok kon yau pùla nen uchi ewechi kon pàk, màlàpàk tok àmottùnpayatàu.

Revelation 14:5

Tok mùta yau kasei là pùla kulu iwechippù màlà, iwalai pen pùla tok wechippù.